Champions Trophy: ఐసీసీ సమావేశంపై బిగ్ అప్డేట్.. అప్పుడే టీమిండియాపై నిర్ణయం..

ఛాంపియన్స్ ట్రోఫీకి సంబంధించి భారత్, పాకిస్థాన్ మధ్య నెలకొన్న గందరగోళాన్ని తొలగించేందుకు ఐసీసీ ఈరోజు వర్చువల్ సమావేశాన్ని ఏర్పాటు చేసింది. ఈ సమావేశంలో బీసీసీఐ, పీసీబీ సహా బోర్డు సభ్యులందరూ పాల్గొన్నారు. ఈ సమావేశంలో టోర్నీని హైబ్రిడ్ విధానంలో నిర్వహించాలా వద్దా?. మరి టోర్నీ మొత్తం పాకిస్థాన్‌లో నిర్వహించాలా వద్దా అనే చర్చ సాగుతోంది. అయితే ఈ సమావేశం తర్వాత కూడా ఐసీసీ తుది నిర్ణయానికి రాలేకపోయింది. కాబట్టి ఈ సమావేశం రేపటికి అంటే నవంబర్ 30కి వాయిదా పడింది.

నిజానికి టోర్నీలో పాల్గొనే విషయంలో భారత్, పాకిస్థాన్ మధ్య నెలకొన్న వివాదాలను పరిష్కరించేందుకు ఐసీసీ ఈ సమావేశాన్ని నిర్వహించింది. దాదాపు 10 నుంచి 15 నిమిషాల పాటు జరిగిన సమావేశంలో ఎలాంటి నిర్ణయానికి రాలేదని సమాచారం. అందుకే ఈ సమావేశం రేపటికి వాయిదా పడింది. ఇప్పుడు ఈ టోర్నీ తుది నిర్ణయం నవంబర్ 30న వెలువడే అవకాశం ఉంది.

ICC ఈ సమావేశంలో టోర్నమెంట్ హోస్ట్‌కు సంబంధించి మూడు విషయాలపై చర్చించినట్లు తెలుస్తుంది. 1..టోర్నమెంట్‌ను హైబ్రిడ్ ఫార్మాట్‌లో నిర్వహించడంపై చర్చించారు. టీమిండియా మ్యాచ్‌లు మినహా అన్ని మ్యాచ్‌లు పాకిస్థాన్‌లోనే జరగనున్నాయి.

2.. మొత్తం టోర్నీని పూర్తిగా పాకిస్థాన్ లోపల నిర్వహించాలి. కానీ టోర్నీ హోస్టింగ్ హక్కులను పీసీబీకి ఇవ్వాలి.

3… టీమ్ ఇండియాను మినహాయించి మొత్తం టోర్నీని పాకిస్థాన్‌లో నిర్వహించడం

ఈ మూడు ఆప్షన్స్‌లో ఏదో ఒక్కటి రేపు తేలనుంది. కానీ ఐసీసీ ఇచ్చిన ఈ మూడు ఆప్షన్లలో రెండింటికి పాకిస్థాన్ అంగీకరించలేదని సమాచారం. టోర్నీని హైబ్రిడ్ ఫార్మాట్‌లో నిర్వహించేందుకు పాకిస్థాన్ సిద్ధంగా లేదు. రెండో ఆప్షన్‌కు ఒప్పుకుంటే పాకిస్థాన్‌కు భారీ నష్టం వాటిల్లుతుంది. ఎందుకంటే ఈ టోర్నీని నిర్వహించేందుకు దేశంలోని మూడు ప్రధాన స్టేడియాలను పునరుద్ధరించేందుకు PCB వేల కోట్లు ఖర్చు చేస్తోంది. పాక్‌లో టోర్నీ జరగకుంటే.. పాకిస్థాన్‌కు నష్టంతోపాటు ఆశించిన ఆదాయం లభించదు. ఇప్పుడు మూడవ ఆప్షన్‌ విషయానికి వస్తే భారతదేశం మినహా టోర్నమెంట్‌కు ఆతిథ్యం ఇవ్వడానికి పాకిస్తాన్ సిద్ధంగా ఉంది. అయితే ఐసీసీ అందుకు సిద్ధంగా లేదు. ఎందుకంటే ఈ టోర్నీలో టీమిండియా ఆడకపోతే ఐసీసీ ఖజానాకు తీరని నష్టం వాటిల్లుతుంది. దీంతో రేపటి సమావేశం తర్వాత ఐసీసీ చివరకు ఎలాంటి నిర్ణయం తీసుకుంటుందనేది ఆసక్తికరంగా మారింది.

పృథ్వీ షా.. ఏమైంది నీకు..? వేలంలో వద్దని ఛీ కొట్టినా కూడా మరావా?

మరిన్ని క్రికెట్ వార్తల కోసం ఇక్కడ క్లిక్ చేయండి