KKR vs RCB: ఆ మాత్రం థ్రిల్ ఉండాల్సిందే.. మూడోసారి ట్రోఫీ పట్టేస్తాం: విదర్భ ఎక్స్‌ప్రెస్ ఉమేష్ యాదవ్..
Umesh Yadav: ఉమేష్ యాదవ్ ఇండియన్ ప్రీమియర్ లీగ్ (IPL)లో 134 మ్యాచ్‌లు ఆడాడు. 28.85 సగటుతో 136 వికెట్లు తీశాడు. 4/23 అత్యుత్తమ గణాంకాలతో ఓవర్‌కు 8.31 పరుగులు ఇచ్చాడు. గతేడాది డిసెంబర్‌లో జరిగిన వేలంలో కోల్‌కతా నైట్ రైడర్స్ (KKR) అతడిని రూ.2 కోట్లకు కొనుగోలు చేసింది.
Updated on: Apr 07, 2023 | 2:54 PM
ఉమేష్ యాదవ్ ఇండియన్ ప్రీమియర్ లీగ్ (IPL)లో 134 మ్యాచ్‌లు ఆడాడు. 28.85 సగటుతో 136 వికెట్లు తీశాడు. 4/23 అత్యుత్తమ గణాంకాలతో ఓవర్‌కు 8.31 పరుగులు ఇచ్చాడు. గతేడాది డిసెంబర్‌లో జరిగిన వేలంలో కోల్‌కతా నైట్ రైడర్స్ (KKR) అతడిని రూ.2 కోట్లకు కొనుగోలు చేసింది. పంజాబ్ కింగ్స్‌తో జరిగిన టోర్నమెంట్ ఓపెనింగ్ మ్యాచ్‌లో 27 పరుగులిచ్చి ఒక వికెట్ తీసుకున్నాడు.
నాలుగు సంవత్సరాల తర్వాత ఈడెన్ గార్డెన్స్‌లో రాయల్ ఛాలెంజర్స్ బెంగళూరు (RCB)తో తలపడేందుకు కేకేఆర్ సిద్ధమైంది. హోం గ్రౌండ్‌లో మొదటి మ్యాచ్ ఆడేందుకు “విదర్భ ఎక్స్‌ప్రెస్” ఎదురుచూస్తోంది. ఈ క్రమంలో టీవీ9 నెట్‌వర్క్‌కి ఇచ్చిన ప్రత్యేక ఇంటర్వ్యూలో మాట్లాడుతూ.. ముఖ్యంగా కోవిడ్-19 మహమ్మారి తర్వాత, అభిమానులను తిరిగి స్టేడియంలో చూడడం ఎంతో ఆనందంగా ఉందంటూ చెప్పుకొచ్చాడు. కేకేఆర్ మూడోసారి ట్రోఫీని దక్కించుకునేందుకు తన వంతు కృషి చేస్తానని హామీ ఇచ్చాడు.
కేకేఆర్ స్టార్ బౌలర్ ఉమేష్ యాదవ్ మాట్లాడుతూ.. ఆర్‌సీబీ వర్సెస్ కేకేఆర్ పోరు అంటే చాలా ఉత్కంఠగా ఉంటుంది. రెండు పెద్ద జట్ల మధ్య పోటీ అంటే ఆమాత్రం థ్రిల్ ఉండాల్సిందే. గెలుపు కోసం ఇరుజట్లు కడదాకా పోరాడతాయి. అయితే, మైదానంలో ఎవరు 100 శాతం ఇస్తారో వారిదే విజయం. ఇరుజట్లు కూడా ఆటుపోట్లను ఎదుర్కొన్నాయి. కానీ, కీలక సమయంలో మాత్రం సత్తా చాటి బరిలోకి నిలిచాయి. మరోసారి అలాంటి ప్రదర్శనే చేస్తాం. ఫ్యాన్స్‌కు కూడా ఆర్‌సీబీ వర్సెస్ కేకేఆర్ మ్యాచ్ అంటే ఫుల్ మజా వస్తుంది. చివరి దాకా విజయం ఎవరికి సొంతం అవుతుందో తెలియదు. కానీ, మేం సొంత మైదానంలో ఆడుతున్నాం. కాబట్టి, మాకు ప్రేక్షకుల మద్దతు ఉంటుంది. అదే మా బలం అంటూ ఆశాభావం వ్యక్తం చేశాడు.
