IND vs NZ: వాంఖడే పిచ్ వివాదంపై స్పందించిన ఐసీసీ.. నంబర్ 6నే ఎందుకు వాడారంటే?
Wankhede Stadium: బీసీసీఐ, భారత జట్టు మేనేజ్మెంట్ అభ్యర్థన మేరకు ఎంసీఏ క్యూరేటర్లు పిచ్ను మార్చాలని నిర్ణయం తీసుకున్నారని నివేదిక పేర్కొంది. తనకు సమాచారం ఇవ్వకుండా ఇలా చేశారని అట్కిన్సన్ ఆరోపించారు. ఇప్పుడు ఈ విషయమై ఐసీసీ నుంచి అధికారిక ప్రకటన వచ్చింది.
Wankhede Stadium: ముంబైలోని వాంఖడే స్టేడియంలో భారత్-న్యూజిలాండ్ జట్ల మధ్య 2023 ప్రపంచకప్ తొలి సెమీఫైనల్ కోసం అందరూ ఎదురుచూస్తున్నారు. మైదానంలో యాక్షన్ ప్రారంభం కాకముందే, బయట కూడా రచ్చ మొదలైంది. మ్యాచ్కు ముందు వాంఖడే పిచ్ని మార్చడమే గందరగోళానికి అసలు కారణం. ఈ మ్యాచ్కు గతంలో నిర్ణయించిన తాజా పిచ్కు బదులుగా.. రెండు మ్యాచ్ల్లో ఉపయోగించిన పిచ్ను ఉపయోగించనున్నట్లు ఓ ఆంగ్ల పత్రిక వెల్లడించింది. అప్పటి నుంచి భారత క్రికెట్ కంట్రోల్ బోర్డు, ఐసీసీపై ఆరోపణలు వెల్లువెత్తుతున్నాయి. ఇప్పుడు ఈ విషయంలో ఐసీసీ క్లారిటీ ఇచ్చింది.
ఇండియా-న్యూజిలాండ్ సెమీఫైనల్ మ్యాచ్కు నిర్ణయించిన పిచ్ను మార్చినట్లు ఆంగ్ల దినపత్రిక డైలీ మెయిల్లో కథనం వెల్లడించింది. టోర్నీకి ముందు, ప్రపంచ కప్ కోసం ఐసీసీ పిచ్ కన్సల్టెంట్, ఆండీ అట్కిన్సన్, ముంబై క్రికెట్ అసోసియేషన్, బీసీసీఐ పిచ్ క్యూరేటర్ సహకారంతో, ఈ సెమీ-ఫైనల్ మ్యాచ్ కోసం పిచ్ నంబర్ 7 ను నిర్ణయించినట్లు నివేదికలో పేర్కొంది. కాగా, వాంఖడే స్టేడియంలో అసలు ఈ పిచ్పై మరే ఇతర మ్యాచ్ షెడ్యూల్ చేయలేదని తెలుస్తోంది.
ICC సమాధానం..
బీసీసీఐ, భారత జట్టు మేనేజ్మెంట్ అభ్యర్థన మేరకు ఎంసీఏ క్యూరేటర్లు పిచ్ను మార్చాలని నిర్ణయం తీసుకున్నారని నివేదిక పేర్కొంది. తనకు సమాచారం ఇవ్వకుండా ఇలా చేశారని అట్కిన్సన్ ఆరోపించారు. ఇప్పుడు ఈ విషయమై ఐసీసీ నుంచి అధికారిక ప్రకటన వచ్చింది. ఇటువంటి సుదీర్ఘ ఈవెంట్లలో, పిచ్ రొటేషన్కు సంబంధించి ఇప్పటికే నిర్ణయించిన ప్రణాళికలో మార్పులు చేయడం సాధారణమని, ఇది ఇప్పటికే రెండుసార్లు జరిగిందని ఐసీసీ తెలిపింది.
పిచ్ క్యూరేటర్, ఆతిథ్య బోర్డుతో సంప్రదించి ఈ మార్పు చేసినట్లు ఐసీసీ తెలిపింది. ఇది మాత్రమే కాదు, ICC తన స్వతంత్ర పిచ్ కన్సల్టెంట్ ఆండీ అట్కిన్సన్ ఆరోపణలను తోసి పుచ్చింది. ఐసీసీ కూడా పిచ్ మార్పు అనుమానాలకు తావు లేదని ఆశాభావం వ్యక్తం చేసింది.
ఆడిన మొదటి 2 మ్యాచ్లు..
ఈ మ్యాచ్కు ఎంపిక చేసిన వాంఖడే స్టేడియం పిచ్పై ఇప్పటికే రెండు మ్యాచ్లు ఆడగా, రెండు మ్యాచ్ల్లోనూ భారీ స్కోర్లు నమోదయ్యాయి. అంతకుముందు ఇంగ్లండ్పై దక్షిణాఫ్రికా 399 పరుగులు చేసింది. ఆ తర్వాత శ్రీలంకపై టీమిండియా 357 పరుగులు చేసింది. ఈ మ్యాచ్ల్లో ఇరు జట్లు భారీ తేడాతో విజయం సాధించాయి.
మరిన్ని క్రీడా వార్తల కోసం ఇక్కడ క్లిక్ చేయండి..