IPL 2023 Mini Auction: మినీ వేలంలో 991 మంది ప్లేయర్లు.. అత్యధికంగా ఆ రెండు దేశాల నుంచే.. పూర్తి జాబితా ఇదే..

ఇండియన్ ప్రీమియర్ లీగ్ 2023 సీజన్ (ఐపీఎల్ 2023)కి ఇంకా చాలా సమయం ఉంది. అయితే, ప్రస్తుతం మినీ వేలం (ఐపీఎల్ వేలం) సందడి కొనసాగుతోంది. ఈ నెల 23న కొచ్చిలో ఆటగాళ్ల వేలం జరగనుంది. ఏ ఆటగాళ్లను ఎంపిక చేస్తారు, ఎంత మంది క్రీడాకారులు అత్యధిక ధర పొందుతారనేది 23వ తేదీనే ఖరారు కానుంది. ప్రస్తుతం, భారత క్రికెట్ నియంత్రణ మండలి (BCCI) ఈ వేలం కోసం, భారతదేశంతో సహా ప్రపంచం నలుమూలల నుంచి సుమారు వెయ్యి మంది ఆటగాళ్లు తమ పేర్లను నమోదు చేసుకున్నారు. ఇందులో 277 మంది విదేశీ ఆటగాళ్లు ఉన్నారు.

ఐపీఎల్ 2023 సీజన్ వేలానికి ముందు, నవంబర్ 15 నాటికి, మొత్తం 10 ఫ్రాంచైజీలు రిటైన్, రిలీజ్ చేసిన ఆటగాళ్ల జాబితాను విడుదల చేశాయి. ఇందులో, కొన్ని జట్లు సగం కంటే ఎక్కువ మంది ఆటగాళ్లను విడుదల చేయగా, కొన్నిజట్లు కొంతమంది ఆటగాళ్లను మాత్రమే రిలీజ్ చేశాయి. దీంతో ఇప్పుడు మిగిలిన స్థలాల కోసం వేలం నిర్వహించనున్నారు. అయితే ఇందుకోసం 991 మంది ఆటగాళ్లు తమ పేర్లను నమోదు చేసుకున్నారు.

మినీ వేలం విశేషాలు..

1. 991 మంది ఆటగాళ్లలో, మొత్తం 714 మంది భారతీయులు ఉన్నారు. వీరిలో 19 మంది ఆటగాళ్లు క్యాప్డ్ ప్లేయర్లు ఉన్నారు
2. విదేశీ ఆటగాళ్ల సంఖ్య 277 కాగా, ఇందులో 166 మంది క్యాప్డ్ ప్లేయర్లు ఉన్నారు. ఈ 277 మంది ఆటగాళ్ళు 14 వేర్వేరు దేశాలకు చెందినవారు.
ఇవి కూడా చదవండి



PAK vs ENG: పాకిస్తాన్‌లో ఇంగ్లండ్ జట్టుకు భారీ షాక్.. అంతుచిక్కని వైరస్ బారిన 14 మంది ఆటగాళ్లు..



IND vs NZ: రోహిత్ శర్మ భారీ రికార్డుకు బ్రేకులు.. 5 అడుగుల దూరంలో మిస్టర్ 360 ప్లేయర్..



IND vs NZ: కపిల్ దేవ్ ప్రత్యేక రికార్డుపై కన్నేసిన స్టార్ బౌలర్.. అదేంటంటే?



మినీ ఐపీఎల్ కోసం రంగం సిద్ధం.. జనవరి 13న తొలి మ్యాచ్.. పూర్తి షెడ్యూల్ ఇదే..

3. విదేశీ ఆటగాళ్లలో, 20 మంది ఆటగాళ్లు అసోసియేట్ జట్లకు చెందినవారు. అంటే, ICCలో పూర్తి స్థాయి సభ్యుల హోదా లేని జట్లలోని ఆటగాళ్ల కూడా ఉన్నాయి.
4. మరోవైపు, అన్‌క్యాప్డ్ ఇండియన్ ప్లేయర్‌లలో (అంతర్జాతీయ క్రికెట్ ఆడని వారు) ఐపీఎల్ మునుపటి సీజన్‌లలో ఆడిన 91 మంది పేర్లు ఉన్నాయి.
5. అదేవిధంగా, మునుపటి IPL సీజన్లలో ఆడిన అన్‌క్యాప్డ్ ఫారినర్‌లలో కేవలం ముగ్గురు మాత్రమే ఉన్నారు.
6. రిజిస్టరైనవారిలో ఇప్పటి వరకు ఐపీఎల్ ఒక్క సీజన్ కూడా ఆడని అన్‌క్యాప్డ్ ఇండియన్ ప్లేయర్ల సంఖ్య 604 కాగా, విదేశీ ఆటగాళ్ల సంఖ్య 88.
7. ఐపీఎల్ నిబంధనల ప్రకారం ఒక్కో ఫ్రాంచైజీ తన జట్టులో గరిష్టంగా 25 మంది ఆటగాళ్లను కలిగి ఉండవచ్చు.
8. ప్రతి ఫ్రాంఛైజీ తన పూర్తి జట్టుకు అంటే వేలంలో 25 మంది ఆటగాళ్లను చేర్చుకుంటే, మొత్తం 87 మంది ఆటగాళ్లను వేలంలో విక్రయించగలరు. వీరిలో 30 మంది ఆటగాళ్లు మాత్రమే విదేశీయులు కావచ్చు.

ఏ దేశానికి చెందిన ఆటగాళ్లు ఎంత మంది?

మొత్తం 277 మంది విదేశీ ఆటగాళ్లలో, కేవలం రెండు జట్ల నుంచే అత్యధిక ప్లేయర్లు ఉన్నారు. ఇందులో ఆస్ట్రేలియా నుంచి అత్యధికంగా 57 మంది, ఆపై దక్షిణాఫ్రికా నుంచి 52 మంది ఆటగాళ్లు రేసులోకి దిగనున్నారు. అదే సమయంలో, నెదర్లాండ్స్, యుఎఇ, నమీబియా, స్కాట్లాండ్ వంటి జట్ల నుంచి కూడా ఆటగాళ్లు తమ పేర్లను నమోదు చేసుకున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..