Ind vs SL: టీమిండియా హ్యాట్రిక్ ‘క్లీన్ స్వీప్’.. మూడో టీ20లో శ్రీలంకపై ఘన విజయం.. శ్రేయాస్ సూపర్ ఇన్నింగ్స్..

India Vs Sri Lanka 3rd T20i

IND vs SL: ధర్మశాలలో జరిగిన మూడో టీ20లో టీమిండియా ఘన విజయం సాధించి, మూడు మ్యుచులో సిరీస్‌ను క్లీన్ స్వీప్ (India Clean Sweep Sri Lanka) చేసింది. చివరిదైన మూడో టీ20లో శ్రీలంకపై రోహిత్((Rohit Sharma)) సేన 6 వికెట్ల తేడాతో విజయం సాధించి మూడు టీ20ల సిరీస్‌ను క్లీన్‌స్వీప్‌ చేసింది. టీమిండియా 147 పరుగుల లక్ష్యాన్ని 19 బంతులు మిగిలి ఉండగానే 4 వికెట్లు కోల్పోయి విజయం సాధించింది. 3 మ్యాచ్‌ల్లో మూడు అర్ధశతకాలు సాధించిన శ్రేయాస్ అయ్యర్ (69) Shreyas Iyer)టాప్ స్కోరర్‌గా నిలిచాడు. ఈ ఫార్మాట్‌లో భారత్‌కు ఇది వరుసగా 12వ విజయం.

లక్ష్యాన్ని ఛేదించిన భారత్‌కు పేలవమైన ఆరంభం లభించగా, రెండో ఓవర్‌లో దుష్మంత చమీర రోహిత్ శర్మ (5)ను అవుట్ చేశాడు. ఔటయ్యే ముందు రోహిత్‌కు లైఫ్‌లైన్‌ లభించింది. రెండో వికెట్‌కు సంజూ శాంసన్, శ్రేయాస్ అయ్యర్ 28 బంతుల్లో 45 పరుగులు జోడించారు. అనంతరం శాంసన్ (18) పరుగులు చేసి కరుణరత్నేకి వికెట్ సమర్పించాడు.

దీపక్ హుడాతో కలిసి అయ్యర్ మూడో వికెట్‌కు 38 పరుగులు జోడించారు. లయలో కనిపించిన హుడా 16 బంతుల్లో 21 పరుగులు చేసి లహిరు కుమార బౌలింగ్ లో ఔటయ్యాడు. ఆ తర్వాతి ఓవర్‌లోనే శ్రేయాస్ సిక్సర్‌తో సిరీస్‌లో వరుసగా మూడో అర్ధశతకం పూర్తి చేశాడు.

* టీ20ల్లో దుష్మంత చమీరా రోహిత్‌ను ఆరోసారి ఔట్ చేశాడు.

* ఈ సిరీస్‌లో రోహిత్ శర్మ 3 ఇన్నింగ్స్‌ల్లో 50 పరుగులు మాత్రమే చేశాడు.

* టీ20లో ఓపెనర్‌గా రోహిత్ శర్మ 29వ సారి సింగిల్ డిజిట్ స్కోరు వద్ద అవుటయ్యాడు.

షనక కెప్టెన్ ఇన్నింగ్స్..
అంతకుముందు టాస్ గెలిచి ముందుగా ఆడిన శ్రీలంక 5 వికెట్లు కోల్పోయి 146 పరుగులు సాధించింది. ఒక దశలో జట్టు స్కోరు 60/5గా ఉంది. ఆ తర్వాత దాసున్ షనక, చమిక కరుణరత్నే అజేయంగా 86 పరుగులు జోడించి జట్టును గౌరవప్రదమైన స్కోరుకు చేర్చారు. అజేయంగా 74 పరుగులు చేసిన కెప్టెన్ దసున్ షనక టాప్ స్కోరర్‌గా నిలిచాడు. భారత్ తరఫున అవేశ్ ఖాన్ 2 వికెట్లు తీశాడు.

