Ind vs Aus: భారత్, ఆసీస్ వైట్ బాల్ సిరీస్ ఫుల్ షెడ్యూల్ ఇదే.. మ్యాచ్లు ఎప్పుడు, ఎక్కడ జరుగుతాయంటే?
India vs Australia 2025 Full Schedule: ఆస్ట్రేలియాలో భారత్ ఒకే ఒక్క వన్డే సిరీస్ను గెలుచుకుంది. 54 మ్యాచ్లలో భారత జట్టు కేవలం 14 మ్యాచ్ల్లో గెలిచి 38 మ్యాచ్ల్లో ఓడిపోయింది. రెండు మ్యాచ్లు డ్రాగా ముగిశాయి. ఈ ఆస్ట్రేలియా పర్యటనలో టీం ఇండియా ఎక్కడ మ్యాచ్లు ఆడుతుందో తెలుసుకుందాం..
Updated on: Oct 17, 2025 | 7:35 PM
India vs Australia 2025 Full Schedule: భారత క్రికెట్ జట్టు రెడ్ బాల్ క్రికెట్లో అద్భుతంగా ఆకట్టుకుంది. ఇక వైట్ బాల్ సిరీస్ కోసం ఆసీస్ వెళ్లిన సంగతి తెలిసిందే. ఇటీవల ఛాంపియన్స్ ట్రోఫీ, ఆసియా కప్, టీ20 ప్రపంచ కప్ గెలిచినప్పటికీ, ఆస్ట్రేలియాను స్వదేశంలో ఎదుర్కోవడం చాలా సవాలుతో కూడుకున్నది. ఈ కఠినమైన సవాలు అక్టోబర్ 19న మళ్ళీ ప్రారంభమవుతుంది. ఈసారి భారత్ వర్సెస్ ఆస్ట్రేలియా మూడు ODIలు, ఐదు T20Iలు ఆడనున్నాయి. ఈ పర్యటన కోసం పూర్తి షెడ్యూల్ను ఓసారి పరిశీలిద్దాం..
భారత్-ఆస్ట్రేలియా పూర్తి షెడ్యూల్..
వన్డే సిరీస్..
మొదటి మ్యాచ్ – అక్టోబర్ 19న ఉదయం 9 గంటలకు పెర్త్లో జరుగుతుంది.
రెండవ మ్యాచ్ – అక్టోబర్ 23న అడిలైడ్లో ఉదయం 9 గంటలకు జరుగుతుంది.
మూడవ మ్యాచ్ – అక్టోబర్ 25న ఉదయం 9 గంటలకు సిడ్నీలో జరుగుతుంది.
భారత్-ఆస్ట్రేలియా టీ20 సిరీస్..
మొదటి మ్యాచ్ అక్టోబర్ 29న మధ్యాహ్నం 1.45 గంటలకు కాన్బెర్రాలో ప్రారంభమవుతుంది.
రెండో మ్యాచ్ అక్టోబర్ 31న మధ్యాహ్నం 1.45 గంటలకు మెల్బోర్న్లో ప్రారంభమవుతుంది.
మూడో మ్యాచ్ – నవంబర్ 2న మధ్యాహ్నం 1.45 గంటలకు హోబర్ట్లో ప్రారంభమవుతుంది.
నాల్గవ మ్యాచ్ – నవంబర్ 6న మధ్యాహ్నం 1.45 గంటలకు గోల్డ్ కోస్ట్లో ప్రారంభమవుతుంది.
ఐదవ మ్యాచ్ – నవంబర్ 8న మధ్యాహ్నం 1.45 గంటలకు బ్రిస్బేన్లో ప్రారంభమవుతుంది.
ఆస్ట్రేలియాలో భారత్ వన్డే రికార్డు..
ఆస్ట్రేలియాలో ఆస్ట్రేలియాపై భారత్ రికార్డు దారుణంగా ఉంది. 54 మ్యాచ్ల్లో భారత్ 38 ఓడిపోయింది, ఆస్ట్రేలియా 14 మాత్రమే గెలిచింది. ఆస్ట్రేలియాలో భారత్ ఒకే ఒక్క ద్వైపాక్షిక సిరీస్ను గెలుచుకుంది. 2019లో, విరాట్ కోహ్లీ నాయకత్వంలో, భారత్ ఆస్ట్రేలియాను 2-1 తేడాతో వన్డే సిరీస్లో ఓడించింది.
గత వన్డే సిరీస్లో ఏం జరిగింది?
టీం ఇండియా చివరిసారిగా 2020లో ఆస్ట్రేలియాలో వన్డే సిరీస్ ఆడింది. ఆ సిరీస్ను భారత్ 1-2 తేడాతో కోల్పోయింది. సిడ్నీలో జరిగిన రెండు వన్డేలను భారత్ కోల్పోయి సిరీస్ను చేజార్చుకుంది. ఆ తర్వాత కాన్బెర్రాలో జరిగిన చివరి వన్డేను గెలుచుకుంది. ఈసారి సిరీస్ ఫలితం ఎలా ఉండనుందో ఓసారి చూసేందుకు ఫ్యాన్స్ ఆసక్తిగా ఎదురుచూస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
