జన్మాష్టమి సందర్భంగా దేశవ్యాప్తంగా కనిపించే ఆధ్యాత్మిక వాతావరణం నెలకొంటుంది. ఉత్సాహం అద్వితీయంగా ఉంటుంది. పలు దేవాలయాలలో ఆధ్యాత్మిక కార్యక్రమాలను నిర్వహించడమే కాదు, పిల్లలను అందంగా అలంకరిస్తారు. దేశ వ్యాప్తంగా కృష్ణాష్టమి సంబరాలు అంబరాన్ని తాకుతాయి. అయితే కన్నయ్య జన్మదినోత్సవం అంటే జన్మించిన మధురతో పాటు బృందావనంలో కూడా వెరి వెరీ స్పెషల్ అన్న సంగతి అందరికీ తెలుసు. అయితే జన్మాష్టమి రోజున శ్రీకృష్ణుడికి 21 గన్ తో సెల్యూట్ చేసే ప్రదేశం గురించి మీకు తెలుసా..
జన్మాష్టమి రోజున రోజంతా ఉపవాసం ఉండి రాత్రి 12 గంటలకు కన్నయ్య పుట్టిన తరువాత, పూజ హారతి ఇచ్చి ఉపవాసం విరమిస్తారు. ఈ సమయంలో పూజలు అన్ని ప్రదేశాలలో దాదాపు ఒకే విధంగా జరుగుతాయి. అయితే దేశంలో ఒక ప్రదేశంలో కన్నయ్యకు పూజలు చేయడమే కాదు శ్రీకృష్ణుడికి ఫిరంగుని 21 సార్లు పేల్చి నమస్కరిస్తారు. ఈ రోజు ఆ ప్రదేశం గురించి తెలుసుకుందాం.
రాజస్థాన్ సంస్కృతి, ఆహారం అందరినీ ఆకర్షిస్తుంది. దీని భౌగోళిక నిర్మాణం మాత్రమే కాదు ఈ ప్రదేశం దీని గొప్ప చరిత్రతో కూడా ప్రసిద్ధి చెందింది. ఇక్కడ నిర్మించిన రాజుల పురాతన కోటలను చూసేందుకు సుదూర ప్రాంతాల నుండి ప్రజలు వస్తుంటారు. అందుకే రాజస్థాన్ పర్యాటక పరంగా పర్యాటకులను ఆకర్షిస్తుంది. ఇక్కడ ఒక ఆలయం ఉంది. ఆ ఆలయంలో శ్రీకృష్ణుడికి 21 సార్లు గన్ సెల్యూట్ చేస్తారు.
కృష్ణ జన్మోత్సవం సందర్భంగా రాజస్థాన్లోని నాథ్ద్వారాలోని శ్రీనాథ్ ఆలయంలో రాత్రి 12 గంటలకు శ్రీకృష్ణుడికి 21 తుపాకుల వందనం ఇవ్వబడుతుంది. ఇక్కడ శ్రీకృష్ణుడు బాలుడి రూపంలో కొలువై ఉన్నాడు. ఇక్కడ జన్మాష్టమి కార్యక్రమాలు ఉదయం నుంచి ప్రారంభమవుతాయి. రాత్రి 11:30 గంటలకు ఆలయాన్ని అరగంట పాటు మూసివేస్తారు. తరువాత 12 గంటలకు తలుపులు తెరిచి తుపాకీతో వందనం ఇచ్చిన తరువాత, బ్యాండ్లు, సంగీత వాయిద్యాలు, డ్రమ్స్ కూడా వాయిస్తారు.
నాథద్వారాలోని ఈ కృష్ణ దేవాలయం ఆరావళి పర్వత శ్రేణికి సమీపంలో ఉంది మరియు బనాస్ నది ఒడ్డున ఉంది. అందువల్ల, ఇక్కడికి రావడం మీకు ఆధ్యాత్మికంగా విశ్రాంతిని ఇవ్వడమే కాకుండా, ప్రకృతి యొక్క అందమైన దృశ్యాలు మిమ్మల్ని ఆకర్షిస్తాయి మరియు మీరు విశ్రాంతిగా సమయాన్ని గడపగలుగుతారు.
నాథద్వారా సమీపంలోని రణక్పూర్ని సందర్శించవచ్చు. ఇది ఆరావళి కొండలలో ఉన్న ప్రదేశం. నాథద్వారా నుంచి ఇక్కడికి చేరుకోవడానికి కేవలం ఒకటి నుండి గంటన్నర సమయం పడుతుంది. సహజ దృశ్యాలతో పాటు సందర్శించగల అనేక సుందరమైన ప్రదేశాలు, కోటలు ఉన్నాయి. అంతేకాదు కుంబల్గర్కు వెళ్లవచ్చు. ఇది మాత్రమే కాదు ఉదయపూర్ గొప్ప గమ్యస్థానం. వివాహ వేదికలకు ప్రసిద్ధి చెందిన ప్రదేశం. ప్రకృతి సౌందర్యం గురించి మాట్లాడితే రాజస్థాన్లోని బుండీకి వెళ్లవచ్చు.
శ్రీనాథ్ ఆలయ చరిత్ర కూడా చాలా పురాతనమైనది. ఈ ఆలయంపై ఔరంగజేబు దాడి చేశాడని చెబుతారు. అయితే ఇక్కడి పూజారి శ్రీ నాధుడు (కృష్ణ) విగ్రహాన్ని సురక్షితంగా బయటకు తీశారు. గన్ సెల్యూట్ ఇచ్చే ఆనవాయితీ చాలా తరాలుగా కొనసాగుతోందని చెప్పారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు