4-0తేడాతో గెలవడం మీ వల్ల కాదు.. WTC ఫైనల్ను మర్చిపోతేనే బెటర్: సునీల్ గవాస్కర్ షాకింగ్ కామెంట్స్
WTC Final, India vs Australia: బోర్డర్-గవాస్కర్ టెస్టు సిరీస్ నవంబర్ 22 నుంచి ప్రారంభం కానుంది. ఈ సిరీస్లో తొలి మ్యాచ్ పెర్త్లోని ఆప్టస్ స్టేడియంలో జరగనుండగా, ఈ మ్యాచ్కు టీమిండియా కెప్టెన్ రోహిత్ శర్మ అందుబాటులో లేడు. కాబట్టి, భారత జట్టుకు జస్ప్రీత్ బుమ్రా నాయకత్వం వహించనున్నాడు.
Updated on: Nov 19, 2024 | 12:54 PM
WTC Final, India vs Australia: భారత్-ఆస్ట్రేలియా జట్ల మధ్య టెస్టు సిరీస్కు కొద్దిరోజుల సమయం మాత్రమే ఉంది. నవంబర్ 22 నుంచి ప్రారంభమయ్యే 5 మ్యాచ్ల ఈ సిరీస్ టీమ్ ఇండియాకు చాలా కీలకం. ఎందుకంటే ఈ సిరీస్లో భారత జట్టు 4-0 తేడాతో ప్రపంచ టెస్ట్ ఛాంపియన్షిప్లో నేరుగా ఫైనల్కు చేరుకోగలదు. అయితే, ఆస్ట్రేలియాలో అలాంటి విజయం అసాధ్యమని టీమిండియా మాజీ ఆటగాడు సునీల్ గవాస్కర్ షాకింగ్ న్యూస్ చెప్పుకొచ్చాడు.
ఓ ప్రైవేట్ ఛానెల్ చర్చలో సునీల్ గవాస్కర్ మాట్లాడుతూ.. ఆస్ట్రేలియాలో భారత జట్టు 4-0తో ఆస్ట్రేలియాను ఓడించడం అసాధ్యమని అన్నారు. కాబట్టి, ప్రపంచ టెస్ట్ ఛాంపియన్షిప్లో గొప్ప విజయంతో ఫైనల్కు చేరుకోవాలనే కలను పక్కన పెట్టాల్సిందే. బదులుగా, ఆస్ట్రేలియాలో సిరీస్ గెలవడానికి ప్రయత్నించండి అంటూ గవాస్కర్ సూచించాడు.
టీమ్ ఇండియా అద్భుత విజయం సాధించాలనే కోరికను పక్కన పెట్టాలి. 4-0తో గెలుస్తామన్న అంచనాను పక్కన పెడితే, రెండు మూడు గేమ్లు గెలవడం చెప్పుకోదగ్గ విజయంగా మారుతుంది. సిరీస్ గెలుపొందడంపై టీమిండియా మరింత దృష్టి పెట్టాలని సునీల్ గవాస్కర్ చెప్పుకొచ్చాడు.
టీమ్ ఇండియా WTC ఫైనల్ వెళ్లే దారి..
5-0 లేదా 4-0: భారత్ 5-0 లేదా 4-0 తేడాతో ఆస్ట్రేలియాను ఓడించినట్లయితే ప్రపంచ టెస్ట్ ఛాంపియన్షిప్ ఫైనల్కు చేరుకోవడం ఖాయం. అయితే, ఈ సిరీస్లో టీమిండియా ఏ మ్యాచ్లోనూ ఓడిపోకూడదు. అంటే 5 మ్యాచ్ల సిరీస్లో 4 విజయాలు, 1 డ్రా అనివార్యం.
4-1, 3-1, 3-0: ఆస్ట్రేలియాతో జరిగే సిరీస్ను 4-1 లేదా 3-1, 3-0తో భారత్ కైవసం చేసుకుంటే, ఇంగ్లండ్-న్యూజిలాండ్ మధ్య జరిగే సిరీస్ ఫలితం కోసం ఎదురుచూడాల్సిందే. ఇక్కడ ఇంగ్లండ్ న్యూజిలాండ్తో మ్యాచ్ను డ్రా చేసుకున్నా.. 4-1, 3-1, 3-0 తేడాతో టీమ్ ఇండియా గెలిచినా.. వరల్డ్ టెస్ట్ ఛాంపియన్షిప్లో ఫైనల్లోకి ప్రవేశిస్తుంది.
2-0: ఆస్ట్రేలియాతో భారత్ 2 మ్యాచ్లు గెలిచి, 3 మ్యాచ్లను డ్రా చేసుకున్నప్పటికీ, ఫైనల్లోకి ప్రవేశించడంలో న్యూజిలాండ్, ఇంగ్లండ్ జట్ల ఫలితాలు కీలక పాత్ర పోషిస్తాయి. ఇక్కడ న్యూజిలాండ్తో 1 మ్యాచ్లో గెలవడం టీమ్ఇండియాకు అనివార్యం. దీంతో ప్రపంచ టెస్టు ఛాంపియన్షిప్లో భారత్ కివీస్ను అధిగమించి ఫైనల్కు చేరుకోవచ్చు.
3-2: ఆస్ట్రేలియాతో జరిగే సిరీస్ను 3-2 తేడాతో టీమిండియా కైవసం చేసుకుంటే, ఇరు జట్ల మధ్య ఫలితం నిర్ణయాత్మకమవుతుంది. అంటే, ఇక్కడ ఇంగ్లాండ్ జట్టు న్యూజిలాండ్తో 1 టెస్ట్ మ్యాచ్ గెలవాల్సి ఉంటుంది. అదేవిధంగా ఆస్ట్రేలియాతో జరిగిన టెస్టులో శ్రీలంక డ్రా చేసుకోవడం టీమిండియాకు అనివార్యం.
మరిన్ని క్రీడా వార్తల కోసం ఇక్కడ క్లిక్ చేయండి..
