Diwali 2023: దీపావళిన దీపం వెలిగించే ముందు దీపదానం ఎందుకు చేస్తారు? ప్రాముఖ్యత ఏమిటంటే?

హిందూ మతంలో దీపానికి ప్రాముఖ్యత ఉంది.  పూజలు, శుభకార్యాల్లో తప్పనిసరిగా దీపం వెలిగిస్తారు. హిందూ విశ్వాసం ప్రకారం దీప కాంతి చీకటిని మాత్రమే కాకుండా ప్రతికూలతను కూడా తొలగిస్తుంది. దీపం  శుభం, అదృష్టానికి కారణం. దీపావళి రోజునే కాదు ఇతర ప్రధాన పండుగల్లో కూడా ప్రజలు వివిధ కోరికలతో దీపాలను దానం చేస్తారు. అయితే కార్తీక మాసంలో దీప దానానికి అత్యంత ప్రముఖ స్థానం ఉంది. దీప దానం చేసే స్థలం, దీప దానం చేసే విధానం, దీప దానం చేసే పరిహారాలు దీని వలన కలిగే ప్రయోజనాల గురించి ఈ రోజు తెలుసుకుందాం..

దీప దానం చేసే సమయంలో పవిత్ర స్థలాన్ని లేదా పరిశుభ్రమైన ప్రదేశాన్ని ఎంచుకోవాలి. శరీరం, మనస్సు స్వచ్ఛంగా ఉంచుకోవాలి. తరువాత మట్టి దీపంలో స్వచ్ఛమైన నెయ్యి లేదా నూనె వేసి, దానిని ఆ ప్రదేశానికి తీసుకెళ్లి, ఆకు లేదా ఆసనంపై దీపం ఉంచండి. వెలిగించిన దీపాన్ని నదికి సమర్పించాలనుకుంటే అరటి చెట్టు బెరడు లేదా ఆకు మీద దీపం పెట్టి ప్రవహించే నీటికి సమర్పించాలి.  అయితే ఎప్పుడూ దీపం నేరుగా నేలపై ఉంచకూడదని గుర్తుంచుకోండి. ఇలా చేయడం చాలా పెద్ద పాపంగా పరిగణించబడుతుంది. ఇక దీపాన్ని పవిత్ర స్థలంలో ఉంచినట్లయితే ఆ దీపం ఆరిపోకుండా దానిని గాజు పాత్రతో కప్పి ఉంచండి.

దీపదానం ఎక్కడ చేస్తారు?

దీపావళి రోజున దీపదానం చేయడం ద్వారా పుణ్యఫలం పొందాలంటే.. ఈ పండుగ రోజున గంగా నది ఒడ్డుకు వెళ్లి దీపం వెలిగించాలి. గంగానది ఒడ్డున దీపాలను వెలిగించడం ద్వారా కార్తీక మాసంలోని అమావాస్య రోజున అంటే దీపావళి నాడు మాత్రమే కాకుండా ఈ కార్తీక మాసంలో కూడా ముఖ్యమైనదిగా పరిగణించబడుతుంది. ఈ రోజున దీపావళిని జరుపుకోవడానికి సమస్త దేవతలు భూమిపైకి వస్తారని నమ్ముతారు. ముఖ్యంగా వారణాసిలో అన్ని ఘాట్స్ వద్ద నరక చతుర్దశి రోజున గంగా తీరంలో వేల దీపాలు వెలిగిస్తారు. గంగానది ఒడ్డునే కాకుండా..  దీపావళి రోజున ఏదైనా దేవాలయంలోనైనా , ఇంట్లో మందిరం, పవిత్రమైన చెట్టు, పొలం-గడ్డి, పుస్తకాలు, భద్రపరచడం, దుకాణం మొదలైన వాటి దగ్గర కూడా దీపాలను వెలిగిస్తారు.

దీపం వెలిగించే ప్రదేశాలు

హిందూ విశ్వాసం ప్రకారం దీపావళి రోజున దీపాన్ని వెలిగించినా, దానం చేయడం ద్వారా వ్యక్తి సంపదకు దేవత అయిన లక్ష్మీ దేవి నుండి ప్రత్యేక ఆశీర్వాదాలను పొందుతాడు. దీపావళి రోజున తన ఇంటి ప్రధాన ద్వారం దగ్గర స్వస్తిక్ వేసి స్వచ్ఛమైన నెయ్యి దీపాన్ని వెలిగించిన వారి ఇంటికి లక్ష్మీదేవి వస్తుందని విశ్వాసం. స్వచ్ఛమైన నెయ్యి లేకపోతే, నువ్వుల నూనె దీపం వెలిగించడం ద్వారా పుణ్య ఫలితాన్ని పొందవచ్చు.

దీప దాన ప్రయోజనాలు

హిందూ విశ్వాసం ప్రకారం దీపాన్ని దానం చేయడం ద్వారా లభించే పుణ్య ఫలితాలు వ్యక్తికి ఆనందం,  అదృష్టంతో పాటు సిరి సంపదలతో పాటు ఆరోగ్యాన్ని పొందేందుకు సహాయపడతాయి. దీపదానం చేయడంతో కలిగే పుణ్యం వల్ల అకాల మృత్యుభయం, తొమ్మిది గ్రహాల దోషాలు తొలగిపోతాయని విశ్వాసం. దీపదానం చేయడం వల్ల దేవీ దేవతలతోపాటు పూర్వీకుల ఆశీస్సులు లభిస్తాయి. దీపదానం చేయడం వల్ల జీవితంలోని నెగెటివ్ ఎనర్జీ పోయి పాజిటివ్ ఎనర్జీ లభిస్తుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు