Monthly Horoscope: వారి పెళ్లి, ఉద్యోగ ప్రయత్నాలు సఫలం.. 12 రాశుల వారికి జనవరి మాసఫలాలు
మాస ఫలాలు (జనవరి 1 నుంచి జనవరి 31, 2025 వరకు): మేష రాశి వారికి ఈ నెల మనసులోని ఒకటి రెండు కోరికలు, ఆశలు నెరవేరే అవకాశం ఉంది. వృషభ రాశి వారికి అదనపు ఆదాయ సంబంధమైన ప్రయత్నాలు తప్పకుండా సఫలం అవుతాయి. ప్రస్తుతానికి ఆర్థిక లావాదేవీలకు దూరంగా ఉండడం మంచిది. మిథున రాశికి చెందిన నిరుద్యోగులకు అరుదైన ఆఫర్ అందే అవకాశం ఉంది. పెళ్లి ప్రయత్నాలు సఫలం అవుతాయి. మేష రాశి మొదలు మీన రాశి వరకు 12 రాశుల వారికి జనవరి మాసఫలాలు ఎలా ఉన్నాయో ఇప్పుడు చూద్దాం..
మేషం (అశ్విని, భరణి, కృత్తిక 1): నెలంతా సాఫీగా, హ్యాపీగా, సానుకూలంగా గడిచిపోతుంది. ధన స్థానంలో గురువు, లాభస్థానంలో శుక్రుడు, శని సంచారం చేస్తున్నందువల్ల ఆదాయంలో అంచనాలకు మించిన వృద్ధి ఉంటుంది. వృత్తి, ఉద్యోగాల్లో ఊహించని శుభ పరిణామాలు చోటుచేసుకుంటాయి. నిరుద్యోగులకు విదేశాల నుంచి ఆశించిన ఆఫర్లు అందుతాయి. మనసులోని ఒకటి రెండు కోరికలు, ఆశలు నెరవేరే అవకాశం ఉంది. ఆర్థిక వ్యవహారాలకు సమయం అనుకూలంగా ఉంది. సాధారణంగా ఏ ప్రయత్నం తలపెట్టినా విజయవంతం అవుతుంది. వ్యాపారాలు లాభాల దిశగా సాగుతాయి. కొద్దిగా కుటుంబ ఖర్చులు పెరుగుతాయి. రావలసిన డబ్బు, రాదనుకున్న డబ్బు కొద్ది ప్రయత్నంతో చేతికి అందుతాయి. మొండి బాకీలు, బకాయిలు వసూలవుతాయి. ఆరోగ్యం నిలకడగా ఉంటుంది. కుటుంబ జీవితం సాఫీగా, హ్యాపీగా సాగిపోతుంది. జీవిత భాగస్వామితో కలిసి వస్త్రాభరణాలు కొను గోలు చేస్తారు. ఆదిత్య హృదయం పఠించడం వల్ల ప్రతి విషయంలోనూ విజయాలు సాధిస్తారు.
1 / 12
వృషభం (కృత్తిక 2,3,4, రోహిణి, మృగశిర 1,2): దశమ స్థానంలో శని సంచారం వల్ల ఉద్యోగంలో పని భారం ఎక్కువగా ఉండే అవకాశం ఉంది. అయితే, లాభ స్థానంలో రాహువు ఉండడం వల్ల ఆదాయం అనేక విధాలుగా వృద్ధి చెందడం జరుగుతుంది. వృత్తి, ఉద్యోగాలకు సంబంధించి ఒకటి రెండు శుభవార్తలు వింటారు. వ్యాపారాల్లో ఆశించిన స్థాయి లాభాలు పొందలేకపోవచ్చు. ఆర్థిక వ్యవహారాలు నిదానంగా సాగుతాయి. అదనపు ఆదాయ సంబంధమైన ప్రయత్నాలు తప్పకుండా సఫలం అవుతాయి. ప్రస్తుతానికి ఆర్థిక లావాదేవీలకు దూరంగా ఉండడం మంచిది. డబ్బు ఇచ్చినా, తీసుకున్నా ఇబ్బం దులు పడే అవకాశం ఉంది. నష్టదాయక వ్యవహారాలకు దూరంగా ఉండడం మంచిది. కొద్దిపాటి శ్రమతో ముఖ్యమైన వ్యవహారాలు పూర్తవుతాయి. పిల్లల వల్ల సుఖ సంతోషాలు కలుగుతాయి. ఉద్యోగ, పెళ్లి ప్రయత్నాలకు ఆశించిన స్పందన లభిస్తుంది. ఆస్తి వివాదం పరిష్కార దిశగా సాగుతుంది. ఆరోగ్యం బాగానే ఉంటుంది. తరచూ గణపతి అర్చన చేయడం వల్ల శుభ ఫలితాలు వృద్ధి చెందుతాయి.
