Today Horoscope: ఈ రాశి వారు ఈరోజు అప్పులు తీసుకోవడం, ఇవ్వడం ఎంతమాత్రం మంచిది కాదు.. ఫిబ్రవరి 18 రాశి ఫలాలు..

Today Horoscope: ప్రతిరోజునూ ఎన్నో కొత్త ఆశలతో, ఆశయాలతో ప్రారంభిస్తుంటాం. మరి కొత్త రోజు మనకు ఎలాంటి అనుకూల వాతావరణం ఉంటుంది. ఏ రాశి వారు ఎలాంటి పనులు మొదలు పెడితే మంచిది. తీసుకోవాల్సిన జాగ్రత్తలు ఏంటి.? అన్న విషయాలు తెలుసుకోవడం కోసం ప్రతీ ఒక్కరూ ఆసక్తితో ఉంటారు. అలాంటి వారి కోసమే ఈ రాశి ఫలాలు. మరి ఈ రోజు (ఫిబ్రవరి 18) ఏ రాశి వారి స్థితిగతులు ఎలా ఉండనున్నాయో తెలుసుకుందామా..?

మేష రాశి:

ఈ రాశివారికి ఈరోజు ఉద్యోగ అంశాల్లో సానుకూలత కనిపిస్తోంది. వచ్చిన అవకాశాలను ఎట్టిపరిస్థితుల్లో నిర్లక్ష్యం చేయకూడదు. ‘శ్రీ రాజమాతంగీ నమః’ అనే నామజపం చేయడం వల్ల వీరికి మంచి జరుగుతుంది.

వృషభ రాశి:

వృషభ రాశి వారు ఈరోజు చేపట్టిన పనుల్లో మంచి ఫలితాలు పొందగలుగుతారు. ఆర్థిక పరిస్థితులు మెరుగయ్యే అవకాశాలున్నాయి. ‘కార్తివ్యార్జున’ నామ స్మరణ ఈ రాశుల వారికి మరింత మేలు చేస్తుంది.

మిథున రాశి:

ఈ రాశువారు ఉద్యోగ సంబంధిత వ్యవహారాల్లో కచ్చితంగా తగిన జాగ్రత్తలు తీసుకోవాలి. అప్పులు ఇవ్వడం, తీసుకోవడం కూడా మంచిది కాదు. ఈ రాశి వారికి ఈరోజు మహాలక్ష్మి అమ్మవారి దర్శనం మేలు చేస్తుంది.

కర్కాటక రాశి:

కర్కాటక రాశి వారికి ఈరోజు వ్యాపార సంబంధిత వ్యవహారాల్లో స్వల్ప ఇబ్బందులు ఎదురయ్యే అవకాశాలు కనిపిస్తున్నాయి జాగ్రత్తతో ఉంటే మంచిది. నవగ్రహ స్తోత్ర పారాయణం, విష్ణు పూజ మేలు చేస్తుంది.

సింహ రాశి:

ఈ రాశి వారు చేపట్టే పనులు కొంత ఆలస్యం అయ్యేలా కనిపిస్తున్నాయి. పెట్టుబడుల విషయంలో తొందరపడకూడదు. ఈ రాశి వారికి ఈరోజు గణపతి నామస్మరణ మేలు చేస్తుంది.

కన్య రాశి:

కన్య రాశి వారికి కుటుంబంలో ఖర్చులు పెరుగుతాయి. కొన్ని వివాదాలు తలెత్తే అవకాశాలున్నాయి. అలాగే ఆలోచన సంబంధిత అంశాల్లో కొన్ని ఇబ్బందులు ఎదురయ్యే అవకాశాలున్నాయి. సుబ్రమణ్య స్వామి ఆరాదన వీరికి మేలు చేస్తుంది.

తుల రాశి:

ఈ రాశి వారికి ఈరోజు ఆర్థిక పరిస్థితులు నెమ్మది నెమ్మదిగా మెరుగవుతుంటాయి. స్నేహితుల సహాకారం లభిస్తుంది. తెల్లని పుష్పాలతో పరమేశ్వరుడిని ఆరాధిస్తే మంచి జరుగుతుంది.

వృశ్చిక రాశి:

వృశ్చిక రాశి వారికి ఈరోజు అనుకోని అవాంతరాలు ఎదురైనప్పటికీ.. దేవుడ అనుగ్రహంతో వాటిని సమర్థవంతంగా అధిరోహించగలుగుతారు. ఈ రాశి వారికి హనుమాన్‌ చాలీసా పారాయణం మేలు చేస్తుంది.

ధనుస్సు రాశి:

ఈ రాశి వారు పనులు చేపట్టే విషయంలో ముందు వెనక ఆలోచించడం, ప్రణాళిక బద్ధంగా వ్యవహరించడం మంచిది. ఈరోజు కీలకమైన వ్యక్తులను కలుస్తారు. మహాలక్ష్మి అమ్మవారికి చక్కెర పొంగలి నివేధించడం మంచిది.

మకర రాశి:

మకర రాశి వారికి ఈరోజు పరిచయాలు విస్తృతమవుతుంటాయి. ఆహార, విహారాదుల్లో తప్పనిసరిగా జాగ్రత్తలు తీసుకోవాలి. మానసికంగా ధ్యానం చేసుకోవడం, ఇష్ట దేవతారాధణ చేసుకోవడం ఈ రాశుల వారికి మంచి చేస్తుంది.

కుంభ రాశి:

ఈ రాశి వారి ఈరోజు ఆర్థిక వ్యవహారిక అంశాలు కొంత నిరాశ కలిగిస్తాయి, శ్రమ తప్పకపోవచ్చు. దుర్గ సప్త శ్లోక పరాయణం ఈ రాశి వారికి సూచించతగ్గ అంశం.

మీన రాశి:

మీన రాశి వారికి ఈరోజు రావాల్సిన బాకీలు ఆలస్యమవుతాయి. ఆర్థిక లోటుపాట్లను సవరణ చేసుకోవాల్సిన అవసరాలు ఉన్నాయి. సమాజిక సేవ కార్యక్రమాల్లో పాల్గొంటారు. పేదప్రజలకు ఆహార, పానియాలు దానం చేయడం వల్ల ఈ రాశి వారికి మంచి జరుగుతుంది.

Also Read: Significance of Owl: హిందూ ధర్మ శాస్త్రంలో గుడ్లగూబకు ఉన్న విశిష్టత ఏమిటో తెలుసా ..!