శ్రీలంక పేలవంగా ప్రారంభించింది. మొదటి ఓవర్ చివరి బంతికి మహ్మద్ సిరాజ్, దనుష్క గుణతిలక్ (0) బౌల్డ్ చేశాడు. అంతకుముందు మ్యాచ్‌లో అర్ధశతకం సాధించిన పాతుమ్ నిసంక (1)ను ఆ తర్వాతి ఓవర్‌లోనే అవేష్ ఖాన్ అవుట్ చేశాడు. అవేష్ తన తర్వాతి ఓవర్‌లోనే చరిత్ అస్లాంక (4) వికెట్‌ను తీసి విజిటింగ్ జట్టు వెన్ను విరిచాడు. అస్లాంక వికెట్ కీపర్ సంజూ శాంసన్ చేతికి చిక్కాడు.

ప్లేయింగ్ XIలోకి తిరిగి వచ్చిన రవి బిష్ణోయ్ తన గూగ్లీలో జెనిత్ లియానేజ్ (9)ని క్లీన్ బౌల్డ్ చేశాడు. దసున్ షనక, దినేష్ చండిమాల్ 5వ వికెట్‌కు 21 బంతుల్లో 31 పరుగులు జోడించి జట్టును తిరిగి ట్రాక్‌లోకి తీసుకురాగా, ఆపై హర్షల్ పటేల్ చండిమాల్ (25) ను అవుట్ చేసి శ్రీలంక జట్టులో సగం మందిని పెవిలియన్‌కు పంపాడు.

60 పరుగులకు 5 వికెట్లు కోల్పోయిన తర్వాత షనక, కరుణరత్నే ఆరో వికెట్‌కు 46 బంతుల్లో అజేయంగా 86 పరుగులు జోడించారు. కెప్టెన్ షనక అద్భుతంగా బ్యాటింగ్ చేస్తూ 29 బంతుల్లో తన యాభైని పూర్తి చేసి 74 పరుగులతో నాటౌట్‌గా వెనుదిరిగాడు. చమిక కరుణరత్నే కూడా 19 బంతుల్లో 12 పరుగులతో నాటౌట్‌గా వెనుదిరిగాడు.

* టీ20ల్లో అత్యధిక మ్యాచ్‌లు ఆడిన ఆటగాడిగా రోహిత్ శర్మ (125) నిలిచాడు.

* టీ20ల్లో దనుష్క గుణతిలక్ రెండోసారి డకౌట్ అయ్యాడు.

* అవేష్ ఖాన్ అంతర్జాతీయ క్రికెట్‌లో నిశాంకాను ఔట్ చేయడం ద్వారా తన తొలి వికెట్ తీసుకున్నాడు.

రెండు జట్లు-

టీమిండియా : రోహిత్ శర్మ (కెప్టెన్), సంజు శాంసన్ (కీపర్), శ్రేయాస్ అయ్యర్, రవీంద్ర జడేజా, వెంకటేష్ అయ్యర్, దీపక్ హుడా, హర్షల్ పటేల్, రవి బిష్ణోయ్, మహ్మద్ సిరాజ్, కుల్దీప్ యాదవ్, అవేష్ ఖాన్.

శ్రీలంక : పాతుమ్ నిసంక, జెఫ్రీ వాండర్సే, చరిత్ అస్లంక, దినేష్ చండిమాల్ (కీపర్), దసున్ షనక (కెప్టెన్), చమిక కరుణరత్నే, జెనిత్ లియానేజ్, దుష్మంత చమీర, లహిరు కుమార, బినుర ఫెర్నాండో, దనుష్క గుణతిలక.

Aslo Read: మరోసారి చిక్కుల్లో సచిన్ ప్రాణ స్నేహితుడు.. అరెస్ట్ చేసిన పోలీసులు.. ఎందుకంటే?

IND vs SL: రోహిత్ @ నంబర్ వన్.. హిట్‌‌మ్యాన్ ఖాతాలో చేరిన మరో స్పెషల్ రికార్డ్.. అదేంటంటే?