2 / 12
మిథునం (మృగశిర 3,4, ఆర్ద్ర, పునర్వసు 1,2,3): ఆదాయం బాగా పెరిగే అవకాశం ఉన్నప్పటికీ, అనుకోని ఖర్చుల వల్ల డబ్బు నిల్వ ఉండే అవ కాశం లేదు. భాగ్య స్థానంలో శుక్రుడి సంచారం వల్ల శుభ యోగాలకు అవకాశం ఉంది. జీవితం కొత్త మలుపులు తీరడం జరుగుతుంది. ఉద్యోగ జీవితం ఆశించిన విధంగా ఉత్సాహంగా, ప్రోత్సా హకరంగా సాగిపోతుంది. వృత్తి జీవితంలో తీరిక ఉండని పరిస్థితి ఏర్పడుతుంది. కుటుంబపర మైన ఒత్తిడి నుంచి ఉపశమనం లభిస్తుంది. వ్యాపారాలు లాభాల బాట పడతాయి. నిరుద్యోగులకు అరుదైన ఆఫర్ అందే అవకాశం ఉంది. పెళ్లి ప్రయత్నాలు సఫలం అవుతాయి. బంధువర్గం నుంచి శుభవార్తలు వింటారు. ఆధ్యాత్మిక చింతన పెరుగుతుంది. ఇష్టమైన ఆలయాలను సందర్శిస్తారు. షేర్లు, స్పెక్యులేషన్ల వల్ల లాభాలు కలుగుతాయి. ముఖ్యమైన వ్యవహారాల్లో సొంత నిర్ణయాల మీద ఆధారపడడం మంచిది. ఆరోగ్యం అనుకూలంగా ఉంటుంది. జీవిత భాగస్వామికి వృత్తి, ఉద్యోగాలు చాలావరకు అనుకూలంగా సాగిపోతాయి. సుబ్రహ్మణ్యాష్టకం పఠించడం వల్ల శుభ యోగాలు పడతాయి.
3 / 12
కర్కాటకం (పునర్వసు 4, పుష్యమి, ఆశ్లేష): గురువు, బుధ, రవులు బాగా అనుకూలం కాబోతున్నందువల్ల నెలంతా ఉత్సాహంగా, ఉల్లాసంగా గడిచిపోతుంది. ఉద్యోగంలో స్థిరత్వం ఏర్పడుతుంది. మరికొన్ని శుభ పరిణామాలు కూడా చోటు చేసుకుంటాయి. వృత్తి, వ్యాపారాల్లో లాభాలు బాగా పెరిగే అవకాశం ఉంది. వ్యాపారాల్లో అనేక కొత్త అవకాశాలు అంది వస్తాయి. ఉద్యోగంలో పనిభారం ఎక్కువగా ఉన్నప్పటికీ, ఆశించిన ప్రోత్సాహ కాలు లభిస్తాయి. ఎంతో జాగ్రత్తగా ఒకటి రెండు వ్యక్తిగత సమస్యలను పరిష్కరించుకుంటారు. ఆదాయం బాగా వృద్ధి చెందే అవకాశం ఉంది. ఆదాయ మార్గాలు విస్తరిస్తాయి. ఆహార, విహారాల్లో కాస్తంత జాగ్రత్తగా ఉండడం మంచిది. పిల్లల నుంచి శుభవార్తలు వింటారు. ముఖ్యమైన కార్య కలాపాలను సంతృప్తికరంగా పూర్తి చేస్తారు. నిరుద్యోగులు ఆశించిన శుభవార్తలు వింటారు. ఏ పని తలపెట్టినా సానుకూలంగా పూర్తవుతుంది. కుటుంబంలో ఒకటి రెండు శుభ పరిణామాలు చోటు చేసుకుంటాయి. తరచూ శివార్చన చేయించడం వల్ల అష్టమ శని దోషం పూర్తిగా తగ్గిపోతుంది.
