Gold-Silver Price Today: పండగ సీజన్ వేళ.. పసిడి ప్రియులకు షాక్.. ఆల్టైమ్ హైకి చేరిన బంగారం ధర
మరికొన్ని రోజుల్లో పండగల సీజన్ ప్రారంభం కానుంది. ఈ సమయంలో బంగారంఆభరణాలు, వెండి వస్తువులను కొనుగోలు చేయాలనీ ప్లాన్ చేస్తుంటే.. ఎప్పటికప్పుడు బంగారం, వెండి ధరల గురించి తెలుసుకోవడం చాలా ముఖ్యం. ఎందుకంటే పసిడి, సిల్వర్ ధరలు నిరంతరం మారుతూ ఉంటాయి. పండుగ సీజన్కు ముందు ఆభరణాలు కొనాలని ప్లాన్ చేస్తుంటే.. బంగారం ధర ఎలా ఉందో తెలుసుకోండి..
Updated on: Sep 16, 2025 | 1:35 PM
భారతదేశంలో బంగారం ధరలు గత కొన్ని రోజులుగా రికార్డు స్థాయిలో పెరుగుతున్నాయి.. ఏకంగా ఆల్ టైం హైకి చేరుకున్నాయి. అయితే ప్రస్తుతం బంగారం ధరలో కొంత స్థిరత్వం కనిపిస్తోంది. గత మూడు రోజులుగా బంగారం క్రమంగా తగ్గుతూ వస్తోంది. బంగారం ధరకు కళ్ళెం పడడం దీంతో నవరాత్రి లేదా దీపావళి వంటి పండుగలకు లేదా వివాహాలకు లేదా ప్రస్తుతం బంగారం కొనాలని ఆలోచిస్తున్న వారికి ఉపశమనం అని భావిస్తున్న వేళ.. ఇప్పటి వరకూ ఎన్నడూ లేనంతగా బంగారం ధర చేరుకుంది పసిడి ప్రియులకు షాక్ ఇచ్చింది. ఈ రోజు ఆల్టైమ్ హైకి చేరుకుంది.
లక్షా 15వేలకు చేరువలో తులం బంగారం ధర
గత మూడు రోజులుగా తగ్గుతూ వచ్చిన పసిడి ధరకు కళ్ళెం పడిందని సంతోష పడేలోగా ఈ రోజు ఓ రేంజ్ లో పెరిగి.. ఆల్ టైం హైకి చేరుకుంది. ఈ రోజు (సెప్టెంబర్ 16వ తేదీన) మేలిమి బంగారం 24 క్యారెట్స్ 10 గ్రాముల బంగారం రూ.లక్షా 15వేల చేరువలో ఉంది. USలో వడ్డీరేట్లు తగ్గుతాయనే అంచనాతో పసిడి ధర పరుగులు పెడుతున్నట్లు మార్కెటింగ్ నిపుణులు అంచనా వేస్తున్నారు.
3 రోజుల్లో బంగారం ధర రూ.2200 తగ్గింది!
బులియన్స్ మార్కెట్ ప్రకారం సెప్టెంబర్ 13, 14 , 15 తేదీల్లో బంగారం ధరలు తగ్గాయి. 24 క్యారెట్ల స్వచ్ఛత కలిగిన 10 గ్రాముల బంగారం ధర మొత్తం 220 తగ్గగా.. 100 గ్రాముల బంగారం ధర 2,200 తగ్గింది. అదే సమయంలో.. 22 క్యారెట్ల బంగారం ధర 10 గ్రాములకు రూ.200, 100 గ్రాములకు రూ.2,000 తగ్గింది. యుఎస్ ఫెడరల్ రిజర్వ్ వడ్డీ రేట్లను తగ్గిస్తుందని భావిస్తున్న సమయంలో ఈ తగ్గుదల సంభవించింది. ప్రపంచ మార్కెట్లలో కదలికను పెంచింది.
ప్రస్తుతం బంగారం ధర ఎంత?
ప్రస్తుతం 24 క్యారెట్ల బంగారం 10 గ్రాముల ధర సుమారు ₹ 1,15,000 ఉంది. అమెరికా ఫెడరల్ రిజర్వ్ వడ్డీ రేట్లను తగ్గిస్తుందనే సంకేతాలే బంగారం ధరల పెరుగుదలకు కారణమని చెబుతున్నారు. ఈ ఏడాదిలో బంగారం ధర 50 శాతానికి పైగా పెరిగింది.
వెండి ధర పెరిగింది.. కిలోకు ₹1.33 లక్షలు దాటింది
బంగారం ధర తగ్గినప్పటికీ.. వెండి ధర నిరంతరం పెరుగుతోంది. సెప్టెంబర్ 12 , 13 మధ్య వెండి ధర కిలోకు ₹ 3,100 పెరిగింది. ప్రస్తుతం వెండి కిలోకు ₹ 1,33,000 రికార్డు స్థాయికి చేరుకుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
