IND vs AUS Test: టీమిండియాకు భారీ షాక్.. తొలి టెస్ట్ నుంచి కీలక ప్లేయర్ ఔట్.. మిడిల్ ఆర్డర్లో ఆ ఇద్దరి మధ్యే పోటీ..
India vs Australia: శ్రేయాస్ అయ్యర్ గాయం నుంచి కోలుకోవడంలో విఫలమయ్యాడు. దీంతో భారత మిడిల్ ఆర్డర్లో ఓ ఖాళీ ఏర్పడింది. దీంతో సూర్యకుమార్ యాదవ్, శుభ్మన్ గిల్లో ఎవరికి చోటు దక్కనుందో తెలియాల్సి ఉంది.
Updated on: Feb 02, 2023 | 9:34 AM
IND vs AUS Test: వెన్ను గాయం కారణంగా ఆస్ట్రేలియాతో జరగనున్న నాలుగు టెస్టుల సిరీస్లో తొలి మ్యాచ్కు శ్రేయాస్ అయ్యర్ దూరమయ్యాడు. దీంతో భారత జట్టు మేనేజ్మెంట్ మిడిల్ ఆర్డర్లో సూర్యకుమార్ యాదవ్ను ఆడించేందుకు ప్లాన్ చేస్తోంది. అయితే, ప్రస్తుత ఫాంను చూస్తే.. సూర్య కంటే శుభమాన్ గిల్ను రంగంలోకి దింపే అవకాశం ఉందని తెలుస్తోంది. న్యూజిలాండ్తో జరిగిన పరిమిత ఓవర్ల హోమ్ సిరీస్కు దూరమైన అయ్యర్.. గాయం నుంచి పూర్తిగా కోలుకోలేదు. నేషనల్ క్రికెట్ అకాడమీలో పునరావాసం పొందుతున్నాడు.
శ్రేయాస్ అయ్యర్ స్థానంలో సూర్యకుమార్ లేదా గిల్?
శ్రేయాస్ అయ్యర్ గజ్జల్లో గాయంతో కోలుకోవడంలో విఫలమయ్యాడు. దీంతో భారత మిడిల్ ఆర్డర్లో ఓ స్లాట్ ఖాళీగా కనిపిస్తోంది. ఈ స్థానానికి పోటీదారులు సూర్యకుమార్, గిల్. సూర్యకుమార్ తన కెరీర్లో మిడిల్ ఆర్డర్లో మాత్రమే బ్యాటింగ్ చేశాడు. కాగా, టెస్టు క్రికెట్లో చాలా మంది జాతీయ జట్టుకు గిల్ ఇన్నింగ్స్ను ప్రారంభించాడు. తన చిన్న టెస్ట్ కెరీర్లో ఇప్పటివరకు నిలకడగా ఉన్న అయ్యర్, గతేడాది డిసెంబర్లో బంగ్లాదేశ్తో జరిగిన 2-0 సిరీస్ విజయం సమయంలో కూడా ఆకట్టుకున్నాడు.
బీసీసీఐ అధికారులు పీటీఐతో మాట్లాడుతూ “2021 చివరలో న్యూజిలాండ్ జట్టు భారతదేశానికి వచ్చినప్పుడు, కేఎల్ రాహుల్, మయాంక్ అగర్వాల్తో కలిసి ఇన్నింగ్స్ను ప్రారంభించాల్సి ఉంది. దీంతో మిడిల్ ఆర్డర్లో శుభమాన్ గిల్ పేరు పరిగణలోకి తీసుకున్నాం. దీంతో రాహుల్ గాయపడడంతో గిల్ ఇన్నింగ్స్ ప్రారంభించాడు. ఆ తర్వాత మళ్లీ గాయపడ్డాడు. రెడ్ బాల్ క్రికెట్లో మిడిల్ ఆర్డర్ కోసం అతని పేరు తీసుకున్నాం” అని తెలిపారు.
