Tirumala: వృద్ధులు, దివ్యాంగులకు ప్రత్యేక దర్శన టోకెన్లు వాయిదా.. మళ్ళీ ఎప్పటి నుంచి TTD జారీ చేయనున్నదంటే
Tirumala: శ్రీవారిని దర్శించుకోవడానికి దేశ విదేశాల నుంచి భక్తులు తిరుమల తిరుపతి(Tirupati) క్షేత్రానికి వస్తారు. స్వామివారిని దర్శించుకుని తమ మొక్కులను చెల్లించుకుంటారు. ఈ నేపధ్యంలో వృద్దులకు, దివ్యాంగులకు..
Tirumala: శ్రీవారిని దర్శించుకోవడానికి దేశ విదేశాల నుంచి భక్తులు తిరుమల తిరుపతి(Tirupati) క్షేత్రానికి వస్తారు. స్వామివారిని దర్శించుకుని తమ మొక్కులను చెల్లించుకుంటారు. ఈ నేపధ్యంలో వృద్దులకు, దివ్యాంగులకు స్వామివారిని దర్శించుకోవడానికి టీటీడీ(TTD) ప్రతేక దర్శన సదుపాయాలను కల్పించింది. అయితే ఈ ప్రత్యేక దర్శనాలను కరోనా(Corona) మహమ్మారి నేపథ్యంలో 2020 మార్చి 20వ తేదీ నుంచి నిలిపివేసిన విషయం తెలిసిందే. అయితే ప్రస్తుతం కోవిడ్‌ తగ్గుముఖం పట్టడంతో కరోనా నిబంధనలను పాటిస్తూ… స్వామివారి దర్శనాలను, సేవలను పూర్తి స్థాయిలో పునరుద్ధరిస్తున్నారు. తాజాగా శ్రీవారిని దర్శించుకోవడానికి వృద్ధులు, దివ్యాంగులకు ప్రత్యేక దర్శనాలను పునరుద్దరించాలని టీటీడీ నిర్ణయించుకుంది. ఈ మేరకు స్పెషల్ దర్శన టికెట్లను జారీ చేయడానికి రంగం సిద్ధం చేసింది.. కానీ ఈరోజు సాఫ్ట్‌వేర్‌లో స‌మ‌స్య ఏర్పడడంతో ఈటోకెన్ల జారీని ఏప్రిల్ 8వ తేదీకి వాయిదా వేసినట్లు టిటిడీ అధికారులు ప్రకటించారు.
ఏప్రిల్ 8వ తేదీ ఉదయం 11 గంటలకు వృద్ధులు, దివ్యాంగులకు స్పెషల్ దర్శన టోకెన్లను ఆన్‌లైన్‌లో రిలీజ్ చేయనున్నామని తెలిపింది. సాఫ్ట్‌వేర్‌లో స‌మ‌స్యతో ఏప్రిల్ 8కి టోకెన్ల జారీ వాయిదా వేసినట్లు పేర్కొంది. ఈ స్పెషల్ దర్శన టోకెన్లను రోజుకు వెయ్యి చొప్పున జారీ చేయనున్నామని ప్రకటించింది. ప్రతి రోజూ ఉదయం 10 గంటలకు, శుక్రవారం మ‌ధ్యాహ్నం 3 గంటలకు ద‌ర్శనాల‌కు అనుమ‌తిని ఇవ్వనున్నారు. ఇక మరోవైపు ఈరోజు జారీ చేయనున్న అంగ ప్రదక్షణ టోకెన్లను కూడా పరిపాలనా కారణాలతో వాయిదా వేసినట్లు టిటిడీ ప్రకటించింది. ఈ అంగ ప్రదక్షణ టోకెన్లను ఏప్రిల్ 2వ తేదీ ఉగాది నుంచి ఇవ్వనున్నామని పేర్కొంది.
