Rohit Sharma : చూడు, నీ ముందు స్టార్క్ ఉన్నాడు..నెట్స్‌లో రోహిత్ శర్మకు అభిమానుల ఫైర్ మోటివేషన్

Rohit Sharma : భారత క్రికెట్ స్టార్ బ్యాటర్ రోహిత్ శర్మ ఇంటర్నేషనల్ క్రికెట్లోకి మళ్లీ అడుగుపెట్టేందుకు సిద్ధమవుతున్నాడు. ఈ ఏడాది మార్చిలో జరిగిన ఛాంపియన్స్ ట్రోఫీ తర్వాత తొలిసారిగా ఆస్ట్రేలియా టూర్ ద్వారా అతను రీఎంట్రీ ఇవ్వనున్నాడు. ఈ ముఖ్యమైన సిరీస్ కోసం రోహిత్ శర్మ ముమ్మరంగా ప్రాక్టీస్ చేస్తున్నాడు. ముంబైలోని శివాజీ పార్క్‌లో శిక్షణ తీసుకుంటున్న రోహిత్‌ను చూడడానికి భారీ సంఖ్యలో అభిమానులు తరలివచ్చి, వింతైన నినాదాలు చేస్తూ తమ ఫేవరెట్ ఆటగాడిని ఉత్సాహపరిచారు.

రోహిత్ శర్మ ఆస్ట్రేలియాతో జరగబోయే మూడు వన్డే మ్యాచ్‌ల సిరీస్‌కు సిద్ధమవుతున్నాడు. ఈ సిరీస్ అక్టోబర్ 19న ప్రారంభం కానుంది. దీనికోసం అతను ముంబైలోని శివాజీ పార్క్‌లో దాదాపు రెండు గంటల పాటు బ్యాటింగ్ ప్రాక్టీస్ చేశాడు. తన స్నేహితుడు, మాజీ ముంబై సహచరుడు అభిషేక్ నాయర్ పర్యవేక్షణలో రోహిత్ ప్రాక్టీస్ చేస్తున్నాడు. ఆల్ హార్ట్ క్రికెట్ అకాడమీలో ప్రాక్టీస్ చేసిన రోహిత్, తన ట్రేడ్‌మార్క్ పుల్ షాట్లు, కట్ షాట్లతో పాటు ఫాస్ట్ బౌలర్లను ఎదుర్కొనేందుకు ఎక్కువగా దృష్టి పెట్టాడు. పేస్ బౌలింగ్‌తో పాటు స్పిన్నర్లను ఎదుర్కొంటూ స్వీప్ షాట్లను కూడా ప్రాక్టీస్ చేశాడు.

తనకు ఇంకా క్రికెట్ ఆడే సత్తా ఉందని, 2027లో సౌతాఫ్రికాలో జరగబోయే వన్డే ప్రపంచకప్‎లో తాను ఉండాలని నిరూపించుకోవాలని రోహిత్ శర్మ గట్టి పట్టుదలతో ఉన్నాడు. అందుకే తన ప్రాక్టీసులో బాగా కష్టపడుతున్నాడు. ఈ ప్రాక్టీసు సమయంలో అనేక మంది యువ అభిమానులు శివాజీ పార్క్‌కు చేరుకుని రోహిత్ బ్యాటింగ్ చూస్తూ సందడి చేశారు.

Fans shouting in front of Rohit Sharma during his practice session 🗣️- "2027 ka World Cup jeetna hai Rohit bhai, tumhare bina possible nahi hai! Australia me bhi aise hi maarna hai… dekho dekho, saamne Starc khada ha"😂🔥 pic.twitter.com/PBhPvnL2gW

— 𝐑𝐮𝐬𝐡𝐢𝐢𝐢⁴⁵ (@rushiii_12) October 11, 2025

ప్రాక్టీసులో రోహిత్ భారీ షాట్లు ఆడుతున్నప్పుడు అభిమానులు ఉత్సాహంగా అరిచారు. ముఖ్యంగా వైరల్ అయిన ఒక వీడియోలో, అభిమానులు రోహిత్‌ను ఆస్ట్రేలియా పేస్ దళం గురించి హెచ్చరించడం వినిపించింది. “రోహిత్ భాయ్, 2027 వరల్డ్ కప్ గెలవాలి, అది నీవు లేకుండా అసాధ్యం” అని ఒక అభిమాని అరవగా.. దానికి రోహిత్ భారీ షాట్ కొట్టిన తర్వాత మరొక అభిమాని “ఆస్ట్రేలియాలో కూడా ఇలాగే కొట్టాలి.. చూడు, ముందు స్టార్క్ నిలబడి ఉన్నాడు!” అంటూ హెచ్చరించడం వినిపించింది. ఈ వీడియో క్లిప్ సోషల్ మీడియాలో విపరీతంగా చక్కర్లు కొడుతోంది.

టెక్నికల్‎గా రోహిత్ శర్మ మాజీ కెప్టెన్ హోదాలో ఉన్నప్పటికీ అతని దూకుడు, జట్టుకు అతని అవసరంపై అభిమానులు ఇంకా గట్టి విశ్వాసంతో ఉన్నారని ఈ సంఘటనలు రుజువు చేస్తున్నాయి. రాబోయే ఆస్ట్రేలియా సిరీస్ ద్వారా రోహిత్ అంతర్జాతీయ క్రికెట్‌లోకి మళ్లీ అడుగుపెట్టి, తన ప్రదర్శనతో సెలెక్టర్లకు గట్టి మెసేజ్ పంపుతాడని అభిమానులు ఆశిస్తున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..