‘ ఈ సీజన్‌లోనూ జట్టు మంచి ఉత్సాహంతో ఉంది. మాకు బలమైన బ్యాటింగ్ లైనప్ ఉంది. చంద్రకాంత్ పండిట్ కోచ్‌గా చేరారు. అతను వివిధ పరిస్థితులలో ఎలా బ్యాటింగ్ చేయాలో విభిన్న ఆలోచనలను ఇస్తున్నాడు. ఆటగాళ్లందరూ ఒకరికొకరు మద్దతుగా నిలిచారు’ అంటూ చెప్పుకొచ్చాడు.
‘రానా లాంటి యువ ఆటగాడికి కెప్టెన్సీ చేయడం అంత సులభం కాదు. శ్రేయాస్ ఇంతకుముందు నిర్ణయాలు తీసుకునేవాడు. ఇప్పుడు నితీష్ రంగంలోకి దిగాడు. అతినికి కొంత సమయం కావాలి. జట్టు పరిస్థితిని అర్థం చేసుకోవడానికి 2-3 మ్యాచ్‌లు పడుతుంది. దేశవాళీ క్రికెట్‌లో జట్టుకు నాయకత్వం వహించడం అనేది IPLలో అగ్రగామిగా ఉండటం కంటే చాలా భిన్నంగా ఉంటుంది. ఎందుకంటే ఇది అధిక ఒత్తిడితో కూడిన గేమ్. దేశవాళీ క్రికెట్‌లో జట్టుకు నాయకత్వం వహించడం చాలా సులభం. నితీష్ రాణా సమర్థుడైన కెప్టెన్ అని నేను భావిస్తున్నాను. మేం ఒక్క మ్యాచ్ మాత్రమే ఆడాం. టోర్నమెంట్ పురోగమిస్తున్న కొద్దీ, అతను కెప్టెన్‌గా తన ప్రణాళికలను మెరుగ్గా అమలు చేయగలడు’ అంటూ ఆశాభావం వ్యక్తం చేశాడు.
‘వేలంలో టీమ్ మేనేజ్‌మెంట్ చాలా ఆలోచనాత్మకంగా కొనుగోళ్లు చేసిందని నేను భావిస్తున్నాను. ఇంతకుముందు మాకు ఇద్దరు ఆల్ రౌండర్లు మాత్రమే ఉన్నారు. ఇప్పుడు శార్దూల్ ఠాకూర్ కూడా జట్టులో చేరాడు. డేవిడ్ వైస్ కూడా మాతో చేరాడు. మేం ఒక వికెట్ కీపర్, ఒక లెగ్ స్పిన్నర్‌ని కొనుగోలు చేశాం. బ్యాటింగ్, బౌలింగ్ లోతులు రెండూ బలపడ్డాయి. మాకు ఇప్పుడు 6-7 ఎంపికలు ఉన్నాయి. ఒక ఆటగాడు బాగా ఆడకపోతే, మరొక ఆటగాడు అతనిని భర్తీ చేయవచ్చు. కోచ్, కెప్టెన్ ఇద్దరికీ ఇది తలనొప్పి. ఎవరిని ఎంచుకోవాలి, ఎవరిని పక్కన పెట్టాలో తెలియని పరిస్థితి. కాబట్టి మాకు చాలా ఆసక్తికరమైన జట్టు ఉందని నేను భావిస్తున్నాను’ అంటూ ముగించాడు.
KKR vs RCB: ప్రాబబుల్ ప్లేయింగ్ XI..
కోల్‌కతా నైట్ రైడర్స్: మన్‌దీప్ సింగ్, రహ్మానుల్లా గుర్బాజ్, నితీష్ రాణా, రింకూ సింగ్, ఆండ్రీ రస్సెల్, శార్దూల్ ఠాకూర్, సునీల్ నరైన్, టిమ్ సౌథీ, అనుకుల్ రాయ్, ఉమేష్ యాదవ్, వరుణ్ చక్రవర్తి, వెంకటేష్ అయ్యర్.
రాయల్ ఛాలెంజర్స్ బెంగళూరు: ఫాఫ్ డు ప్లెసిస్, విరాట్ కోహ్లీ, మైఖేల్ బ్రేస్‌వెల్, గ్లెన్ మాక్స్‌వెల్, షాబాజ్ అహ్మద్, దినేష్ కార్తీక్, హర్షల్ పటేల్, ఆకాష్ దీప్, రీస్ టాప్లీ, మహ్మద్ సిరాజ్, కర్ణ్ శర్మ.
