Sun Transit: రేపు కన్యా రాశిలోకి సూర్యుడు.. ఈ పరిహారాలు చేయండి.. ఆరోగ్యం మీ సొంతం

Surya Gochar

నవ గ్రహాలకు అధినేత సూర్యుడు ప్రతి నెల ఒక రాశి నుంచి మరొక రాశిలోకి సంచారం చేస్తాడు. ఇలా సంచారం చేయడాన్ని సంక్రాంతి అని అంటారు. రేపు (సెప్టెంబర్ 17న )సూర్యుడు కన్యారాశిలో అడుగు పెట్టనున్నాడు. ఇది వేద జ్యోతిషశాస్త్రం, హిందూ ఆచారాలలో చాలా పవిత్రమైన సమయం. ఈ కాలం పితృ తర్పణం, దానధర్మాలు, ఆధ్యాత్మిక శుద్ధి, పూర్వీకుల ఆశీర్వాదాలను పొందడానికి అనువైనదిగా పరిగణించబడుతుంది. ఈ రోజున సాంప్రదాయ ఆచారాలను నిర్వహించడం వల్ల సానుకూల శక్తి పెరుగుతుంది. ఆర్ధిక, ఆరోగ్య శ్రేయస్సుతో పాటు పితృ శాంతి లభిస్తుంది.

కన్యా సంక్రాంతి ప్రాముఖ్యత
జ్యోతిషశాస్త్రంలో సూర్యుడు కన్యారాశిలోకి ప్రవేశించినప్పుడు.. అది పూర్వీకుల శాంతికి, దానధర్మాలకు చాలా పవిత్రమైన సమయంగా పరిగణించబడుతుంది. కన్య రాశి జ్ఞానం, సేవ, మతం , కర్మలకు చిహ్నం. కనుక కన్య సంక్రాంతి రోజున చేసే కర్మలు , దానధర్మాలు శాశ్వత ఫలాలను ఇస్తాయి. ఈ సమయంలో సూర్య దేవుడు పితృలోక ద్వారాలను తెరుస్తాడని , పూర్వీకులు తమ వారసుల ఇచ్చే తర్పణం, శ్రద్ధ కర్మలను స్వీకరిస్తారని నమ్మకం.

కన్యా సంక్రాంతి సమయాలు 2025

1. 2025 సెప్టెంబర్ 17న ఉదయం 07:32 గంటలకు సూర్యుడు కన్యారాశిలోకి ప్రవేశిస్తాడు.
2. సంక్రాంతి పవిత్ర సమయంలో దానధర్మాలు, స్నానం, అర్ఘ్యానికి, నైవేద్యాలకు ప్రత్యేక ప్రాముఖ్యత ఇవ్వబడింది.
ఇవి కూడా చదవండి

పండగ సీజన్ వేళ పసిడి ప్రియులకు షాక్.. ఆల్‌టైమ్‌ హైకి బంగారం ధర

హిందూ మహిళకు అంత్యక్రియలు నిర్వహించిన ముస్లిం యువకుడు..

ఈ 2 అలవాట్లు ఉన్న వ్యక్తి పతనం ఖాయం అవి ఏమిటి? ఎలా నివారించాలంటే

త్వరలో శని సంచారంలో మార్పు.. ఈ మూడు రాశుల వారిపై లక్ష్మి అనుగ్రహం

3. కన్యా సంక్రాంతి పూజల, పరిహారాలు
4. స్నాన దానం: ఉదయాన్నే గంగా జలంతో స్నానం చేసి, పేదలకు ఆహారం, నువ్వులు, బట్టలు, దక్షిణ దానం ఇవ్వండి
5. సూర్యుడికి అర్ఘ్యం: ఒక రాగి పాత్రలో నీటిని తీసుకుని.. అందులో ఎర్రటి పువ్వులు, అక్షతలు, బెల్లం వేసి సూర్య భగవానుడికి అర్ఘ్యం సమర్పించండి.
6. ఈ రోజున, పూర్వీకులకు ప్రత్యేక తర్పణం, పిండ ప్రదానం, శ్రద్ధా కర్మలను చేయడం శుభప్రదంగా భావిస్తారు.
7. జపం, ధ్యానం: ఓం ఘృణి సూర్యాయ నమః మంత్రాన్ని జపించండి. సూర్యుని ఆశీస్సులు , పూర్వీకులకు శాంతి రెండూ లభిస్తాయి.

జ్యోతిష ప్రభావాలు

సూర్యుడు కన్యారాశిలోకి ప్రవేశించడంతో ధనుస్సు, మీనం, వృషభ రాశి వారికి ప్రత్యేక ప్రయోజనాలు లభించే అవకాశం ఉంది. ఉద్యోగాలు, వ్యాపారం, విద్యా రంగంలో కొత్త అవకాశాలు లభించే అవకాశం ఉంది. మరోవైపు మిథునం, తుల రాశి వారు ఈ సమయంలో ఓర్పు, నిగ్రహం కలిగి ఉండాలి. కన్యా సంక్రాంతి కేవలం రాశి మార్పు మాత్రమే కాదు. పూర్వీకులకు కృతజ్ఞత తెలిపే సమయం. ఈ రోజున స్నానం చేయడం, దానాలు చేయడం, పూర్వీకులకు తర్పణం అర్పించడం ద్వారా వ్యక్తీ పూర్వీకుల ఆశీర్వాదాలను పొందుతాడు. జీవితంలో అడ్డంకులు తొలగిపోతాయి.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు