IND vs PAK Playing-11: కుల్దీప్ ఔట్.. మిస్ట్రీ ప్లేయర్ ఇన్.. టీమిండియా ప్లేయింగ్ XIలో కీలక మార్పులు..?

India Vs Pakistan

IND vs PAK, Asia Cup 2025: నేడు, సెప్టెంబర్ 14న భారత్, పాకిస్తాన్ మధ్య ఆసియా కప్ 2025 మెగా మ్యాచ్ జరగనుంది. రెండు జట్ల ఆటగాళ్లు దీని కోసం తీవ్రంగా సిద్ధమవుతున్నారు. గ్రూప్ దశలోని రెండవ మ్యాచ్‌లో పాకిస్థాన్‌ను ఓడించడం ద్వారా టీమిండియా ఇప్పుడు సూపర్-4 దశకు వెళ్లాలని కోరుకుంటుంది. దీనికి ముందు, దుబాయ్ మైదానంలో పాకిస్థాన్‌తో జరిగే టీమిండియా ప్లేయింగ్ ఎలెవెన్ ఏలా ఉండనుందో ఓసారి చూద్దాం, ఈసారి అర్ష్‌దీప్ సింగ్‌కు టీమిండియాలో అవకాశం లభిస్తుందో లేదో కూడా ఇప్పుడు తెలుసుకుందాం..

శివం దూబే ఔట్ కావొచ్చు..

పాకిస్తాన్ పై గెలుపు కాంబినేషన్ లో కీలక మార్పులు చేయడానికి టీమిండియా ఇష్టపడదు. కానీ, ఈసారి భారత్ పాకిస్తాన్ పై ఒకరితో కాదు, ఇద్దరు ప్రధాన ఫాస్ట్ బౌలర్లతో ఫీల్డింగ్ చేయవచ్చు. యూఏఈపై శివం దూబే రెండు ఓవర్లలో నాలుగు పరుగులకు మూడు వికెట్లు తీసి ఉండవచ్చు. కానీ, పాకిస్తాన్ తో మ్యాచ్ నుంచి అతన్ని తొలగించవచ్చు. అతని స్థానంలో అర్ష్ దీప్ సింగ్ కు అవకాశం ఇవ్వవచ్చు.

ఇద్దరు ఫాస్ట్ బౌలర్లతో బరిలోకి..

టీం ఇండియా టాప్ ఆర్డర్ గురించి చెప్పాలంటే , అభిషేక్ శర్మ, శుభ్‌మాన్ గిల్ తర్వాత సంజు శాంసన్ మూడవ స్థానంలో ఆడుతున్నట్లు చూడొచ్చు. ఈసారి టీం ఇండియా సంజు సామ్సన్‌కు టాప్ ఆర్డర్‌లో స్థానం కల్పించగలదు. ఆ తర్వాత, సూర్యకుమార్ యాదవ్, తిలక్ వర్మ ఆడుతున్నట్లు కనిపిస్తుంది. ఆల్ రౌండర్ల గురించి చెప్పాలంటే, అక్షర్ పటేల్ హార్దిక్ పాండ్యాతో కలిసి ఆడుతున్నట్లు చూడొచ్చు. దీంతో పాటు, కుల్దీప్ యాదవ్, వరుణ్ చక్రవర్తి, జస్ప్రీత్ బుమ్రా, అర్ష్‌దీప్ సింగ్ ఫాస్ట్ బౌలింగ్‌లో ఆడుతున్నట్లు చూడొచ్చు.

పాకిస్థాన్‌పై టీమ్ ఇండియా ప్రాబబుల్ ప్లేయింగ్ XI :- అభిషేక్ శర్మ, శుభ్‌మాన్ గిల్, సంజు శాంసన్, సూర్యకుమార్ యాదవ్, తిలక్ వర్మ, హార్దిక్ పాండ్యా, అక్షర్ పటేల్, కుల్దీప్ యాదవ్, వరుణ్ చక్రవర్తి, జస్ప్రీత్ బుమ్రా, అర్ష్‌దీప్ సింగ్.