4 / 12
సింహం (మఖ, పుబ్బ, ఉత్తర 1): సప్తమ స్థానంలో శనీశ్వరుడు, దశమ స్థానంలో గురువు సంచారం చేస్తున్నందువల్ల ఉద్యోగంలో పనిభారం ఎక్కువగా ఉంటుంది. ప్రతి పనిలోనూ వ్యయ ప్రయాసలు ఎక్కువగా ఉండే అవకాశం ఉంది. అష్టమ స్థానంలో రాహు సంచారంవల్ల ఆర్థిక ప్రయత్నాల్లో ఆటంకాలు తప్పకపోవచ్చు. అయితే, వృత్తి, ఉద్యోగాల్లో బాగా పురోగతి సాధించడానికి అవకాశం ఉంది. ఉద్యోగంలో ఆశించిన విధంగా స్థిరత్వం లభిస్తుంది. వ్యాపారాల్లో కార్యకలాపాలు, లావాదేవీలు బాగా పెరుగుతాయి. ఆర్థిక లాభాలకు లోటుండదు. నిరుద్యోగులకు మంచి ఆఫర్ అందే అవకాశం ఉంది. వివాహ ప్రయత్నాలు ఫలించి, మంచి సంబంధం కుదురుతుంది. కొద్ది శ్రమ, తిప్పటలతో ముఖ్యమైన వ్యవహారాలు, పనులు పూర్తవుతాయి. కుటుంబ జీవితం ప్రశాంతంగా సాగిపోతుంది. ఒకటి రెండు వ్యక్తిగత సమస్యలు పరిష్కారమవుతాయి. ఆరోగ్యం విషయంలో ఎంత జాగ్రత్తగా ఉంటే అంత మంచిది. నవగ్రహ స్తోత్రం పారాయణ చేయడం వల్ల అనుకూల ఫలితాలు బాగా పెరుగుతాయి.
5 / 12
కన్య (ఉత్తర 2,3,4, హస్త, చిత్త 1,2): భాగ్య స్థానంలో గురువు సంచారం చేస్తున్నంత కాలం ఈ రాశివారికి ఆదాయం దిన దినాభివృద్ధి చెందుతుంది. ఆరవ స్థానంలో శని సంచారం వల్ల ఆరోగ్యం మెరుగ్గా ఉండడంతో పాటు, ఆర్థిక సమస్యల పరిష్కారానికి అవకాశాలు లభిస్తాయి. బుధ, రవి, కుజులు కూడా అనుకూల సంచారం చేస్తున్నందువల్ల జీవితం కొత్త పుంతలు తొక్కుతుంది. కుటుంబంలో శుభ పరిణామాలు చోటు చేసుకుంటాయి. కొందరు బంధుమిత్రులకు ఆర్థికంగా సహాయం చేస్తారు. వృత్తి, ఉద్యోగాల్లో మీ సమర్థతకు గుర్తింపు లభిస్తుంది. కొత్త నైపుణ్యాలను అలవరచుకుంటారు. దైవ కార్యాల్లో ఎక్కు వగా పాల్గొంటారు. వ్యాపారాల్లో లాభాలు నిలకడగా పురోగమిస్తాయి. పిల్లలు బాగా వృద్ధిలోకి వస్తారు. ఉద్యోగ, పెళ్లి ప్రయత్నాలు విజయవంతం అవుతాయి. బంధుమిత్రులతో సఖ్యత, సామ రస్యం పెరుగుతాయి. దీర్ఘకాలిక అనారోగ్యం నుంచి ఉపశమనం లభిస్తుంది. తరచూ దుర్గా దేవిని అర్చించడం, సుబ్రహ్మణ్యాష్టకం చదువుకోవడం వల్ల రాహు కేతువుల దోషం బాగా తగ్గిపోతుంది.
6 / 12
తుల (చిత్త 3,4, స్వాతి, విశాఖ 1,2,3): రాశ్యధిపతి శుక్రుడు పంచమ స్థానంలో పంచమాధిపతి శనితో యుతి చెందడం వల్ల జీవితం నల్లేరు కాయల మీద బండిలా సాగిపోతుంది. ఈ నెలంతా అనేక శుభ ఫలితాలు, శుభ పరిణా మాలు అనుభవానికి వస్తాయి. సాధారణంగా ఏ ప్రయత్నం తలపెట్టినా విజయవంతం అవు తుంది. ఉద్యోగంలో అధికారులు, సహోద్యోగుల నుంచి ఆదరణ, ప్రోత్సాహం వృద్ధి చెందుతాయి. ఎంతో నమ్మకంతో అధికారులు ప్రత్యేక బాధ్యతలను అప్పగించే అవకాశం ఉంది. వృత్తి, వ్యాపా రాల్లో లాభాలు బాగా పెరగడానికి అవకాశాలున్నాయి. షేర్లు తదితర మదుపులు, ఆర్థిక లావా దేవీల వల్ల అంచనాలకు మించిన లాభాలు కలుగుతాయి. నిరుద్యోగులకు మంచి ఆఫర్లు అందు తాయి. ఉద్యోగం మారడానికి సమయం అనుకూలంగా ఉంది. ఆదాయ వృద్ధికి ఏ ప్రయత్నం తల పెట్టినా సఫలం అవుతుంది. జీవిత భాగస్వామికి కూడా వృత్తి, ఉద్యోగాలపరంగా మంచి గుర్తింపు లభిస్తుంది. ఆరోగ్యం బాగానే ఉంటుంది. విష్ణు సహస్ర నామ పఠనం వల్ల అనేక దోషాలు తొలగిపో తాయి.
7 / 12
వృశ్చికం (విశాఖ 4, అనూరాధ, జ్యేష్ట): అర్ధాష్టమ శని దోషం వల్ల ఉద్యోగంలో పని భారం బాగా ఎక్కువగా ఉండే అవకాశం ఉంది. వృత్తి, వ్యాపారాల్లో కూడా శ్రమ ఎక్కువ లాభాలు తక్కువగా ఉండే అవకాశం ఉంది. సప్తమ స్థానంలో గురు సంచారం వల్ల ఈ రకమైన పని ఒత్తిడి నుంచి కొద్దిగా ఉపశమనం లభించడంతో పాటు, ఆదాయం బాగా వృద్ధి చెందే అవకాశం ఉంటుంది. ప్రముఖులతో పరిచయాలు ఏర్పడతాయి. అనుకున్న పనులు అనుకున్నట్టు పూర్తవుతాయి. ముఖ్యమైన ప్రయత్నాలన్నీ విజయవంతం అవుతాయి. నిరుద్యోగుల ప్రయత్నాలు తప్పకుండా సఫలం అయి ఆశించిన ఉద్యోగం లభిస్తుంది. వ్యాపారాలలో పెట్టుబడులు పెంచడానికి అవకాశం ఉంది. విదేశాల్లో ఉన్న పిల్లల నుంచి ఆశించిన సమాచారం అందుతుంది. దూర ప్రాంతాల్లో ఉన్న బంధువులు ఇంటికి రావడం జరుగుతుంది. ఆరోగ్యం బాగానే ఉంటుంది. తరచూ శివార్చన చేయించడం వల్ల అర్ధాష్టమ శని దోషం దాదాపు పూర్తిగా తగ్గిపోతుంది. ధనపరంగా మరిన్ని శుభ యోగాలు తప్పకుండా అనుభవానికి వస్తాయి.
