RCB vs GT: ఆర్సీబీ ఫ్యాన్స్‌ను భయపెడుతోన్న కెప్టెన్ సెంటిమెంట్‌.. ట్రోఫీ చేజారిపోయిందిగా..!

IPL Viral Sentiment: ఇండియన్ ప్రీమియర్ లీగ్ (ఐపీఎల్) క్రికెట్ ప్రపంచంలో రికార్డుల వేట మాత్రమే కాదు, కొన్నిసార్లు నమ్మశక్యం కాని విచిత్రమైన సెంటిమెంట్లు కూడా అభిమానులను ఆశ్చర్యపరుస్తుంటాయి. తాజాగా సోషల్ మీడియాలో వైరల్ అవుతున్న ఒక ఆసక్తికరమైన లెక్కలు ఇప్పుడు క్రికెట్ ప్రియుల్లో, ముఖ్యంగా రాయల్ ఛాలెంజర్స్ బెంగళూరు అభిమానుల్లో తీవ్ర ఉత్కంఠను రేకెత్తిస్తోంది.

హార్దిక్ పాండ్యాతో మొదలైన విచిత్ర సెంటిమెంట్..

క్రికెట్ అభిమానులు ఐపీఎల్‌ను కేవలం ఒక ఆటలా కాకుండా భావోద్వేగంగా చూస్తారు. అయితే గత కొన్ని సీజన్లుగా ఒక విచిత్రమైన ‘స్క్రిప్ట్’ సాగుతోందని నెటిజన్లు గమనించారు. ఈ వింత సెంటిమెంట్‌కు పునాది 2022 సీజన్‌లో పడింది. సరికొత్త జట్టుగా బరిలోకి దిగిన గుజరాత్ టైటాన్స్ జట్టుకు సారథ్యం వహించిన హార్దిక్ పాండ్యా, అద్భుత వ్యూహాలతో జట్టును నడిపించి తొలి ఏడాదిలోనే ట్రోఫీని ముద్దాడాడు. అంతా సవ్యంగా సాగుతుందనుకున్న తరుణంలో, మరుసటి ఏడాది అంటే 2023 ఐపీఎల్ సీజన్ ఫైనల్లో గుజరాత్ జట్టు అనూహ్యంగా ఓటమిపాలై రన్నరప్‌గా నిలిచింది. ఒక ఏడాది విజేతగా నిలిచి, ఆ తరువాతి ఏడాది తృటిలో టైటిల్ చేజార్చుకోవడం ఇక్కడ గమనార్హం.

ఇవి కూడా చదవండి

నేను ముందే చెప్పా ఫైనల్ ఆడేది ఆ 2 టీంలే.. విజేత ఎవరంటే: పాంటింగ్

'సిగ్గుండాలి.. ఔట్ చేయడం చేతకాక వైభవ్ బాడీని టార్గెట్ చేస్తారా'

ఐపీఎల్ హిస్టరీలోనే మోస్ట్ అన్‌లక్కీ ప్లేయర్ ఎవరో తెలుసా?

'ఫైనల్ ఆడేది ఆ రెండు జట్లే.. ట్రోఫీ పట్టుకపోయేది మాత్రం వాళ్లే'

ఇది కూడా చదవండి: సిగ్గుండాలి.. ఔట్ చేయడం చేతకాక అలాంటి బౌలింగ్ చేస్తారా.. గుజరాత్‌పై టీమిండియా మాజీ ప్లేయర్ ఫైర్

శ్రేయస్ అయ్యర్ విషయంలోనూ అదే రిపీట్..!

హార్దిక్ పాండ్యా విషయంలో జరిగింది కేవలం కాకతాళీయం అనుకుంటే పొరపాటేనని 2024, 2025 సీజన్లు నిరూపించాయి. కోల్‌కతా నైట్ రైడర్స్ కెప్టెన్‌గా 2024లో అడుగుపెట్టిన శ్రేయస్ అయ్యర్, జట్టును అద్భుతమైన ఆటతీరుతో నడిపించి ఐపీఎల్ ఛాంపియన్‌గా నిలబెట్టాడు. ఈ విజయంతో కోల్‌కతా క్యాంప్‌లో పండగ వాతావరణం నెలకొంది. అయితే ఈ వింత సెంటిమెంట్ శ్రేయస్‌ను కూడా వదల్లేదు. సరిగ్గా మరుసటి ఏడాది, అంటే 2025 సీజన్‌లో శ్రేయస్ అయ్యర్ సారథ్యంలోని జట్టు ఫైనల్ మెట్లను దాటలేక, రన్నరప్‌తోనే సరిపెట్టుకోవాల్సి వచ్చింది. వరుసగా ఇద్దరు కెప్టెన్లు ఒక ఏడాది గెలిచి, ఆ తరువాతి ఏడాది ఓడిపోవడంతో ఈ సెంటిమెంట్ కాస్తా సోషల్ మీడియాలో ‘ఐపీఎల్ స్క్రిప్ట్’గా ప్రసిద్ధి చెందింది.