” జట్టులో ఓపెనింగ్ జోడీగా కెప్టెన్ రోహిత్ శర్మ, వైస్ కెప్టెన్ రాహుల్ తొలి ఎంపికగా మారారు. ఆ తర్వాత ఛతేశ్వర్ పుజారాను మూడో స్థానంలో, విరాట్ కోహ్లీని నాలుగో స్థానంలో ఆడించాలని నిర్ణయించారు. ఐదవ ఆర్డర్ చాలా ముఖ్యమైనది” అంటూ పేర్కొన్నారు. ఎందుకంటే ఈ క్రమంలో దిగిన బ్యాట్స్మన్ రెండవ కొత్త బంతిని ఎదుర్కొంటారని భావిస్తున్నారు.
మిడిల్ ఆర్డర్లో గిల్దే పైచేయి..
గిల్ విషయానికొస్తే, టెస్ట్ క్రికెట్లో క్రమం తప్పకుండా ఆడటం, మిడిల్ ఆర్డర్ బ్యాట్స్మెన్గా, రెడ్-బాల్ కెరీర్ను ప్రారంభించడం వలన, అతను పైచేయి సాధించాడు.
మాజీ జాతీయ సెలెక్టర్ మాట్లాడుతూ, “భారత్-ఏ బాధ్యత రాహుల్ ద్రవిడ్ చేతిలో ఉన్నప్పుడు, వెస్టిండీస్లోని ‘ఏ’ పర్యటనలో గిల్ మిడిల్ ఆర్డర్లో ఆడాడు. అక్కడ అతను డబుల్ సెంచరీ కూడా చేశాడు. ప్రారంభంలో అతను మిడిల్ ఆర్డర్ బ్యాట్స్మన్, ఆ తర్వాత ఓపెనర్గా మారాడు” అని తెలిపాడు.
స్పిన్కు అనుకూలమైన పిచ్లపై స్పిన్నర్లపై సూర్యకుమార్ ఆధిపత్యం చాలా కీలకంగా ఉంటుంది. నాథన్ లియాన్ తన ఆఫ్ స్పిన్ బంతులను ఎక్కువగా తిప్పగలిగితే, సూర్యకుమార్ తన ఫుట్వర్క్తో అతని లయను చెడగొట్టగలడు. అయితే పాట్ కమ్మిన్స్, జోష్ హేజిల్వుడ్లకు వ్యతిరేకంగా గిల్ మెరుగైన ఎంపిక’ అంటూ పేర్కొన్నాడు.
భారత్ వర్సెస్ ఆస్ట్రేలియా టెస్ట్ సిరీస్..
మొదటి టెస్ట్ – ఫిబ్రవరి 9 నుంచి 13 వరకు, నాగ్పూర్
రెండవ టెస్ట్ – ఫిబ్రవరి 17 నుంచి 21 వరకు, ఢిల్లీ
మూడవ టెస్ట్ – మార్చి 1 నుంచి 5 వరకు, ధర్మశాల
నాల్గవ టెస్ట్ – మార్చి 9 నుంచి 13 వరకు, అహ్మదాబాద్
ఆస్ట్రేలియాతో తొలి రెండు టెస్టులకు భారత జట్టు..
రోహిత్ శర్మ (కెప్టెన్), కేఎల్ రాహుల్ (వైస్ కెప్టెన్), శుభమన్ గిల్, ఛెతేశ్వర్ పుజారా, విరాట్ కోహ్లీ, కెఎస్ భరత్ (వికెట్ కీపర్), ఇషాన్ కిషన్ (వికెట్ కీపర్), ఆర్.కె. అశ్విన్, అక్షర్ పటేల్, కుల్దీప్ యాదవ్ రవీంద్ర జడేజా, మహ్మద్ షమీ, మహ్మద్ సిరాజ్, ఉమేష్ యాదవ్, జయదేవ్ ఉనద్కత్, సూర్యకుమార్ యాదవ్.
మరిన్ని క్రీడా వార్తల కోసం ఇక్కడ క్లిక్ చేయండి..
