World Cup 2023: ఈ మైదానంలో ఆడితే గాయపడినట్లే.. వరల్డ్ క్లాస్ స్టేడియంలో ఔట్ ఫీల్డ్ పరమ చెత్త: జోస్ బట్లర్ కీలక వ్యాఖ్యలు..

Dharamshala, ENG VS BAN: ఇంగ్లండ్ వర్సెస్ బంగ్లాదేశ్ (ENG VS BAN) జట్లు మంగళవారం ICC ODI ప్రపంచ కప్ 2023లో తలపడనున్నాయి. ధర్మశాలలోని హెచ్‌పీసీఏ స్టేడియంలో ఈ మ్యాచ్ జరగనుంది. అయితే ఈ మ్యాచ్‌కు ముందు ఔట్‌ఫీల్డ్‌పై దుమారం రేగింది. ఇంగ్లండ్ కెప్టెన్ జోస్ బట్లర్ కూడా ధర్మశాల ఔట్ ఫీల్డ్ పై ప్రశ్నలు సంధించాడు.

ఫీల్డ్‌లో జాగ్రత్తగా ఉండాలి: బట్లర్

మ్యాచ్‌కు ఒక రోజు ముందు, ఇంగ్లాండ్ కెప్టెన్ జోస్ బట్లర్ మాట్లాడుతూ, అవుట్‌ఫీల్డ్ గురించి ఆందోళనలు ఉన్నాయి. నా అభిప్రాయం ప్రకారం ఈ అవుట్‌ఫీల్డ్ బాగోలేదు. దానిపై ఫీల్డింగ్ చేసేటప్పుడు చాలా జాగ్రత్తగా ఉండాలి. ఒక పరుగు ఆదా చేయడానికి డైవ్ చేయాలనుకుంటే, ఈ చెత్త ఔట్ ఫీల్డ్ కారణంగా గాయాలు కావడం తప్పదు. ఇది ఐపీఎల్ సమయంలో కనిపించిన ఔట్ ఫీల్డ్ కాదు. ఈ మైదానంలో గాయాలు అవుతాయి. అయితే ఈ విషయం ముందుగా మనసులో ఉండిపోతుందని, ఇది మంచిది కాదని బట్లర్ అన్నాడు.

గాయాలు ఎక్కడైనా జరగవచ్చని, అయితే హెచ్‌పీసీఏ స్టేడియంలో దేశం కోసం ఆడుతున్నప్పుడు మీరు కొన్ని జాగ్రత్తలు తీసుకోవాలని చెప్పుకొచ్చాడు. బంగ్లాదేశ్, ఆఫ్ఘనిస్థాన్ మధ్య జరిగిన తొలి మ్యాచ్ తర్వాత ఐసీసీ ఈ పిచ్‌ని యావరేజ్‌గా ప్రకటించింది.

గాయపడితే?

View this post on Instagram

A post shared by We Are England Cricket (@englandcricket)

ఇక్కడ ప్రశ్న ఏమిటంటే, ధర్మశాల మైదానంలో ఫీల్డింగ్ చేస్తున్నప్పుడు ఆటగాడికి గాయమైతే ఏమి జరుగుతుంది? ఒక ఆటగాడికి గాయం అయితే ఆ జట్టు ప్రపంచకప్ గెలిచే అవకాశాలను తగ్గవచ్చు. టీమ్ ఇండియా కూడా ధర్మశాలలో మ్యాచ్ ఆడాల్సి ఉంది. ఈ మ్యాచ్ అక్టోబర్ 3న జరగనుంది. ఈ మైదానం ఔట్‌ఫీల్డ్‌పై టీమ్‌ఇండియా ఎలాంటి రెస్పాన్స్‌ని ఇస్తుందనేది ఆసక్తికరంగా మారింది.

ఔట్‌ఫీల్డ్‌కు తగ్గట్టు ప్రయత్నిస్తాం: బంగ్లాదేశ్ కోచ్

బంగ్లాదేశ్ కోచ్ రంగనా హెరాత్ మాట్లాడుతూ.. తమ ఆటగాళ్లు ఈ ఔట్‌ఫీల్డ్‌కు తగ్గట్టు ప్రయత్నిస్తారని అన్నారు. మేం ఎవరిపైనా ఆంక్షలు విధించబోమని, అలా చేస్తే 100 శాతం ఇవ్వలేరని అన్నారు. గత మ్యాచ్‌లో అద్భుతంగా రాణించారని, ఈ మ్యాచ్‌లో కూడా అలాగే చేయమని కోరతామంటూ చెప్పుకొచ్చాడు. ఐసీసీ మైదానాల కోసం చాలా కష్టపడిందని, వన్డే మ్యాచ్‌లు ఆడేందుకు అనుమతి ఇచ్చిందని, అందుకే దీనిపై నాకు ఎలాంటి ఫిర్యాదు చేయలేదంటూ తెలిపాడు.

ప్రశ్నలు లేవనెత్తిన ఆఫ్ఘనిస్థాన్ కోచ్..

2023 ప్రపంచకప్‌లో భాగంగా శనివారం ధర్మశాలలో బంగ్లాదేశ్, ఆఫ్ఘనిస్థాన్ మధ్య తొలి మ్యాచ్ జరిగింది. ఈ మ్యాచ్‌లో బంగ్లాదేశ్ ఆరు వికెట్ల తేడాతో ఆఫ్ఘనిస్థాన్‌పై విజయం సాధించింది. ఈ మ్యాచ్‌లో చాలా మంది ఫీల్డర్లు బంతిని ఆపేందుకు వెళ్లి కింద పడిపోయారు. అఫ్ఘానిస్థాన్‌కు చెందిన ముజీబ్ ఉర్ రెహ్మాన్ తీవ్ర గాయం నుంచి బయటపడ్డాడు. మ్యాచ్ తర్వాత, ఆఫ్ఘనిస్తాన్ కోచ్ జోనాథన్ ట్రాట్ అవుట్‌ఫీల్డ్ గురించి తన అసంతృప్తిని వ్యక్తం చేశాడు. ఈ అవుట్‌ఫీల్డ్‌తో ప్రపంచ కప్ మ్యాచ్ గురించి ప్రశ్నలు లేవనెత్తాడు.

మరిన్ని క్రీడా వార్తల కోసం ఇక్కడ క్లిక్ చేయండి..