ఆరు బంతుల్లో 6 వికెట్లు.. సంచలనం సృష్టించిన బౌలర్.. ఎప్పుడు, ఎక్కడంటే?
ఒకే ఓవర్లో ఆరు బంతుల్లో ఆరు సిక్సర్లు బాదిన బ్యాటర్లున చూశాం. అయితే, ఒకే ఓవర్లో అంటే ఆరు బంతుల్లో ఆరు వికెట్లు తీసిన బౌలర్ను చూడలేదు.
Updated on: Dec 02, 2022 | 3:47 PM
క్రికెట్లో ఎప్పుడు ఏం జరుగుతుందో తెలియని అంటుంటారు. నేటి కాలంలో క్రికెట్ను బ్యాట్స్మెన్ల ఆటగా పరిగణిస్తున్నారు. ఇక పాక్, ఇంగ్లండ్ జట్ల మధ్య జరుగుతున్న టెస్ట్ మ్యాచ్ను చూస్తేనే అర్ధమైపోతుంది. ఇక్కడ బ్యాట్స్మెన్స్ ఒక్క రోజులో 500 పరుగుల స్కోరును దాటడం రికార్డ్గా నిలిచింది. కొద్ది రోజుల క్రితం విజయ్ హజారే ట్రోఫీలో భారత ఆటగాడు రితురాజ్ గైక్వాడ్ ఒక ఓవర్లో ఏడు సిక్సర్లు బాదిన సంగతి తెలిసిందే. అయితే, క్రికెట్లో ఓ బౌలర్ ఓవర్లోని అన్ని బంతుల్లో వికెట్లు తీసిన సంఘటనలు మాత్రం వినపడలేదు.
అంతర్జాతీయ క్రికెట్లో ఆరు బంతుల్లో ఆరు వికెట్లు తీయడం ఇప్పటి వరకు జరగలేదు. అయితే మహారాష్ట్రలో జరిగిన టెన్నిస్ బాల్ టోర్నీలో ఇది జరిగింది. ఇక్కడ పన్వేల్లో జరుగుతున్న టోర్నీలో ఓ బౌలర్ ఓవర్లో ఆరు బంతుల్లో ఆరు వికెట్లు పడగొట్టాడు.
తొలి ఓవర్లోనే..
పన్వెల్లోని ఉస్లారీ ఖుర్ద్లో జరుగుతున్న గాందేవి ఉసరై చస్క్ 2022 టోర్నమెంట్లో, లక్ష్మణ్ అనే బౌలర్ ఒకే ఓవర్లో ఆరు బంతుల్లో ఆరు వికెట్లు పడగొట్టాడు. ఈ మ్యాచ్ దొండ్రచపాడు, గావ్దేవి పేట మధ్య జరిగింది. దొండ్రచపాడు విజయానికి 43 పరుగులు చేయాల్సి ఉంది. కానీ తొలి ఓవర్లోనే అతని ఆరుగురు బ్యాట్స్మెన్లు పెవిలియన్కు చేర్చాడు. ఈ ఓవర్లో లక్ష్మణ్ ఒక్క పరుగు కూడా ఇవ్వలేదు.
Incredible: 6 wickets in an over! I do not know any other instance in any form of cricket pic.twitter.com/rsYwmBhCs0
— Sarang Bhalerao (@bhaleraosarang) December 2, 2022
ఇది మొదటిసారి కాదు..
ఒక బౌలర్ ఆరు బంతుల్లో ఆరు వికెట్లు తీయడం ఇదే తొలిసారి కాదు. గతంలో ఆస్ట్రేలియాలో జరిగిన స్థానిక మ్యాచ్లో ఈ ఘనత సాధించింది . జనవరి 26, 2017న ఇండియన్ ఎక్స్ప్రెస్ వెబ్సైట్లో ప్రచురించిన నివేదిక ప్రకారం, అలెడ్ క్యారీ అద్భుత బౌలింగ్తో ఆకట్టుకున్నాడు. గోల్డెన్ పాయింట్ క్రికెట్ క్లబ్తో ఆడుతూ బల్లారత్ క్రికెట్ అసోసియేషన్లో ఈ వికెట్లు పడగొట్టాడు. అతను ఈస్ట్ బల్లారత్కు వ్యతిరేకంగా ఆడుతూ, వికెట్లను పడగొట్టాడు.
టెస్టు క్రికెట్లో మరోలా..
అంతర్జాతీయ క్రికెట్కు సంబంధించినంత వరకు , ఎవరూ ఇలా చేయలేదు. అంతర్జాతీయ క్రికెట్లో ఒక ఓవర్లో అత్యధికంగా నాలుగు వికెట్లు పడ్డాయి. ఇందులో ఇంగ్లండ్కు చెందిన మోరిస్సీ ఎలామ్, కెన్ క్రాన్స్టన్, ఫ్రెడ్ టిట్మస్, క్రిస్ ఓల్డ్, వసీమ్ అక్రమ్, ఇంగ్లండ్కు చెందిన ఆండ్రూ కాడిక్ పేర్లు ఉన్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..
