Video: రోహిత్ సేనకు డేంజర్ బెల్స్.. ఒకే ఓవర్లో 4 వికెట్లతో దడ పుట్టించిన పాక్ బౌలర్.. వైరల్ వీడియో
Shaheen Afridi Took 4 Wickets: పాకిస్థాన్ ఫాస్ట్ బౌలర్ షాహీన్ అఫ్రిది ప్రస్తుతం నాటింగ్హామ్షైర్ తరఫున వైటాలిటీ బ్లాస్ట్లో ఆడుతున్నాడు. జూన్ 30న జరిగిన మ్యాచ్లో షాహీన్ ఒకే ఓవర్లో 4 వికెట్లు పడగొట్టి, ఆసియా కప్ ముందు టీమిండియాకు డేంజర్ బెల్స్ మోగించాడు.
Updated on: Jul 01, 2023 | 8:54 AM
T20 Blast 2023 Viral Video: ఇంగ్లండ్లో జరుగుతున్న వైటాలిటీ బ్లాస్ట్లో పాకిస్తాన్ స్టార్ ఫాస్ట్ బౌలర్ షాహీన్ అఫ్రిది అద్భుతాలు చేశాడు. టోర్నీలో నాటింగ్హామ్షైర్ తరపున ఆడుతోన్న షాహీన్ అఫ్రిది ఒకే ఓవర్లో నాలుగు వికెట్లు తీసి చరిత్ర సృష్టించాడు. తొలి ఓవర్లోనే షాహీన్ ఈ ఘనత సాధించాడు. నాటింగ్హామ్షైర్ వర్సెస్ వార్విక్షైర్ మధ్య జరిగిన మ్యాచ్లో వార్విక్షైర్ మ్యాచ్ గెలిచి ఉండవచ్చు. కానీ, షహీన్ అఫ్రిది తన బౌలింగ్తో అందరి హృదయాలను గెలుచుకున్నాడు.
షాహీన్ ఈ సూపర్ ఓవర్ వీడియో వైటాలిటీ బ్లాస్ట్ అధికారిక సోషల్ మీడియా ద్వారా సోషల్ మీడియాలో షేర్ చేసింది. నాటింగ్హామ్షైర్ నుంచి తొలి ఓవర్ వేసిన షాహీన్ తొలి బంతిని వైడ్గా విసిరాడు. ఆ తర్వాతి బంతికి అతను వార్విక్షైర్ బ్యాట్స్మెన్ అలెక్స్ డేవిస్కి యార్కర్ లెంగ్త్ బౌలింగ్ చేశాడు. అతను అర్థం చేసుకోలేకపోయిన బ్యాటర్.. LBWగా కుప్పకూలిపోయి, వికెట్ సమర్పించుకున్నాడు.
ఆ తర్వాతి బంతికి షాహీన్ క్రిస్ బెంజమిన్ను బౌల్డ్ చేశాడు. అదే సమయంలో షాహీన్ వేసిన ఓవర్ మూడో, నాలుగో బంతికి వరుసగా ఒక్కో పరుగు వచ్చాయి. ఐదో బంతికి షాహీన్ ఎడమచేతి వాటం బ్యాట్స్మెన్ డాన్ మౌస్లీని ఔట్ చేశాడు. ఆ తర్వాత, ఓవర్ చివరి బంతికి, ఆఫ్రిది ఎడ్ బెర్నార్డ్ ఆఫ్ స్టంప్ను రూట్ చేసి పెవిలియన్కు దారి చూపించాడు.
మ్యాచ్లో షాహీన్ అద్భుత బౌలింగ్ చేశాడు. 7.20 ఎకానమీతో 4 ఓవర్లలో 29 పరుగులిచ్చి 4 వికెట్లు పడగొట్టాడు. ఈ సమయంలో ఓ మెయిడెన్ ఓవర్ కూడా విసిరాడు.
అద్భుతంగా బౌలింగ్ చేసినా.. ఓడిన షాహీన్ అఫ్రిది టీం..
Crazy from Shaheen Shah Afridi. Took 4 wickets in an over. 3 of those were bowled or LBW.
Eagle flying in style in the English sky!#T20Blastpic.twitter.com/Tq5bMdYo8S
— Himanshu Pareek (@Sports_Himanshu) June 30, 2023
ఈ మ్యాచ్లో వార్విక్షైర్ టాస్ గెలిచి బౌలింగ్ ఎంచుకుంది. తొలుత బ్యాటింగ్ చేసిన నాటింగ్హామ్షైర్ 20 ఓవర్లలో 168 పరుగులకు ఆలౌటైంది. జట్టు తరపున వికెట్ కీపర్ టామ్ మూర్స్ 6 ఫోర్లు, 4 సిక్సర్ల సహాయంతో 73 పరుగుల ఇన్నింగ్స్ ఆడాడు.
దీంతో పరుగుల ఛేదనకు దిగిన వార్విక్షైర్ 19.1 ఓవర్లలో 8 వికెట్లు కోల్పోయి విజయాన్ని అందుకుంది. జట్టు తరపున రాబర్ట్ యేట్స్ 46 బంతుల్లో 3 ఫోర్లు, 4 సిక్సర్లతో 65 పరుగులు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి.
