IND vs WI: వన్డేల్లో ఎంట్రీ ఇచ్చిన కేఎల్ రాహుల్ స్నేహితుడు.. ఐపీఎల్ దూకుడు చూపించేనా?
భారత్, వెస్టిండీస్ మధ్య రెండో వన్డే మ్యాచ్ క్వీన్స్ పార్క్ ఓవల్లో జరుగుతోంది. ఈ క్రమంలో టాస్ గెలిచిన వెస్టిండీస్ టీం బ్యాటింగ్ ఎంచుకుంది. దీంతో టీమిండియా తొలుత బౌలింగ్ చేయనుంది. కాగా, ఈ మ్యాచ్తో అవేష్ ఖాన్ తన వన్డే ఫార్మాట్లో అంతర్జాతీయ ఎంట్రీ ఇవ్వనున్నాడు.
Updated on: Jul 24, 2022 | 7:26 PM
వెస్టిండీస్తో ఆదివారం జరిగిన రెండో వన్డేలో భారత జట్టు ఫాస్ట్ బౌలర్ అవేశ్ ఖాన్కు అవకాశం దక్కింది. ఈ మ్యాచ్తో అవేశ్ వన్డేల్లో అరంగేట్రం చేస్తున్నాడు. ఈ మేరకు బీసీసీఐ ట్వీట్ చేసింది. అవేష్ ఇప్పటి వరకు టీ20 మ్యాచ్లు ఆడాడు. కానీ, అంతర్జాతీయ స్థాయిలో తొలిసారిగా 50 ఓవర్ల ఫార్మాట్లో ఆడలేదు. మూడు వన్డేల సిరీస్లో తొలి మ్యాచ్లో గెలిచి 1-0 ఆధిక్యంలో ఉన్న భారత్.. ప్రస్తుతం సిరీస్ను గెలుచుకోవడంపైనే ఫోకస్ పెంచింది. రెండో మ్యాచ్ గెలవడం ద్వారా వరుసగ విండీస్పై 12 సిరీస్లు గెలుచుకుని, సరికొత్త రికార్డ్ నెలకొల్పేందుకు సిద్ధమైంది. అదే సమయంలో, వెస్టిండీస్ సిరీస్లో ఈ మ్యాచ్లో గెలిచి మూడో మ్యాచ్ను నిర్ణయాత్మకంగా మార్చాలని ప్రయత్నిస్తుంది.
ఐపీఎల్తో మెరిసిన అవేష్ ఖాన్..
ఇండియన్ ప్రీమియర్లో సత్తా చాటిన అవేష్ ఖాన్ తనదైన ముద్ర వేశాడు. ఐపీఎల్-2021లో అత్యధిక వికెట్లు తీసిన వారిలో అవేశ్ రెండో స్థానంలో ఉన్నాడు. ఆ తర్వాత రిషబ్ పంత్ కెప్టెన్సీలో ఢిల్లీ క్యాపిటల్స్ తరపున ఆడాడు. ఆ సీజన్లో అవేష్ 16 మ్యాచ్లు ఆడి 24 వికెట్లు పడగొట్టాడు. అయితే ఈ ఏడాది అతను ఢిల్లీ తరపున ఆడలేదు. కొత్త జట్టు లక్నో సూపర్జెయింట్స్ జట్టులో చేరాడు. ఐపీఎల్-2022లో లక్నో తరపున ఆడుతున్న అవేశ్ 13 మ్యాచ్ల్లో 18 వికెట్లు పడగొట్టాడు.
వెస్టిండీస్పైనే టీ20 అరంగేట్రం..
అవేశ్ టీ20 అరంగేట్రం వెస్టిండీస్పైనే చేశాడు. అతను 20 ఫిబ్రవరి 2022న కోల్కతాలో అరంగేట్రం చేశాడు. ఈ మ్యాచ్లో అవేశ్ నాలుగు ఓవర్లలో 42 పరుగులు ఇచ్చి ఒక్క వికెట్ కూడా తీయలేకపోయాడు. మరి అవేశ్ టీ20 అరంగేట్రం విషయాన్ని రిపీట్ చేస్తాడా లేక ఈసారి అరంగేట్రం మ్యాచ్లోనే వికెట్లు తీస్తాడో చూడాలి.
Congratulations to @Avesh_6 who is all set to make his ODI debut for #TeamIndia #WIvIND pic.twitter.com/4Tgqhs07qn
— BCCI (@BCCI) July 24, 2022
రెండు జట్ల ప్లేయింగ్ XI..
వెస్టిండీస్ (ప్లేయింగ్ XI): షాయ్ హోప్(కీపర్), బ్రాండన్ కింగ్, షమర్ బ్రూక్స్, కైల్ మేయర్స్, నికోలస్ పూరన్(కెప్టెన్), రోవ్మన్ పావెల్, అకేల్ హోసేన్, రొమారియో షెపర్డ్, అల్జారీ జోసెఫ్, జేడెన్ సీల్స్, హేడెన్ వాల్ష్
భారత్ (ప్లేయింగ్ XI): శిఖర్ ధావన్(కెప్టెన్), శుభమన్ గిల్, శ్రేయాస్ అయ్యర్, సూర్యకుమార్ యాదవ్, సంజు శాంసన్(కీపర్), దీపక్ హుడా, అక్షర్ పటేల్, శార్దూల్ ఠాకూర్, మహ్మద్ సిరాజ్, యుజ్వేంద్ర చాహల్, అవేష్ ఖాన్
