Rheumatoid Arthritis: రుమటాయిడ్ ఆర్థరైటిస్‌తో దృష్టి సమస్యలు.. ఈ లక్షణాలు కనిపిస్తే ఆలస్యం చేయకండి
ఈ రోజుల్లో కీళ్లనొప్పులు ప్రతి ఇంట్లో సాధారణంగా కనిపించే సమస్య. వయసుతో పాటు శరీరంలో వేళ్లూనుకునే వ్యాధుల్లో ఇదొకటి. వృద్ధులే కాదు పిల్లల్లో కూడా ఈ వ్యాధి విస్తరిస్తోంది. ఆర్థరైటిస్ సాధారణంగా రెండు రకాలు. ఆస్టియో ఆర్థరైటిస్, రుమటాయిడ్ ఆర్థరైటిస్. ఆస్టియో ఆర్థరైటిస్‌తో బాధపడుతుంటే, కీళ్ల నొప్పి, కండరాల నొప్పి ఉంటుంది..
ఈ రోజుల్లో కీళ్లనొప్పులు ప్రతి ఇంట్లో సాధారణంగా కనిపించే సమస్య. వయసుతో పాటు శరీరంలో వేళ్లూనుకునే వ్యాధుల్లో ఇదొకటి. వృద్ధులే కాదు పిల్లల్లో కూడా ఈ వ్యాధి విస్తరిస్తోంది. ఆర్థరైటిస్ సాధారణంగా రెండు రకాలు. ఆస్టియో ఆర్థరైటిస్, రుమటాయిడ్ ఆర్థరైటిస్. ఆస్టియో ఆర్థరైటిస్‌తో బాధపడుతుంటే, కీళ్ల నొప్పి, కండరాల నొప్పి ఉంటుంది.
1 / 5
అయితే, రుమటాయిడ్ ఆర్థరైటిస్ విషయంలో ఇలా ఉండదు. కీళ్ల, కండరాల నొప్పులతో పాటు, శరీరంలో వివిధ సమస్యలు కూడా కనిపిస్తాయి. ఊపిరితిత్తులు, గుండె రక్తనాళాలో సమస్యలు సంభవించవచ్చు. ఇది కంటి చూపును కూడా ప్రభావితం చేస్తుంది.
2 / 5
డాక్టర్ల ప్రకారం.. రుమటాయిడ్ ఆర్థరైటిస్ సమస్య పెరిగినప్పుడు, కళ్ళు ఎక్కువగా ప్రభావితమవుతాయి. సకాలంలో చికిత్స చేయకపోతే చూపు కూడా పోతుంది. కాబట్టి కళ్లు పొడిబారినా, చికాకుగా ఉన్నా, ఎర్రగా లేదా దురదగా ఉన్నా, కళ్లలో నీళ్లు కారుతున్నా, చూపు మసకబారిపోతున్నా ముందుగానే జాగ్రత్త తీసుకోవాలి. వీటిల్లో ఏదైనా ఒక లక్షణం కనిపిస్తే వెంటనే వైద్యులను సంప్రదించాలి. కళ్ళు మన శరీరంలో అత్యంత ముఖ్యమైన, సున్నితమైన భాగాలలో ఒకటి.
3 / 5
అందుకే ఈ సమస్య నుంచి బయటపడాలంటే ముందుగా జీవనశైలిని మార్చుకోవాలి. ఆర్థరైటిస్ నొప్పికి ప్రధాన కారణం విటమిన్ డి, కాల్షియం లోపం. కాబట్టి మీ రోజువారీ ఆహారంలో ఈ రెండు పదార్థాలను తగినంత పరిమాణంలో ఉంచుకోవడం చాలా ముఖ్యం.
4 / 5
బరువు తక్కువగా ఉండేలా చూసుకోవాలి. ఈ వ్యాధితో కూడా ఎముకలపై ఒత్తిడి తగ్గుతుంది. అవసరమైతే క్రమం తప్పకుండా వ్యాయామం చేమాలి. ఇది ఎముకల నొప్పిని అదుపులో ఉంచుతుంది. తద్వారా కీళ్ళు ఆరోగ్యంగా ఉంటాయి. కీళ్లనొప్పులు తగ్గడానికి స్విమ్మింగ్‌ చాలా మంచిది. క్రమం తప్పకుండా స్విమ్మిగ్‌ చేయడం వల్ల కండరాలపై ఒత్తిడి తగ్గుతుంది. శరీర పనితీరు పెంచుతుంది. మోకాలు, తుంటి బలం కూడా పెరుగుతుంది.