2025 విజేత రజత్ పటీదార్.. మరి 2026 పరిస్థితి ఏంటి?

View this post on Instagram

A post shared by @edaina_sare

ఈ క్రమంలోనే అసలైన ట్విస్ట్ 2025 సీజన్‌లో చోటుచేసుకుంది. 2025 ఐపీఎల్‌లో రజత్ పటీదార్ అద్భుతమైన కెప్టెన్సీతో, అసాధారణమైన బ్యాటింగ్ నైపుణ్యంతో రాయల్ ఛాలెంజర్స్ బెంగళూరు (ఆర్సీబీ) జట్టుకు ఎట్టకేలకు చారిత్రాత్మకమైన ఐపీఎల్ ట్రోఫీని అందించాడు. దశాబ్దాలుగా కరవైన కప్‌ను సాధించి పెట్టడంతో అభిమానులు పటీదార్‌ను నెత్తిన పెట్టుకున్నారు.

ఇది కూడా చదవండి: ఐపీఎల్ హిస్టరీలోనే మోస్ట్ అన్‌లక్కీ ప్లేయర్.. టీమిండియా తోపును వెంటాడుతున్న ఆ ‘శాపం’..?

కానీ, ఇప్పుడు ఈ వింత సెంటిమెంట్ ఆర్సీబీ అభిమానుల గుండెల్లో రైళ్లు పరిగెత్తిస్తోంది. హార్దిక్ పాండ్యా, శ్రేయస్ అయ్యర్ తరహాలోనే 2025లో ట్రోఫీ నెగ్గిన రజత్ పటీదార్, ప్రస్తుత 2026 సీజన్ ఫైనల్లో ఓడిపోబోతున్నాడా అనే చర్చ జోరందుకుంది. సోషల్ మీడియాలో వైరల్ అవుతున్న ఆ వివరాలు ఇలా ఉన్నాయి:

2022: హార్దిక్ పాండ్యా – ఐపీఎల్ విజేత (Won IPL)

2023: హార్దిక్ పాండ్యా – ఐపీఎల్ రన్నరప్ (Lost IPL)

2024: శ్రేయస్ అయ్యర్ – ఐపీఎల్ విజేత (Won IPL)

2025: శ్రేయస్ అయ్యర్ – ఐపీఎల్ రన్నరప్ (Lost IPL)

2025: రజత్ పటీదార్ – ఐపీఎల్ విజేత (Won IPL)

2026: ???

నెటిజన్ల ఫన్నీ కామెంట్లు.. ఆర్సీబీ ఫ్యాన్స్ టెన్షన్..!

ఎక్స్, ఇన్‌స్టాగ్రామ్‌ వేదికగా ఈ గణాంకాలకు సంబంధించిన మీమ్స్ విపరీతంగా హల్‌చల్ చేస్తున్నాయి. “ఐపీఎల్ స్క్రిప్ట్ రైటర్స్ చాలా పక్కాగా ప్లాన్ చేశారు” అని కొందరు సరదాగా వ్యాఖ్యానిస్తుంటే, “ఈసారి ఈ సెంటిమెంట్‌ను బద్దలు కొట్టి ఆర్సీబీ బ్యాక్-టు-బ్యాక్ కప్ కొడుతుంది” అని అభిమానులు ధీమా వ్యక్తం చేస్తున్నారు. ఏది ఏమైనప్పటికీ, గత మూడేళ్లుగా కచ్చితత్వంతో సాగుతున్న ఈ విచిత్ర నమూనా, ఈ 2026 సీజన్‌లో ఎలాంటి మలుపు తిరుగుతుందో చూడాలి.