Smartphone: కొత్త ఫోన్ కొంటున్నారా.? మార్కెట్లోకి దూసుకొస్తున్న నయా మాల్‌
మార్కెట్లో రోజుకో కొత్త ఫోన్ సందడి చేస్తోంది. రకరకాల కొంగొత్త ఫీచర్లను పరిచయం చేస్తూ కంపెనీలు యూజర్లను అట్రాక్ట్‌ చేస్తున్నాయి. ఈ నేపథ్యంలోనే తాజాగా మార్కెట్లోకి వచ్చేందుకు కొన్ని ఫోన్‌లు రడీ అవుతున్నాయి. ఇంతకీ ఏంటా స్మార్ట్‌ ఫోన్స్‌.? వాటిలో ఎలాంటి పీచర్లు ఉండనున్నాయి.? లాంటి పూర్తి వివరాలు ఇప్పుడు తెలుసుకుందాం..
iQOO Neo 10 Pro: ఐక్యూ నియో 10 ప్రో ఫోన్‌ను కూడా త్వరలోనే లాంచ్‌ చేయనున్నారు. ఈ స్మార్ట్‌ ఫోన్‌లో క్వాల్కమ్‌ స్నాప్డ్రాగన్ 8 జెన్‌ 3 చిప్సెట్ ప్రాసెసర్‌ను అందించనున్నారు. ఐక్యూ నియో 9 ప్రో 5జీకి కొనసాగింపుగా ఈ ఫోన్‌ను తీసుకొచ్చే అవకాశాలు ఉన్నట్లు తెలుస్తోంది.
1 / 5
OnePlus Ace 5: వన్‌ప్లస్‌ ఏస్‌ 5 ప్రోతో పటు వన్‌ప్లస్‌ ఏస్‌ 5ని కూడా లాంచ్‌ చేసేందుకు సిద్ధమవుతోంది. ఈ ఫోన్ ఫీచర్ల విషయానికొస్తే.. ఇందులో 100 వాట్స్‌ ఛార్జింగ్‌కు సపోర్ట్ చేసే 6500 ఎమ్‌ఏహెచ్‌ బ్యాటరీని అందించనున్నారు. అలాగే ఇందులో BOE X2 డిస్‌ప్లేను ఇవ్వనున్నారు.
2 / 5
OnePlus Ace 5 Pro: వన్‌ప్లస్‌కు చెందిన ఏస్‌ 5 ప్రో స్మార్ట్‌ ఫోన్ ఈ ఏడాది చివరిలో మార్కెట్లోకి తీసుకొచ్చేందుకు సన్నాహాలు చేస్తున్నారు. ఈ ఫోన్‌లో 50 ఎంపీతో కూడిన కెమెరాను అందించనున్నారు. అలాగే ఇందులో ఎక్స్‌2 ఓఎల్‌ఈడీ డిస్‌ప్లేను ఇవ్వనున్నట్లు తెలుస్తోంది.
3 / 5
Realme GT Neo 7: ఈ ఏడాది చివరిలో లాంచింగ్‌కు సిద్దమవుతోన్న మరో ఫోన్ రియల్‌మీ జీటీ నియో7. ఈ స్మార్ట్‌ ఫోన్‌ను మిడ్ రేంజ్‌ బడ్జెట్‌లో తీసుకొచ్చే అవకాశాలు ఉన్నట్లు తెలుస్తోంది. ఫీచర్ల విషయానికొస్తే ఇందులో స్నాప్డ్రాగన్ 8 జెన్‌ 3 చిప్సెట్ ప్రాసెసర్‌ను ఇవ్వనున్నారు. 100 వాట్స్‌ ఛార్జింగ్‌కు సపోర్ట్ చేసే 6000 ఎమ్‌ఏహెచ్‌ కెపాసిటీ బ్యాటరీని ఇవ్వనున్నారు.
4 / 5
Redmi K80: ఈ ఏడాది చివరల్లో మార్కెట్లోకి వచ్చేందుకు సిద్ధమవుతోన్న బెస్ట్ ఫోన్స్‌లో రెడ్‌మీ కే80 ఒకటి. ఈ స్మార్ట్‌ ఫోన్‌ను డిసెంబర్‌లో లాంచ్‌ చేయనున్నట్లు తెలుస్తోంది. ఇందులో స్నాప్డ్రాగన్ 8 జెన్‌ 3 ప్రాసెసర్‌ను ఇవ్వనున్నారు. ఇక ఇందులో 2కే రిజల్యూషన్‌తో కూడిన డిస్‌ప్లేను ఇవ్వనున్నట్లు సమాచారం. వైర్‌లెస్‌ ఛార్జింగ్‌కు కూడా ఫోన్ సపోర్ట్ చేయనుంది.
