IND vs AUS: మూడో వన్డేలో రీఎంట్రీ సిద్ధమైన ఆస్ట్రేలియా X-ఫ్యాక్టర్.. రోహిత్ సేనకు షాకిచ్చేందుకు రెడీ..
cricket.com.au తన అధికారిక ట్విట్టర్ ఖాతా నుంచి ఒక వీడియోను షేర్ చేసింది. ఈ వీడియోలో గ్లెన్ మాక్స్వెల్ నెట్స్లో విపరీతంగా చెమటలు పట్టిస్తున్నట్లు కనిపించాడు. నెట్ సెషన్ సమయంలో కుడిచేతి వాటం ఆటగాడు తన బ్యాట్తో ఒక భారీ షాట్ కొట్టడం కనిపిస్తుంది. అతడి ప్రాక్టీస్ వీడియో చూస్తుంటే.. భారత జట్టుతో జరిగే మూడో వన్డేలో రీఎంట్రీ చేయడం దాదాపు ఖాయమనే తెలుస్తోంది.
IND vs AUS: భారత్, ఆస్ట్రేలియా మధ్య మూడు వన్డేల సిరీస్ జరుగుతోంది. ఈ సిరీస్లో తొలి రెండు మ్యాచ్ల్లో టీమిండియా విజయం సాధించి, సిరీస్లో 2-0తో అజేయంగా ఆధిక్యంలో నిలిచింది. ఇప్పుడు ఇరు జట్ల మధ్య మూడో మ్యాచ్ రాజ్కోట్లో జరగనుంది. ఈ మ్యాచ్కు ముందు ఆస్ట్రేలియా జట్టుకు శుభవార్త వచ్చింది. తుఫాను ఆల్-రౌండర్ గ్లెన్ మాక్స్వెల్ ఆస్ట్రేలియా జట్టులో పునరాగమనం చేసేందుక సిద్ధమయ్యాడు. అతని బ్యాటింగ్ ప్రాక్టీస్ వీడియో ఒకటి బయటికి వచ్చింది.
cricket.com.au తన అధికారిక ట్విట్టర్ ఖాతా నుంచి ఒక వీడియోను షేర్ చేసింది. ఈ వీడియోలో గ్లెన్ మాక్స్వెల్ నెట్స్లో విపరీతంగా చెమటలు పట్టిస్తున్నట్లు కనిపించాడు. నెట్ సెషన్ సమయంలో కుడిచేతి వాటం ఆటగాడు తన బ్యాట్తో ఒక భారీ షాట్ కొట్టడం కనిపిస్తుంది. అతడి ప్రాక్టీస్ వీడియో చూస్తుంటే.. భారత జట్టుతో జరిగే మూడో వన్డేలో రీఎంట్రీ చేయడం దాదాపు ఖాయమనే తెలుస్తోంది.
ప్రాక్టీస్లో గ్లెన్ మాక్స్వెల్ అద్భుత షాట్లు..
Glenn Maxwell has touched down in India… and he's hitting them well! 💥#INDvAUS pic.twitter.com/w2EOCGRsHB
— cricket.com.au (@cricketcomau) September 26, 2023
వీడియోలో, మిచెల్ స్టార్క్ కూడా మాక్స్వెల్ పునరాగమనంపై స్పందిస్తూ కనిపించాడు. మాక్స్వెల్ పునరాగమనం గురించి స్టార్క్ మాట్లాడుతూ, ‘గ్లెన్ కూడా తిరిగి రాబోతున్నాడు. అతను ఈ రోజు శిక్షణ కోసం ఇక్కడ ఉన్నాడు. అతను కూడా సరైన మార్గంలో ఉన్నాడని నేను భావిస్తున్నాను. మళ్లీ ఎప్పుడు వస్తాడో తెలియదు కానీ.. అవకాశం దొరికినప్పుడు మాత్రం తనదైన ముద్ర వేయాలనుకుంటాడు అనడంలో సందేహం లేదు. భారత పర్యటనలు, ఐపీఎల్ కారణంగా అతనికి ఇక్కడ చాలా అనుభవం ఉంది. అతను జట్టుకు X-ఫ్యాక్టర్’ అంటూ చెప్పుకొచ్చాడు.
గ్లెన్ మాక్స్వెల్ కాకుండా, మిచెల్ స్టార్క్ కూడా మూడో వన్డేలో పునరాగమనం చేసేందుకు సిద్ధమయ్యాడు. గాయం కారణంగా స్టార్క్ తొలి రెండు వన్డేలు ఆడలేకపోయాడు. ఈ ఇద్దరు స్టార్ ప్లేయర్లు పునరాగమనం చేస్తే ఆస్ట్రేలియా జట్టుకు బాగా లాభిస్తుంది.
ఇరుజట్లు:
టీమ్ ఇండియా: రోహిత్ శర్మ (కెప్టెన్), విరాట్ కోహ్లీ, శ్రేయాస్ అయ్యర్, సూర్యకుమార్ యాదవ్, కేఎల్ రాహుల్ (వికెట్ కీపర్), ఇషాన్ కిషన్ (వికెట్ కీపర్), రవీంద్ర జడేజా, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్, వాషింగ్టన్ సుందర్, ఆర్ అశ్విన్, ముఖేష్ కుమార్.
ఆస్ట్రేలియా జట్టు: పాట్ కమ్మిన్స్, స్టీవ్ స్మిత్, డేవిడ్ వార్నర్, అలెక్స్ కారీ, మార్నస్ లాబుషాగ్నే, సీన్ అబాట్, నాథన్ ఎల్లిస్, కెమెరాన్ గ్రీన్, జోష్ హేజిల్వుడ్, జోష్ ఇంగ్లిస్, స్పెన్సర్ జాన్సన్, మిచెల్ మార్ష్, గ్లెన్ మాక్స్వెల్, తన్వీర్ సంఘా, మాట్ షార్ట్, ఎమ్చెల్ , మార్కస్ స్టోయినిస్, ఆడమ్ జంపా.
మరిన్ని క్రీడా వార్తల కోసం ఇక్కడ క్లిక్ చేయండి..