8 / 12
ధనుస్సు (మూల, పూర్వాషాఢ, ఉత్తరాషాఢ 1): ధన స్థానంలో శుక్రుడు, తృతీయ స్థానంలో శని ఉన్నంత కాలం వీరి ఆదాయానికి లోటుండదు. ఆదాయం దిన దినాభివృద్ధి చెందుతుంది. వృత్తి, ఉద్యోగాల్లో ఊహించని శుభ పరిణామాలు చోటు చేసుకుంటాయి. వ్యాపారాల్లో కూడా ఒకటి రెండు ఆశించిన శుభవార్తలు వినడం జరుగుతుంది. అదనపు ఆదాయ మార్గాల మీద శ్రద్ధ పెరుగుతుంది. ఉద్యోగంలో స్థిరత్వం కలుగుతుంది. అధికా రులు మీ సమర్థతను గుర్తిస్తారు. ఎదురు చూస్తున్న శుభవార్తలు వింటారు. ఆరోగ్యం బాగానే ఉంటుంది. ఆర్థిక లావాదేవీలు ఆశించిన ప్రయోజనాలు ఇస్తాయి. నష్టదాయక వ్యవహారాలకు దూరంగా ఉండడం మంచిది. వృథా ఖర్చులతో ఇబ్బంది పడతారు. ఇంటికి బంధువుల రాకపో కలు ఉంటాయి. స్నేహితుల సహాయంతో ముఖ్యమైన వ్యవహారాలను విజయవంతంగా పూర్తి చేస్తారు. ఉద్యోగ, పెళ్లి ప్రయత్నాలకు సానుకూల స్పందన లభిస్తుంది. తరచూ గణపతి స్తోత్రం చదువుకోవడం వల్ల ఆదాయం పెరగడంతో పాటు ఆటంకాలను, అవరోధాలను అధిగమిస్తారు.
9 / 12
మకరం (ఉత్తరాషాఢ 2,3,4, శ్రవణం, ధనిష్ట 1,2): మీ ప్రతిభకు, సమర్థతకు ఆశించిన గుర్తింపు లభిస్తుంది. ఉద్యోగంలో ప్రాధాన్యం పెరుగుతుంది. వృత్తి, ఉద్యోగాల్లో పనిభారం పెరిగినప్పటికీ ఆశించిన ప్రతిఫలం ఉంటుంది. వ్యాపారాలు నిలకడగా, ఆశాజనకంగా సాగిపోతాయి. ఆదాయం బాగా వృద్ధి చెందుతుంది. ప్రభుత్వ మూలక ధనలాభం కలుగుతుంది. శుభ గ్రహాలు బాగా అనుకూలంగా ఉన్నందువల్ల అన్ని ముఖ్యమైన వ్యవహా రాలూ సానుకూలంగా సాగిపోతాయి. ఆర్థికంగా ఇతరులకు సహాయం చేయగల స్థితిలో ఉంటారు. ఏ రంగంలో ఉన్నవారికైనా విజయాలు, సాఫల్యాలు అనుభవానికి వస్తాయి. ఆదాయ వృద్ధి ప్రయ త్నాలు చాలావరకు సత్ఫలిలితాలనిస్తాయి. డబ్బు ఇవ్వడం, తీసుకోవడం వంటి ఆర్థిక లావ దేవీలు పెట్టుకోకపోవడం మంచిది. సొంత ఆలోచనలను నమ్ముకోవడం శ్రేయస్కరం. వ్యక్తిగత పనుల మీద శ్రద్ధ పెట్టాల్సిన అవసరం ఉంది. ఆహార, విహారాల్లో జాగ్రత్తగా ఉండాలి. కుటుంబ జీవితం హ్యాపీగా సాగిపోతుంది. సుందరకాండ పారాయణం చేయడం వల్ల శుభవార్తలు ఎక్కువగా వింటారు.
