Horoscope Today: ఈ రాశి వారు వాహనాలు నడిపే సమయంలో జాగ్రత్తగా ఉండాలి.. శుక్రవారం మీ రాశిఫలం ఎలా ఉందో చూసుకోండి..

Horoscope Today: ప్రతిరోజూ ఓ కొత్త అవకాశంగా చెబుతారు. కొత్త రోజును కొత్తగా ప్రారంభిస్తూ ఎన్నో అవకాశాలను సొంతం చేసుకోవడానికి ప్రయత్నిస్తుంటారు. ఈ క్రమంలోనే రాశిఫలం ఎలా ఉందో తెలుసుకుంటూ.. రోజును ప్రారంభించే వారు మనలో చాలా మందే ఉంటారు. అలాంటి వారు ఈరోజు రాశిఫలం ఎలా ఉందో తెలుసుకొని రోజును ప్రారంభించండి. శుక్రవారం రాశి ఫలాలు ఎలా ఉన్నాయో ఓ లుక్కేయండి..

మేష రాశి:

ఈరాశివారు ఈరోజు చేపట్టే పనులను కొంత నిధానంగా పూర్తిచేసే ప్రయత్నం చేయండి. అలాగే వీరు కొన్ని కొత్త కార్యక్రమాలు కూడా చేపడుతారు. లక్ష్మీ నారసింహ స్వామి వారి దర్శనం ఈ రాశివారికి మేలు చేస్తుంది.

వృషభ రాశి:

వృషభ రాశివారు ఈరోజు కొన్ని వ్యక్తిగతమైన కార్యక్రమాలను చేపడుతుంటారు. ప్రయాణాల్లో జాగ్రత్తలు తీసుకుంటూ ఉండాలి. అప్పుల భారాలు పెరిగే సూచన కనిపిస్తుంది. ‘ఓం శరవన భవ’ అనే నామ జపం చేసుకోవడం ఈ రాశివారికి సూచించదగ్గ అంశం.

మిథున రాశి:

ఈ రాశివారికి ఈరోజు స్నేహితులు లేదా బంధువుల నుంచి మంచి మంచి ఆహ్వానాలు అందుతుంటాయి. వాటిని జాగ్రత్తగా అందిపుచ్చుకునే ప్రయత్నం చేయాలి. వీరికి ఆధ్యాత్మిక భావనలు ఏర్పడుతుంటాయి. శంక పుష్పాలను సేకరించి పరమేశ్వరుడికి అర్చన నిర్వహించుకుంటే శుభ ఫలితాలు లభిస్తాయి.

కర్కాటక రాశి:

కర్కాట రాశి వారు ఈరోజు ఆర్థిక పరమైన అభివృద్ధి కోసం కొన్ని ముఖ్యమైన నిర్ణయాలు తీసుకుంటుంటారు. విద్యార్థులకు సహకారం అవసరమవుతుంటుంది. ‘ఓం గం గణపతే నమః’ అనే నామస్మరణ ఈ రాశి వారికి మేలు చేస్తుంది.

సింహ రాశి:

ఈ రాశివారికి ఈరోజు సౌకర్యాల వల్ల కొంత ఇబ్బందులు ఎదురవుతుంటాయి. వాహనాలు నడిపే సమయంలో జాగ్రత్తలు తీసుకోవాలి. విష్ణు సహస్త్ర నామ స్తోత్ర పారాయణం ఈ రాశివారికి సూచించదగ్గ అంశం.

కన్య రాశి:

కన్య రాశివారికి ఆదాయాన్ని మించిన ఖర్చులు పెరిగే సూచనలు కనిపిస్తు్న్నాయి. వ్యక్తిగత, ఉద్యోగాది విషయాల్లో అదనపు బాధ్యతలు చేపట్టాల్సిన సందర్భాలు ఎదురవుతుంటాయి. మహాలక్ష్మి ఆరాధన మేలు చేస్తుంది.

తులా రాశి:

ఈ రాశివారు ఈ రోజు చేపట్టిన పనులను సకాలంలో పూర్తి చేసుకుంటారు. మాట విలువ కోల్పోకుండా జాగ్రత్తలు తీసుకోవాలి. ‘ఓం దుం దుర్గాది నమః’ అనే నామ జపం ఈ రాశివారికి సూచించదగ్గ అంశం.

వృశ్చిక రాశి:

వృశ్చిక రాశి వారు ఈరోజు చేపట్టిన పనులను పూర్తి చేయడానికి దగ్గరి వారు సహకరిస్తుంటారు. విందు కార్యక్రమాల్లో పాల్గొంటారు. ఆంజనేయ స్వామి పూజా, అర్చన మేలు చేస్తుంది.

ధనుస్సు రాశి:

ఈ రాశివారు ఈరోజు చేపట్టిన పనుల్లో కాస్త శ్రమ పెరుగుతుంది. ఉద్యోగాది విషయాల్లో శుభ ఫలితాల కోసం తీవ్రమైన కృషి చేస్తుంటారు. విష్ణు సహస్త్ర నామ స్తోత్ర పారాయణం మేలు చేస్తుంది.

మకర రాశి:

మకర రాశి వారు ఈరోజు వ్యక్తిగతంగా కీలక నిర్ణయాలు తీసుకుంటుంటారు. దూర ప్రాంతాల నుంచి వచ్చిన స్నేహితులను, బంధువులను కలుసుకుంటారు. శ్రీ రాజరాజేశ్వరి అమ్మవారి స్తోత్ర పారాయణం మేలు చేస్తుంది.

కుంభ రాశి:

కుంభ రాశివారికి ఈరోజు ఆకస్మిక ప్రయాణాలు ఉంటాయి. అనారోగ్యాలు దరిచేరకుండా ఆహార విషయంలో జాగ్రత్తలు తీసుకోవాలి. గణపతి నామర్చన ఈ రాశివారికి మేలు చేస్తుంది.

మీన రాశి:

ఈ రాశికి వారికి ఆస్తి సంబంధిత వివాదాలను పరిష్కరించుకోవాల్సిన సమయం ఆసన్నమైంది. అలాగే పలు శుభకార్యక్రమాలు కూడా పూర్తి చేసుకోగలుగుతారు. గరికతో గణపతి అర్చన చేసుకోవడం ఈ రాశివారికి సూచించదగ్గ అంశం.

Also Read: రుక్మిణీ సమేత శ్రీకృష్ణావతారంలో దర్శనమిచ్చిన తిరుమలేశుడు.. చూడముచ్చటగా తిరుమల తెప్పోత్సవం

Holi 2021: హొలీ వేడుకలకు సన్నద్ధమవుతున్నారా..! ఆయా రాష్ట్రాల్లో ఆంక్షలు ఏమిటో తెలుసా..!

Nidhivan Mystery : ఆ పుణ్యక్షేత్రంలో నేటికీ రాధాకృష్ణుల రాసలీలలు.. మర్మం కనిపెట్టడానికి వెళ్లినవారికి కళ్ళు పోయిన వైనం