తెలంగాణ అసెంబ్లీ ఎన్నికల సందర్భంగా రాష్ట్ర రాజధాని హైదరాబాద్లో ప్రధాని నరేంద్రమోదీ భారీ రోడ్ షో నిర్వహించారు. నగరంలోని ఆర్టీసీ క్రాస్ రోడ్స్ నుంచి ప్రారంభమైన ప్రధాని మోదీ రోడ్ షో వీర సావర్కర్ విగ్రహం వరకు కొనసాగింది.. మోదీ రోడ్ షో నేపథ్యంలో గ్రేటర్ పరిధిలోని 25 నియోజకవర్గల నుంచి జనసమికరణ చేశారు బీజేపీ శ్రేణులు. మోదీ రోడ్ షో సాగినంత దూరం అభిమానులు, కార్యకర్తలు పూల వర్షం కురిపించారు.
హైదరాబాద్లో ప్రధాని నరేంద్రమోదీ భారీ రోడ్ షో నిర్వహించారు. ఆర్టీసీ క్రాస్ రోడ్స్ నుంచి ప్రారంభమైన ఈ రోడ్ షో రెండు కిలోమీటర్ల మేరకు కొనసాగింది. ప్రధాని వెంట బీజేపీ నేతలు కిషన్‌ రెడ్డి, లక్ష్మణ్‌, నాయకులు, భారీ సంఖ్యలో కార్యకర్తలు, ప్రజలు హాజరయ్యారు.
1 / 9
ఈ రోడ్ షో నగరంలోని ఆర్టీసీ క్రాస్ రోడ్స్ నుంచి ప్రారంభమై కాచీగూడ వరకు కొనసాగింది. మోదీ కాన్వాయ్ వెళ్లే మార్గంలో 25 వేదికలను ఏర్పాటు చేశారు. ఒక్కో వేదికపై ఒక్కొ నియోజకవర్గ అభ్యర్థి నిలబడి మోదీ రోడ్ షోకి తన మద్దతు దారులతో కలిసి స్వాగతం పలికారు.
2 / 9
ఆర్టీసీ క్రాస్ రోడ్డులో మొదలైన మోదీ రోడ్ షో..నారాయణగూడ ఫ్లైఓవర్, వైఎంసీఏ చౌరస్తా మీదుగా కాచిగూడ చౌరస్తా వరకు దాదాపు మూడు కిలోమీటర్ల మేర ప్రధాని రోడ్ షో సాగింది. కాచిగూడలో వీర సావర్కర్ విగ్రహానికి పూల మాల వేసి నివాళులర్పించారు ప్రధాని మోదీ.
3 / 9
ప్రధాని మోదీ రోడ్ షోకు ప్రజల నుంచి భారీ స్పందన వచ్చింది.. మోదీ రోడ్‌షో సందర్భంగా ప్రజలు భారీ సంఖ్యలో తరలివచ్చారు. రోడ్డు కిరువైపు సందడి చేస్తూ కనిపించారు. ప్రజలకు అభివాదం చేస్తూ ప్రధాని ముందుకు సాగారు.
4 / 9
రోడ్‌షో సాగినంత దూరం మోదీపై పూలవర్షం కురిపించారు అభిమానులు.. డప్పులు, డ్యాన్సులతో ఘనంగా స్వాగతం పలికారు బీజేపీ శ్రేణులు. రోడ్‌షో సాగిన ఆర్టీసీ క్రాస్ రోడ్డు మొదలు..కాచిగూడ వరకు రోడ్డు వెంట దాదాపు మూడు కిలోమీటర్ల మేర పిల్లలు, పెద్దలు సహా ప్రజలు ఇసుకెస్తే రాలంతగా బారులు తీరి నిల్చున్నారు.
5 / 9
ప్రధాని మోదీ రోడ్‌షో సందర్భంగా హైదరాబాద్ నగరంలో భారీ ట్రాఫిక్ ఆంక్షలు విధించారు. ముఖ్యంగా రోడ్ షో జరుగుతున్న మార్గంలో పూర్తిస్థాయిలో ట్రాఫిక్ నిలిపివేశారు. మెట్రో స్టేషన్లను సైతం మూసివేశారు.
6 / 9
మహిళలు, చిన్నారులు సైతం పెద్ద సంఖ్యలో మోదీని చూసేందుకు రోడ్డు వెంట నిలబడి ఉన్నారు. కొందరు చేతుల్లో మంగళహారతులు పట్టుకుంటే, మరికొందరు ఏడుకొండల వాడి ప్రతిమ పట్టుకుని కనిపించారు.
7 / 9
రోడ్ షో అనంతరం మోదీ తిరిగి ఢిల్లీ బయలుదేరారు.. మంగళవారంతో తెలంగాణ ఎన్నికల ప్రచారం ముగియనుండటంతో మూడు రోజుల మోదీ ప్రచారం బీజేపీ శ్రేణుల్లో సరికొత్త బూస్ట్‌ నింపిందని పార్టీ వర్గాలు చెబుతున్నాయి.
8 / 9
కేంద్ర బలగాలతో అత్యంత భద్రత నడుమ మధ్య మోదీ రోడ్ షో సాగింది. మహిళలు, చిన్నారులు సైతం పెద్ద సంఖ్యలో మోదీని చూసేందుకు రోడ్డు వెంట నిలబడి ఉన్నారు.
