Michael Vaughan: విదేశీ లీగ్‎ల్లో భారత ఆటగాళ్లను ఆడనివ్వాలి.. అప్పుడే అలాంటి పిచ్‎లను అర్థం చేసుకుంటారు..

న్యూజిలాండ్ చేతిలో చిత్తుగా ఓడిన భారత జట్టుపై అభిమానులే కాదు మాజీ క్రికెటర్లు విమర్శలు చేస్తున్నారు. ఇండియా ఈ మ్యాచ్‎లో 8 వికెట్ల తేడాతో ఓడిపోయింది. దీంతో టీ20 వరల్డ్ కప్ 2021లో భారత్ సెమీస్‎కు వెళ్లడం దాదాపు అసాధ్యంగా మారింది. న్యూజిలాండ్‌తో ఆడుతున్నప్పుడు ప్రత్యర్థి బౌలర్లను ఎదుర్కోవడానికి భారత్ చాలా కష్టపడ్డారు. దుబాయ్ ఇంటర్నేషనల్ స్టేడియంలో జరిగిన మ్యాచ్‎లో మొదట బ్యాటింగ్ చేసిన ఇండియా 20 ఓవర్లలో ఏడు వికెట్లకు 110 పరుగులు చేసింది. అనంతరం బ్యాటింగ్‎కు కేన్ విలియమ్సన్ నేతృత్వంలోని బ్లాక్‌క్యాప్స్ కేవలం రెండు వికెట్లు కోల్పోయి, 33 బంతులు మిగిలి ఉండగానే లక్ష్యాన్ని సునాయాసంగా ఛేదించింది. భారత్ వరుసగా రెండు మ్యాచ్‎ల్లో ఓడిపోవడంతో గ్రూప్-2లో భారత్ ఐదో స్థానంలో నిలిచింది.

ఈ మ్యాచ్‎లో భారత్ ఆటపై ఇంగ్లండ్ మాజీ కెప్టెన్ మైకేల్ వాన్ విమర్శలు గుప్పించారు. “భారత్ ఈ T20 వరల్డ్‌కప్ నుంచి నిష్క్రమించేలా ఉందన్నారు. ఇంత ప్రతిభ ఉండి, పెద్ద జట్టుగా పేరొందిన టీమిండియా పరిమిత ఓవర్ల క్రికెట్‌లో దారుణంగా విఫలమవుతుందని ట్వీట్ చేశాడు.

India could be on the way out of this #T20WorldCup .. the mindset & approach with all that talent so far has been so wrong #India

— Michael Vaughan (@MichaelVaughan) October 31, 2021

“భారత్ 2010 క్రికెట్ ఆడుతోందని.. కానీ ఆట చాలా మారిందని” మరో ట్వీట్‌లో పేర్కొన్నాడు.

Let’s be honest … For all the talent & depth in #India cricket they under achieved massively for years in white ball Cricket … #Fact #T20WorldCup

— Michael Vaughan (@MichaelVaughan) October 31, 2021

India are playing 2010 Cricket .. The game has moved on .. #T20WorldCup

— Michael Vaughan (@MichaelVaughan) October 31, 2021

ప్రపంచంలోని ఇతర దేశాల్లో నిర్వహిస్తున్న అన్ని లీగ్‌ మ్యాచ్‌లలో ఆడేందుకు భారత క్రికెటర్లకు అనుమతినివ్వాలని బీసీసీఐకి మైకేల్‌ వాన్‌ సూచించాడు. తద్వారా వారికి అనుభవం వస్తుందన్నారు.

India should take a leaf out of all other countries … Allow their players to play in other leagues around the World to gain experience … #India #T20WorldCup

— Michael Vaughan (@MichaelVaughan) October 31, 2021

Read Also.. T20 World Cup 2021: ఆటగాళ్లు అలసటగా ఉన్నారు.. విరామం అవసరం.. జస్ప్రీత్ బుమ్రా..