KKR vs DC Score: కోల్‌కతా టార్గెట్ 216.. అదరగొట్టిన ఢిల్లీ బ్యాటర్స్.. హాఫ్ సెంచరీలతో సత్తా చాటిన పృథ్వీ షా, వార్నర్

KKR vs DC Score: కోల్‌కతా టార్గెట్ 216.. అదరగొట్టిన ఢిల్లీ బ్యాటర్స్.. హాఫ్ సెంచరీలతో సత్తా చాటిన పృథ్వీ షా, వార్నర్
Kolkata Knight Riders Vs Delhi Capitals

Kolkata Knight Riders vs Delhi Capitals: తొలుత బ్యాటింగ్ చేసిన ఢిల్లీ నిర్ణీత 20 ఓవర్లలో 5 వికెట్లకు 215 పరుగులు చేసింది. దీంతో కోల్‌కతా నైట్ రైడర్స్ టీం ముందు 216 పరగుల టార్గెట్‌ను ఉంచింది. డేవిడ్ వార్నర్ 61 పరుగులు చేయగా..

Venkata Chari

|

Apr 10, 2022 | 5:39 PM

ఐపీఎల్‌లో ఈరోజు డబుల్ హెడర్ డే. తొలి మ్యాచ్‌లో భాగంగా కోల్‌కతా నైట్ రైడర్స్ టీం ఢిల్లీ క్యాపిటల్స్‌తో తలపడుతోంది. దీంతో టాస్ గెలిచిన కోల్‌కతా బౌలింగ్ ఎంచుకుంది. తొలుత బ్యాటింగ్ చేసిన ఢిల్లీ నిర్ణీత 20 ఓవర్లలో 5 వికెట్లకు 215 పరుగులు చేసింది. దీంతో కోల్‌కతా నైట్ రైడర్స్ టీం ముందు 216 పరగుల టార్గెట్‌ను ఉంచింది. డేవిడ్ వార్నర్ 61 పరుగులు చేయగా, పృథ్వీ షా 51 పరుగులు చేసి పెవిలియన్ చేరారు. ఇక కేకేఆర్ ఖాతాలో సునీల్ నరైన్ 2 వికెట్లు పడగొట్టాడు. డేవిడ్ వార్నర్ అద్భుతంగా బ్యాటింగ్ చేస్తూ 35 బంతుల్లో ఐపీఎల్‌లో 51వ అర్ధ సెంచరీని పూర్తి చేశాడు. మైదానంలోని ప్రతి మూలలోనూ పరుగులు సాధించాడు. ఈ సీజన్‌లో రెండో మ్యాచ్ ఆడుతున్న డేవిడ్ 45 బంతుల్లో 61 పరుగులు చేసి పెవిలియన్‌కు చేరుకున్నాడు. అతని వికెట్ ఉమేష్ యాదవ్ ఖాతాలో చేరగా, డీప్ మిడ్ వికెట్ వద్ద రహానేకి క్యాచ్ ఇచ్చాడు.

నరేన్ ఖాతాలో 2 వికెట్లు..

కేకేఆర్ స్టార్ బౌలర్ సునీల్ నరైన్ 21 పరుగులిచ్చి 2 వికెట్లు పడగొట్టాడు. లలిత్ యాదవ్ (1), రోవ్‌మన్ పావెల్ (8)లను అవుట్ చేశాడు. ఈ సీజన్‌లో ఇప్పటి వరకు 4 వికెట్లు తీశాడు.

3 వికెట్లు 13 పరుగుల వ్యవధిలో..

ఢిల్లీ కేవలం 13 పరుగుల వ్యవధిలో రెండో, మూడు, నాలుగో వికెట్లు కోల్పోయింది. రస్సెల్ ఖాతాలో రిషబ్ పంత్ (27) వికెట్ పడింది. లలిత్ యాదవ్ (1)ని నరైన్ ఎల్‌బీడబ్ల్యూగా అవుట్ చేయగా, రోవ్‌మన్ పావెల్ (8) వికెట్ కూడా నరైన్ తీశాడు.

షా అవుట్ అయిన తర్వాత బ్యాటింగ్‌కు వచ్చిన కెప్టెన్ రిషబ్ పంత్ మైదానంలోకి రాగానే ఫోర్లు, సిక్సర్ల మోత మోగించాడు. వార్నర్, పంత్ రెండో వికెట్‌కు 27 బంతుల్లో 54 పరుగులు జోడించారు. రిషబ్ 14 బంతుల్లో 27 పరుగులు చేసి ఆండ్రీ రస్సెల్ బౌలింగ్ లో ఔట్ అయ్యాడు. అతని ఇన్నింగ్స్‌లో, అతను 2 ఫోర్లు, 2 సిక్సర్లు ఉన్నాయి.

