Telangana: వైభవంగా తిక్క వీరేశ్వర స్వామి జాతర .. పెంపుడు కుక్కల పరుగు పందెం పోటీలు

Dog Race Jatara

జోగులంబ గద్వాల జిల్లా అయిజ పట్టణంలో శ్రీశ్రీశ్రీ తిక్క వీరేశ్వర స్వామి జాతర వైభవంగా జరిగింది. ఈ సందర్భంగా ఏర్పాటు చేసిన పెంపుడు జంతువుల పోటీలు ప్రత్యేక ఆకర్షణగా నిలిచాయి. పెంపుడు కుక్కల పరుగు పందెం పోటీలు నిర్వహించారు. తెలంగాణతో పాటు కర్ణాటక, తమిళనాడు, మహారాష్ట్ర నుంచి కూడా కుక్కలతో వచ్చిన యజమానులు పోటీలు జరిపించారు. ఈ పోటీల్లో 20కి పైగా శునకాలు పోటీ పడ్డాయి. కుక్కలను పోటీలకు సిద్ధం చేసి రేసింగ్ ట్రాక్‌లో వదిలిపెడతారు. పందులను బరిలోకి దింపి ఫైటింగ్‌ చేయిస్తారు. ఈ వింత పోటీలను చూసేందుకు భారీ సంఖ్యలో హాజరయ్యారు.

విజేతలుగా నిలిచిన వాటికి బహుమతులు అందజేశారు. తిక్కవీరేశ్వరస్వామి జాతరను పురస్కరించుకొని అయిజలో సంప్రదాయ క్రీడా పోటీలను నిర్వహించడం ఆనవాయితీగా వస్తోంది. రైతులతో అనుబంధం ఉన్న పెంపుడు జంతువుల పోటీలు జాతరలో ఆకర్షణగా నిలుస్తుంటాయి. ఈ పోటీల్లో పాల్గొనేందుకు పక్క రాష్ట్రాల నుంచి కూడా వస్తూ ఉంటారు. తెలంగాణలో ఎక్కడా లేని విధంగా ఇక్కడ మాత్రమే ఇలాంటి పోటీలు జరుగుతున్నాయి. ఈ సంప్రదాయ పోటీలకు నడిగడ్డ అడ్డాగా మారింది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..