Champions Trophy: కలసిరాని ఛాంపియన్స్ ట్రోఫీ.. బుమ్రా తర్వాత మరో ప్లేయర్ ఔట్.. ఎవరంటే?

New Zealand All Rounder Lockie Ferguson Ruled Out

New Zealand All Rounder Lockie Ferguson Ruled Out: 2025 ఛాంపియన్స్ ట్రోఫీ ప్రారంభం దగ్గర పడుతుండగా, ఒకరి తర్వాత ఒకరు స్టార్ ఆటగాళ్లు గాయం కారణంగా ఛాంపియన్స్ ట్రోఫీ నుంచి వైదొలుగుతున్నారు. గాయాల కారణంగా ఆస్ట్రేలియా, పాకిస్తాన్, దక్షిణాఫ్రికా స్టార్ ఆటగాళ్ళు ఐసీసీ టోర్నమెంట్‌లో ఆడడం లేదు. అదే సమయంలో, న్యూజిలాండ్ కూడా పెద్ద ఎదురుదెబ్బ తగిలింది. గాయం కారణంగా న్యూజిలాండ్ ఫాస్ట్ బౌలర్ లాకీ ఫెర్గూసన్ కూడా ఛాంపియన్స్ ట్రోఫీకి దూరమయ్యాడు. ఇప్పుడు ఫెర్గూసన్ స్థానంలో కివీ జట్టులో ఎవరికి అవకాశం లభిస్తుందో చూడాలి.

ఫెర్గూసన్ ఛాంపియన్స్ ట్రోఫీ ఆడడు..

ఛాంపియన్స్ ట్రోఫీ కోసం కివీస్ జట్టు ఎంపిక చేసిన 15 మంది సభ్యుల జట్టులో లాకీ ఫెర్గూసన్ ఉన్నాడు. అయితే, అతను తొడ కండరాల గాయం కారణంగా జట్టుకు దూరమయ్యాడు. దుబాయ్‌లో జరిగిన ILT20 2025 లీగ్ సందర్భంగా లాకీ గాయపడ్డాడు. అతను షార్జా వారియర్స్ తరపున ఎలిమినేటర్ మ్యాచ్‌లో కూడా పాల్గొనలేదు. అయితే పాకిస్తాన్, దక్షిణాఫ్రికా, న్యూజిలాండ్ మధ్య జరుగుతున్న ముక్కోణపు వన్డే సిరీస్‌లో అతను ఆడలేకపోయాడు. ఈ సిరీస్ కోసం అతను కివీస్ జట్టులో కూడా చేరాడు.

లాకీ ఫెర్గూసన్ వన్డే కెరీర్..

లాకీ ఫెర్గూసన్ న్యూజిలాండ్ ఉత్తమ ఆటగాళ్ళలో లెక్కించబడ్డాడు. లాకీ వన్డే కెరీర్ అద్భుతంగా ఉంది. అతను 2016 లో న్యూజిలాండ్ తరపున వన్డే అరంగేట్రం చేశాడు. ఇప్పటివరకు, ఫెర్గస్ 65 వన్డే మ్యాచ్‌లు ఆడి 64 ఇన్నింగ్స్‌లలో 99 వికెట్లు పడగొట్టాడు. అతను ఒక ఇన్నింగ్స్‌లో ఒకసారి ఐదు వికెట్లు, రెండుసార్లు నాలుగు వికెట్లు పడగొట్టాడు. 50 ఓవర్ల ఫార్మాట్‌లో లాకీ ఎకానమీ 5.68గా ఉంది.

రచిన్ రవీంద్ర ఆడటంపై కూడా సస్పెన్స్..

న్యూజిలాండ్, పాకిస్తాన్, దక్షిణాఫ్రికా మధ్య నాలుగు మ్యాచ్‌ల ముక్కోణపు వన్డే సిరీస్ పాకిస్తాన్‌లో జరుగుతోంది. అంతకుముందు (ఫిబ్రవరి 8న పాకిస్థాన్‌తో జరిగిన మ్యాచ్‌లో), న్యూజిలాండ్ ఆల్ రౌండర్ రచిన్ రవీంద్ర ఫీల్డింగ్ చేస్తున్నప్పుడు పెద్ద ప్రమాదానికి గురయ్యాడు. బంతిని పట్టుకోవడానికి ప్రయత్నిస్తుండగా అతని ముఖంపై దెబ్బ తగిలింది. మైదానంలోనే అతని ముఖం నుంచి రక్తం కారడం ప్రారంభమైంది. అతను మైదానం నుంచి వెళ్లిపోయాడు. అతని నుదిటిపై కుట్లు పడ్డాయి. ఆ తర్వాత అతను తదుపరి మ్యాచ్ కూడా ఆడలేదు. ఛాంపియన్స్ ట్రోఫీలో రచిన్ ఆడటంపై ఇంకా సస్పెన్స్ కొనసాగుతోంది.

మరిన్ని క్రీడా వార్తల కోసం ఇక్కడ క్లిక్ చేయండి..