షా వరుసగా రెండో హాఫ్ సెంచరీ..

అద్భుతమైన ఫామ్‌లో ఉన్న పృథ్వీ షా 27 బంతుల్లోనే అర్ధశతకం పూర్తి చేసుకున్నాడు. అయితే అర్ధసెంచరీ చేసిన తర్వాతే వికెట్ కోల్పోయాడు. పృథ్వీని వరుణ్ చక్రవర్తి క్లీన్ బౌల్డ్ చేసి పెవిలియన్ చేర్చాడు. ఐపీఎల్‌లో కేకేఆర్‌పై షాకు ఇది ఐదో అర్ధ సెంచరీ. ఈ మ్యాచ్‌లో తొలి సిక్స్ కొట్టడంతో పాటు ఐపీఎల్‌లో షా తన 50 సిక్సర్లను కూడా పూర్తి చేసుకున్నాడు. లక్నోతో జరిగిన చివరి మ్యాచ్‌లోనూ షా 61 పరుగులు చేశాడు. పవర్ ప్లేలో ఢిల్లీ తరపున 1,000 పరుగులు చేసిన రెండో ఆటగాడిగా పృథ్వీ షా నిలిచాడు. అంతకుముందు వీరేంద్ర సెహ్వాగ్ (1250) ఉన్నాడు.

షా, వార్నర్‌ జోడీ..

పృథ్వీ షా, డేవిడ్ వార్నర్‌లు తొలి వికెట్‌కు 93 పరుగులు జోడించారు. ఈ జోడీ నిరంతరం KKR బౌలర్లపై ఒత్తిడి పెంచింది. ఈ భాగస్వామ్యాన్ని వరుణ్ చక్రవర్తి షా క్లీన్ బౌల్డ్ చేశాడు. పృథ్వీ షా 29 బంతుల్లో 51 పరుగులు చేసి ఔటయ్యాడు.

ఢిల్లీ పవర్ ప్లే..

టాస్ ఓడి బ్యాటింగ్ ప్రారంభించిన ఢిల్లీ శుభారంభం చేసింది. తొలి 6 ఓవర్లలో పృథ్వీ షా, డేవిడ్ వార్నర్ 68 పరుగులు చేసి ఫోర్లు, సిక్సర్ల వర్షం కురిపించి జట్టు తరపున ఒక్క వికెట్ కూడా పడనీయలేదు. పవర్ ప్లేలో ఇద్దరూ 10 ఫోర్లు, 2 సిక్సర్లు బాదారు.

రెండు జట్లకు చెందిన ప్లేయింగ్ XI..

ఢిల్లీ క్యాపిటల్స్ (ప్లేయింగ్ XI): పృథ్వీ షా, డేవిడ్ వార్నర్, రిషబ్ పంత్ (కీపర్/కెప్టెన్), రోవ్‌మన్ పావెల్, సర్ఫరాజ్ ఖాన్, లలిత్ యాదవ్, అక్షర్ పటేల్, శార్దూల్ ఠాకూర్, కుల్దీప్ యాదవ్, ముస్తాఫిజుర్ రెహమాన్, ఖలీల్ అహ్మద్

కోల్‌కతా నైట్ రైడర్స్ (ప్లేయింగ్ XI): అజింక్యా రహానే, వెంకటేష్ అయ్యర్, శ్రేయాస్ అయ్యర్(కెప్టెన్), సామ్ బిల్లింగ్స్(కీపర్), నితీష్ రాణా, ఆండ్రీ రస్సెల్, సునీల్ నరైన్, పాట్ కమిన్స్, ఉమేష్ యాదవ్, రసిఖ్ సలామ్, వరుణ్ చక్రవర్తి

Also Read: IPL 2022: బెంగళూర్ ఫ్యాన్స్‌కు బ్యాడ్ న్యూస్.. తర్వాతి మ్యాచ్‌లకు దూరమైన కీలక బౌలర్.. ఎందుకంటే?

KKR vs DC Live Score, IPL 2022: కోల్‌కతా టార్గెట్ 216.. అర్థసెంచరీలతో సత్తా చాటిన షా, వార్నర్..

Follow us on

Related Stories

Most Read Stories

Click on your DTH Provider to Add TV9 Telugu