10 / 12
కుంభం (ధనిష్ట 3,4, శతభిషం, పూర్వాభాద్ర 1,2,3): ఈ రాశిలో శుక్ర, శనుల సంచారం వల్ల రాజయోగాలు కలిగాయి. వృత్తి, ఉద్యోగాల్లో హోదాలు పెరుగుతాయి. ప్రాభవం, ప్రాధాన్యం వృద్ధి చెందుతాయి. దశమ స్థానంలో బుధుడు, లాభ స్థానంలో రవి కూడా బాగా అనుకూలంగా ఉండడం వల్ల ఆదాయం ఇబ్బడిముబ్బడిగా వృద్ధి చెందుతుంది. ఉద్యోగంలో జీతభత్యాలు పెరిగే అవకాశం ఉంది. వృత్తి, వ్యాపారాల్లో నష్టాలు తగ్గి, లాభాలు పెరుగుతాయి. ముఖ్యంగా జీవితంలో కొన్ని శుభ పరిణామాలు చోటు చేసుకుంటాయి. కొన్ని వ్యక్తిగత, కుటుంబ సంబంధమైన కష్టనష్టాల నుంచి బయటపడడం జరుగుతుంది. విదేశీ యానా నికి అవకాశాలు లభిస్తాయి. ఉద్యోగులు, నిరుద్యోగులకు విదేశాల్లో ఉద్యోగాలు లభించే అవకాశం ఉంది. పెళ్లి ప్రయత్నాల్లో కూడా విదేశీ సంబంధం ఖాయమయ్యే అవకాశం ఉంది. నెలంతా శ్రమ తక్కువ లాభాలు ఎక్కువ అన్నట్టుగా సాగిపోతుంది. ప్రయాణాల్లో అప్రమత్తంగా ఉండడం మంచిది. దుర్గాదేవి స్తోత్రం పారాయణ చేయడం వల్ల అనేక శుభాలు, లాభాలు కలుగుతాయి.
11 / 12
మీనం (పూర్వాభాద్ర 4, ఉత్తరాభాద్ర, రేవతి): వ్యయ స్థానంలో శని సంచారం వల్ల కలిగిన ఏలిన్నాటి దోషం మధ్య మధ్య కొద్దిగా ఇబ్బందులు, చిరాకులు పెట్టే అవకాశం ఉంది. స్వల్ప అనారోగ్యాలకు, ఖర్చులు పెరగడానికి, సమయం వృథా కావడానికి, పని భారం పెరగడానికి అవకాశం ఉంటుంది. ప్రస్తుతం భాగ్య, దశమ స్థానాల్లో బుధ సంచారం వల్ల పని భారం నుంచి కొద్దిగా ఉపశమనం లభిస్తుంది. కష్టార్జితం పెరిగినప్పటికీ వృథా ఖర్చుల వల్ల చేతిలో డబ్బు నిల్వ ఉండని పరిస్థితి ఏర్పడుతుంది. వృత్తి, ఉద్యోగాల్లో కొద్దిగా టెన్షన్, శ్రమ ఉండే అవకాశం ఉంది. బరువు బాధ్యతలు పెరుగుతాయి. అయితే, ఆశించిన ప్రతిఫలం ఉంటుంది. ఆదాయం కొద్దిగా పెరిగే అవకాశం ఉంది. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. మిత్రుల సహాయంతో ముఖ్యమైన వ్యవహారాలను పూర్తి చేస్తారు. కుటుంబ జీవితం హ్యాపీగా సాగిపోతుంది. వ్యక్తిగత సమస్య ఒకటి కొద్ది ప్రయత్నంతో పరి ష్కారం అవుతుంది. లలితా సహస్ర నామం పఠించడం వల్ల నెలంతా ప్రశాంతంగా సాగిపోతుంది.
