Team India: స్పెషల్ రికార్డులో చేరిన టీమిండియా స్టార్ పేసర్.. దరిదాపుల్లో లేని మరో బౌలర్.. అవేంటంటే?
Mohammed Shami: భారత పేసర్ మహమ్మద్ షమీ తన వన్డే కెరీర్లో రెండు రికార్డులను సృష్టించాడు. ఇందులో మరే ఇతర బౌలర్ కూడా షమీ దరిదాపుల్లో లేడు.
Updated on: Jul 01, 2023 | 9:58 AM
Mohammed Shami’s ODI Record: భారత ఫాస్ట్ బౌలర్ మహ్మద్ షమీ చాలా కాలంగా అద్భుతమైన ఫామ్తో దూసుకెళ్తున్నాడు. IPL 2023, T20 క్రికెట్లో సత్తా చాటాడు. టోర్నీలో అత్యధిక వికెట్లు తీసి పర్పుల్ క్యాప్ విజేతగా షమీ నిలిచాడు. ఇది కాకుండా, ఇటీవల ఆస్ట్రేలియాతో జరిగిన ప్రపంచ టెస్ట్ ఛాంపియన్షిప్ ఫైనల్లో షమీ లయ చెక్కుచెదరకుండా ఉంది. మరోవైపు వన్డే క్రికెట్లో షమీకి అద్భుతమైన రికార్డు ఉంది. ఇందులో ఇప్పటివరకు ఏ భారతీయుడు అతని కంటే ముందు లేకపోవడం గమనార్హం.
అత్యంత వేగంగా వన్డేల్లో (తక్కువ మ్యాచ్ల్లో) 100, 150 వికెట్లు తీసిన భారత బౌలర్గా షమీ నిలిచాడు. వన్డేల్లో 100 వికెట్లు పడగొట్టేందుకు షమీ 56 మ్యాచ్లు ఆడాడు. ఈ విషయంలో భారత స్టార్ ఫాస్ట్ బౌలర్ జస్ప్రీత్ బుమ్రా రెండో స్థానంలో ఉన్నాడు. వన్డేల్లో 100 వికెట్లు పూర్తి చేసేందుకు బుమ్రా 57 మ్యాచ్లు ఆడాల్సి వచ్చింది. కాగా, ఈ జాబితాలో కుల్దీప్ యాదవ్ మూడో స్థానంలో ఉన్నాడు. చైనామన్ బౌలర్ 58 వన్డేల్లో 100 వికెట్లు పడగొట్టాడు.
ఇది కాకుండా, 150 వన్డే వికెట్లు పూర్తి చేయడానికి షమీ 80 మ్యాచ్లు ఆడాడు. వన్డేల్లో భారత్ నుంచి అత్యంత వేగంగా 150 వికెట్లు తీసిన బౌలర్గా నిలిచాడు. షమీ జనవరి 2013లో పాకిస్థాన్పై వన్డేల్లో అరంగేట్రం చేశాడు. అతను ఇప్పటివరకు 90 వన్డేలు ఆడాడు.
షమీ అంతర్జాతీయ కెరీర్..
మహ్మద్ షమీ ఇప్పటివరకు తన అంతర్జాతీయ కెరీర్లో 64 టెస్టులు, 90 వన్డేలు, 23 టీ20 ఇంటర్నేషనల్ మ్యాచ్లు ఆడాడు. టెస్టుల్లో 27.71 సగటుతో 229 వికెట్లు తీశాడు. ఈ సమయంలో అతను 6సార్లు ఐదు వికెట్లు (ఒక ఇన్నింగ్స్లో 5 లేదా అంతకంటే ఎక్కువ వికెట్లు) తీసుకున్నాడు. అదే సమయంలో, వన్డేల్లో, అతను 25.98 సగటుతో 162 వికెట్లు పడగొట్టాడు. ఇది కాకుండా షమీ అంతర్జాతీయ టీ20లో 29.62 సగటుతో 24 వికెట్లు తీశాడు. ఈ సమయంలో షమీ ఎకానమీ రేటు 8.94గా నిలిచింది.
మరిన్ని క్రీడా వార్తల కోసం ఇక్కడ క్లిక్ చేయండి.
