జగన్ ప్రమాణ స్వీకారానికి చంద్రబాబు..?

ఈ నెల 30వ తేదీన ఏపీ సీఎంగా వైసీపీ అధినేత జగన్ ప్రమాణ స్వీకారం చేయబోతున్నారు. ఈ కార్యక్రమానికి ప్రధాని మోదీ, డీఎంకే నేత స్టాలిన్, తెలంగాణ సీఎం కేసీఆర్‌తో సహా టీడీపీ అధినేత చంద్రబాబు నాయుడిని రావాల్సిందిగా స్వయంగా జగన్ ఫోన్ చేసి ఆహ్వానించారు. అయితే.. ఈ కార్యక్రమానికి ఆపద్ధర్మ ముఖ్యమంత్రి చంద్రబాబు వెళ్తారా..? లేదా అనేది ఈ రోజు జరిగే టీడీఎల్పీ భేటీలో తేలనుంది. చంద్రబాబు జగన్ ఆహ్వానాన్ని మన్నించి ప్రమాణ స్వీకార కార్యక్రమానికి హాజరవుతారని తెలుస్తోంది. కాగా.. 2014లో చంద్రబాబు నాయుడు ముఖ్యమంత్రి ప్రమాణ స్వీకారానికి కూడా వైఎస్ జగన్‌ను ఆహ్వానించారు. కానీ.. ఆ కార్యక్రమానికి జగన్ దూరంగా ఉన్నారు. అంతేకాదు ఆ పార్టీ నేతలు కూడా ఎవరూ హాజరుకాలేదు.