Makara Sankrati 2023 : ఏలినాటి శనితో అవస్థలుపడుతున్నారా..? మకర సంక్రాంతి నాడు ఇలా చేస్తే విముక్తి..!
అందుకే మకర సంక్రాంతి రోజు సూర్య భగవానుడిని పూజించడం వల్ల శని దోషం నుంచి విముక్తి పొందవచ్చని పురాణాలు చెబుతున్నాయి. ఈ రోజునే సూర్యభగవానుడు తన కుమారుడు శనిదేవుడి ఇంటికి వెళ్లాడని నమ్ముతారు .
Updated on: Jan 05, 2023 | 8:49 AM
2023లో జనవరి 14వ తేదీ శనివారం మకర సంక్రాంతి జరుపుకుంటారు. జ్యోతిష్యశాస్త్రం ప్రకారం, సూర్యుడు మకరరాశిలో ప్రవేశించినందున మకర సంక్రాంతి పండుగను జరుపుకుంటారు. ఈ రోజున ప్రజలు స్నానాలు చేయడం, దానధర్మాలు చేయడం ద్వారా సూర్యునికి ప్రార్థనలు చేస్తారు. సూర్యుడు మకర రాశిలో ప్రవేశించినప్పుడు వివాహాలు మొదలైన శుభకార్యాలు ప్రారంభమవుతాయి. మకర రాశిలో సూర్య భగవానుడి ప్రవేశం రాశిని ప్రభావితం చేయదు. కానీ, దాని సానుకూలత మొత్తం వాతావరణంలో కనిపిస్తుంది. దేశవ్యాప్తంగా మకర సంక్రాంతిని ఘనంగా జరుపుకుంటారు. ఇది దేశంలోని వివిధ ప్రాంతాలలో వివిధ పేర్లతో పిలువబడుతుంది. కొందరికి ఖిచ్డీ, పొంగల్, ఉత్తరాయణం అనే పేర్లతో తెలుసు. ఈ రోజున దానాలు చేసిన వ్యక్తికి ప్రయోజనం చేకూరుతుంది. ఈ సంవత్సరం మకర సంక్రాంతి శనివారం వస్తుంది. ఈ రోజున ఎలాంటి వస్తువులను దానం చేయాలో తెలుసుకుందాం.
నల్ల నువ్వుల దానం.. మీరు మకర సంక్రాంతి రోజున నల్ల నువ్వులను దానం చేయవచ్చు. నల్ల నువ్వులను దానం చేయడం వల్ల జాతకచక్రం నుండి శని దోషం తొలగిపోతుందని కూడా నమ్ముతారు.
నల్ల బట్టలు లేదా దుప్పట్లు దానం చేయండి.. జ్యోతిష్య శాస్త్రం ప్రకారం, మకర సంక్రాంతి రోజున మీరు నల్ల గుడ్డ లేదా దుప్పటిని దానం చేయవచ్చు. మీరు అవసరమైన వారికి నల్ల బట్టలు లేదా దుప్పట్లు ఇస్తే మీరు ఖచ్చితంగా మంచి ఫలితాలను పొందుతారు.
ఇనుము దానం.. మకర సంక్రాంతి శనివారం. ఈ రోజు మీరు ఇనుము లేదా ఇనుముతో చేసిన వస్తువులను దానం చేస్తే అది మీకు ప్రయోజనకరంగా ఉంటుంది.
మకర సంక్రాంతి పురాణం.. మకర సంక్రాంతి రోజు సూర్యుడు మకర రాశిలోకి ప్రవేశిస్తాడు. అందుకే మకర సంక్రాంతి పండుగను జరుపుకుంటారు. మకర రాశికి శని అధిపతి కనుక, సూర్యుడు శని దేవుడు ఇంటికి వెళ్తారని ఆ నెల రోజుల పాటు అక్కడే ఉంటారని పురాణాలు చెబుతున్నాయి. సూర్య దేవుడి తేజస్సు ముందు ఆయన కుమారుడు శని తేజస్సు మసకబారుతుంది. అందుకే మకర సంక్రాంతి రోజు సూర్య భగవానుడిని పూజించడం వల్ల శని దోషం నుంచి విముక్తి పొందవచ్చని పురాణాలు చెబుతున్నాయి. ఈ రోజునే సూర్యభగవానుడు తన కుమారుడు శనిదేవుడి ఇంటికి వెళ్లాడని నమ్ముతారు . అందుకే మకర సంక్రాంతి పండుగను జరుపుకుంటారు. దీనితో పాటు రాక్షసులపై విష్ణువు విజయం సాధించిన కథ కూడా ఉంది. అందుకే మకర సంక్రాంతిని జరుపుకుంటారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
