IND vs AUS 1st ODI: కెప్టెన్ మారినా.. టీమిండియా లక్ మారలే.. వరుసగా 16 వన్డేల్లో ఓటమే..!

Team India Goutam Gambhir

IND vs AUS 1st ODI: క్రికెట్‌లో అదృష్టాన్ని నిర్ణయించే టాస్‌ విషయంలో టీమిండియా గత కొద్ది నెలలుగా తీవ్ర దురదృష్టాన్ని ఎదుర్కొంటోంది. తాజాగా జరిగిన వన్డే మ్యాచ్‌లో కూడా టాస్‌ ఓడటంతో, భారత జట్టు వరుసగా 16 వన్డే మ్యాచ్‌లలో టాస్‌ కోల్పోయి ప్రపంచ రికార్డును నెలకొల్పింది.

గతంలో ఈ చెత్త రికార్డు నెదర్లాండ్స్ (వరుసగా 11 వన్డే టాస్ ఓటములు) పేరిట ఉండేది. కానీ ఇప్పుడు టీమిండియా దానిని దాటి సరికొత్త రికార్డు సృష్టించింది. ఇది కేవలం గణాంక పరంగా అరుదైన విషయమే కాదు, ఏ జట్టుకైనా ఇలా వరుసగా 16 సార్లు టాస్ ఓడిపోవడం చాలా ఆశ్చర్యకరమైన పరిణామం.

చివరిసారి టాస్ గెలిచింది ఎప్పుడు?

టీమిండియా చివరగా వన్డే మ్యాచ్‌లో టాస్ గెలిచింది 2023 వన్డే ప్రపంచ కప్ సెమీ-ఫైనల్ మ్యాచ్‌లో కావడం గమనార్హం. వాంఖడే స్టేడియంలో న్యూజిలాండ్ జట్టుతో జరిగిన ఆ మ్యాచ్‌లో టాస్ గెలిచిన భారత్ మొదట బ్యాటింగ్ ఎంచుకుని విజయం సాధించింది.

ఆ తర్వాత, వన్డే ప్రపంచ కప్ ఫైనల్ (ఆస్ట్రేలియాపై) మ్యాచ్‌తో మొదలైన టాస్ ఓటముల పరంపర నేటికీ కొనసాగుతోంది. ఈ వరుస ఓటముల్లో కెప్టెన్‌లుగా రోహిత్ శర్మ, కేఎల్ రాహుల్ ఉన్నారు.

టాస్ ఓటముల పరంపర (వన్డేలు)..

భారత జట్టు వరల్డ్ కప్ ఫైనల్ తర్వాత ఆడిన సిరీస్‌లు, టోర్నమెంట్లలో టాస్ ఓడిన వివరాలు:

టాస్ కోల్పోయినా తగ్గని భారత్ సత్తా..

టాస్ ఓడిపోవడం వల్ల పిచ్ పరిస్థుతులను తమకు అనుకూలంగా మార్చుకునే అవకాశం కోల్పోయినప్పటికీ, టీమిండియా ప్రదర్శన మాత్రం మెరుగ్గానే ఉంది. ఈ వరుస టాస్ ఓటముల మధ్య కూడా జట్టు అనేక విజయాలు సాధించింది. ముఖ్యంగా, ఛాంపియన్స్ ట్రోఫీ 2025 టోర్నమెంట్‌లో టాస్ ఓడిపోయినా భారత్ టైటిల్‌ను గెలుచుకోవడం జట్టు అద్భుతమైన పోరాట పటిమకు నిదర్శనం.

టాస్ అనేది కేవలం ఒక ప్రారంభ అదృష్ట పరీక్ష మాత్రమే. మ్యాచ్ విజయాన్ని నిర్ణయించేది జట్టు అద్భుతమైన ప్రదర్శన, నిలకడ, వ్యూహాత్మక అమలు మాత్రమే అని టీమిండియా నిరూపిస్తోంది.