PM Modi: ప్రపంచంలోనే అతిపెద్ద బిల్డింగ్ ప్రారంభోత్సవానికి సర్వం సిద్ధం.. మోదీ చేతుల మీదుగా..
వరల్డ్లో అతిపెద్ద కార్పొరేట్ ఆఫీస్ హబ్ ప్రారంభోత్సవానికి సర్వం సిద్ధమైంది. గుజరాత్లోని సూరత్లో నిర్మించిన ప్రపంచంలోనే అతిపెద్ద కార్యాలయ సముదాయమైన 'సూర్ డైమండ్ బోర్స్' భవనాన్ని ప్రధాని నరేంద్ర మోదీ డిసెంబర్ 17వ తేదీన ప్రారంభించనున్నారు. ఇంతకీ ఈ బిల్డింగ్లో ప్రత్యేకతలు ఏంటి.? ఇంతకీ నిర్మాణం గిన్నిస్ వరల్డ్ రికార్డ్స్లో చోటు దక్కించడానికి కారణం ఏంటి.? అన్ని విషయాలపైఐ ఓ లుక్కేయండి..
గుజరాత్లోని సూరత్లో నిర్మించిన ప్రపంచంలోనే అతిపెద్ద కార్యాలయ సముదాయమైన ‘సూరత్ డైమండ్ బోర్స్’ భవనాన్ని నరేంద్ర మోదీ డిసెంబర్ 17వ తేదీన ప్రారంభించనున్నారు. డైమండ్ రీసెర్చ్ అండ్ మర్కంటైల్ (డ్రీమ్) సిటీలో నిర్మితమైన ఈ భవనం ప్రపంచంలోనే అతిపెద్ద కార్యాలయ భవనంగా గిన్నిస్ వరల్డ్ రికార్డ్స్ ద్వారా గుర్తింపు పొందింది.
ఈ బిల్డింగ్ను రూ. 3500 కోట్లతో నిర్మించారు. మొత్తం 35.54 ఎకరాల్లో సూరత్ డైమండ్ బోర్స్ భవనాన్ని నిర్మించారు. 67 లక్షల చదరపు అడుగుల విస్తీర్ణంలో ఈ బిల్డింగ్ విస్తరించి ఉంది.
9 గ్రౌండ్ టవర్లు, 15 అంతస్తుల్లో దీని నిర్మాణం చేపట్టారు. 300 చదరపు అడుగుల నుండి 1 లక్ష చదరపు అడుగుల వరకు కార్యాలయ స్థలాలు ఉన్నాయి. డైమండ్ బోర్స్ ప్రపంచంలోనే అతిపెద్ద ఇంటర్ కనెక్టడ్ భవనంగా నిలిచింది.
ఈ బిల్డింగ్లో సుమారు 4700 కార్యాలయాలనున్నాయి. వీటిలో ఇప్పటికే 130 కార్యాలయాలు ఉపయోగంలోకి వచ్చేశాయి. పెంటగాన్ కంటే ఈ భవనం పెద్దదని చెబుతున్నారు.
ఈ బిల్డింగ్ వజ్రాల వ్యాపారినికి ప్రంపచం కేంద్రంగా మారనుంది. డైమండ్ బోర్స్ క్యాంపస్లో సేఫ్ డిపాజిట్ వాల్ట్లు, కాన్ఫరెన్స్ హాల్స్, మల్టీపర్సస్ హాల్స్, రెస్టారంట్స్, కన్వెక్షన్ సెంటర్ ఇలా ఎన్నో వసతులను అందుబాటులోకి తీసుకొచ్చారు.