Video: కొన్ని గంటల్లో విడాకుల తుది తీర్పు.. కట్ చేస్తే.. నయా గర్ల్ ఫ్రెండ్ తో పార్క్ లో చక్కర్లు కొడుతున్న చాహల్!

యుజ్వేంద్ర చాహల్, ధనశ్రీ వర్మ విడాకుల కేసు మార్చి 20న తుది నిర్ణయానికి వచ్చింది. ఈ విచారణకు కొన్ని గంటల ముందు, చాహల్ ఆర్జే మహవాష్‌తో గడిపిన సమయం పుకార్లకు మరింత బలం చేకూర్చింది. బాంబే హైకోర్టు త్వరగా కేసును పరిష్కరించమని ఆదేశించగా, విడాకుల పరిష్కారంలో భాగంగా చాహల్ రూ.4.75 కోట్లు చెల్లించాల్సి ఉంది. వ్యక్తిగత జీవితంలో గందరగోళం నెలకొన్నప్పటికీ, IPL 2025లో పంజాబ్ కింగ్స్ తరపున బరిలోకి దిగనున్నాడు.

Yuzvendra Chahal Dhanashree Rj Mahvash (1)

Narsimha |

Updated on: Mar 21, 2025 | 9:59 AM

యుజ్వేంద్ర చాహల్ ఇటీవల తన వ్యక్తిగత జీవితంతో వార్తల్లో నిలిచాడు. భారత క్రికెట్ జట్టు స్టార్ లెగ్-స్పిన్నర్ అయిన చాహల్ ప్రస్తుతం తన విడాకుల కేసు కారణంగా మీడియాలో హాట్ టాపిక్ అయ్యాడు. ప్రముఖ కొరియోగ్రాఫర్, నటి అయిన ధనశ్రీ వర్మతో 2020లో వివాహం చేసుకున్న చాహల్, 2022 నుండి ఆమెతో విడివిడిగా ఉన్నట్లు నివేదికలు పేర్కొన్నాయి. వారిద్దరి మధ్య విభేదాలు పెరగడంతో విడాకుల కేసు కోర్టు వరకు వెళ్లింది. ఈ కేసుపై మార్చి 20న తుది తీర్పు వచ్చింది. అందరూ ఊహించినట్టే చాహల్-ధనశ్రీ విడాకులు తీసుకున్నారు. అయితే అప్పటికే చాహల్ మరో వివాదంలో చిక్కుకున్నాడు.

ఇటీవల, ఆర్జే మహవాష్‌తో చాహల్ గడిపిన సమయం కొత్త ఊహాగానాలకు దారితీసింది. మార్చి 20న, విడాకుల విచారణకు కొన్ని గంటల ముందు, ముంబైలోని అంధేరిలోని ఒక పార్కులో మహవాష్‌తో కలసి ఉన్న చాహల్‌ను అభిమానులు గుర్తించారు. ఈ క్షణాలను ఇన్‌స్టంట్ బాలీవుడ్ వీడియో రూపంలో షేర్ చేయడంతో ఈ అంశం మరింత వైరల్‌గా మారింది. వీడియోలో, చాహల్ నల్లటి హూడీ, జీన్స్ ధరించి, ముఖాన్ని ముసుగుతో కప్పుకుని కనిపించాడు. మహవాష్ కూడా సింపుల్ టాప్, బ్యాగీ ప్యాంట్ ధరించి కనిపించింది.

మహవాష్-చాహల్ పేర్లు గతంలోనూ లింక్ అయ్యాయి. ఒక హోటల్‌లో కలిసి కనిపించడం, అనంతరం దుబాయ్‌లో జరిగిన ఛాంపియన్స్ ట్రోఫీ ఫైనల్‌కు ఇద్దరూ హాజరుకావడం వంటి ఘటనలతో, వీరిద్దరి మధ్య డేటింగ్ ఉన్నట్లు పుకార్లు చెలరేగాయి. అయితే, మహవాష్ ఈ ప్రచారాలను ఖండించింది. కానీ తాజాగా మరోసారి ఇద్దరూ కలిసి కనిపించడం, విడాకుల విచారణకు కొన్ని గంటల ముందే చాహల్ ఆమెతో సమయం గడపడం ఆ పుకార్లకు మరింత బలాన్ని చేకూర్చింది.

చాహల్-ధనశ్రీ విడాకుల ప్రక్రియకు సంబంధించి, ఈ కేసును త్వరగా పరిష్కరించాలని బాంబే హైకోర్టు కుటుంబ కోర్టును ఆదేశించింది. ప్రత్యేకంగా, మార్చి 22న ప్రారంభమయ్యే IPL 2025లో చాహల్ పాల్గొనాల్సి ఉండటం కూడా దీనికి ఓ కారణంగా భావిస్తున్నారు. విడాకుల పరిష్కారంలో భాగంగా, చాహల్ ధనశ్రీకి రూ.4.75 కోట్లు జీవనభృతి చెల్లించాల్సి ఉంది, ఇందులో ఇప్పటికే రూ.2.37 కోట్లు చెల్లించాడని సమాచారం.

అతని వ్యక్తిగత జీవితం గందరగోళంగా ఉన్నప్పటికీ, క్రికెట్‌పై దృష్టి నిలిపే ప్రయత్నం చేస్తున్నాడు. IPL 2025లో అతను పంజాబ్ కింగ్స్ తరపున ఆడనున్నాడు. అతని ఆటతీరు పై ఈ వ్యవహారాల ప్రభావం పడుతుందా? లేకపోతే, గత IPL లాగే తన మ్యాజిక్ స్పిన్‌తో ప్రత్యర్థి జట్లకు కష్టంగా మారతాడా? అనేది చూడాలి. ఏదేమైనా, చాహల్ వ్యక్తిగత, వృత్తిపరమైన జీవితాల మధ్య సమతూకం సాధించగలడా? అన్నది అభిమానుల ఆసక్తికరమైన ప్రశ్నగా మారింది.