అలాగే విటమిన్ బి 12, బయోటిన్, ఫోలేట్ వంటి పోషకాల లోపాలు కూడా జుట్టు రాలడానికి కారణం కావచ్చు. అనారోగ్యకరమైన ఆహారం, హార్మోన్ల అసమతుల్యత అధికంగా జుట్టు రాలడానికి కారణం కావచ్చు. వర్షాకాలంలో గాలిలోని తేమ వల్ల శిరోజాలు ఎండిపోతాయి. ఇది జుట్టు సహజ నూనెలను తొలగించి పొడిగా చేస్తుంది.
తడి జుట్టు దువ్వడం అనేది అతి పెద్ద తప్పు. జుట్టు మూలాలు వదులుగా మారి దెబ్బతింటాయి. జుట్టు రాలడానికి ఇది కూడా ఒక కారణం. వర్షంలో తడిస్తే ముందుగా జుట్టును ఆరబెట్టుకోవాలి. ఆ తర్వాత జుట్టును దువ్వేందుకు ప్రయత్నించాలి. వర్షాకాలంలో గాలిలో వివిధ బ్యాక్టీరియా, క్రిములు, వైరస్లు, ధూళి కణాలు ఉంటాయి. ఇవి జుట్టులో చేరితే తల దురద, పొడిగా మారుతుంది. జుట్టులోని మురికి, అదనపు నూనె, సూక్ష్మక్రిములను తొలగించడానికి కనీసం వారానికి మూడు సార్లు తలస్నానం చేయాలి.
తేమతో కూడిన వాతావరణం కారణంగా విపరీతమైన చెమట వస్తుంది. ఇది హెయిర్ ఫోలికల్స్ను మూసుకుపోయేలా చేస్తుంది. ఫలితంగా తలపై దురద, చికాకు పెరుగుతుంది. జుట్టు మూలాలు కూడా వదులుగా మారుతాయి. దీంతో జుట్టు ఎక్కువగా రాలిపోతుంది. వర్షంలో జుట్టు తడిస్తే జుట్టు మెరుపు తగ్గుతుంది. సరిగ్గా జుట్టు ఆరబెట్టుకోకపోతే ఎక్కువ జుట్టు రాలిపోవచ్చు.
వర్షాకాలంలో జుట్టు ఎక్కువగా చిట్లడం జరుగుతుంది. షాంపూ చేసిన తర్వాత కండీషనర్ ఉపయోగించడం మర్చిపోకూడదు. అవసరమైన విధంగా లోతైన కండిషనింగ్ చేయాలి. జుట్టులో తేమను నిలుపుకోవడానికి కొబ్బరి నూనెను కూడా ఉపయోగించవచ్చు. స్నానం చేసిన తర్వాత జుట్టును బాగా ఆరబెట్టుకోవాలి. బ్లో-డ్రైయింగ్కు బదులుగా ఫ్యాన్తో జుట్టును ఆరబెట్టుకోవాలి. తడి జుట్టుకు బ్యాక్టీరియా ఇన్ఫెక్షన్ వచ్చే ప్రమాదం ఎక్కువగా ఉంటుంది.
శిరోజాలను ఆరోగ్యంగా ఉంచడానికి జుట్టును బాగా దువ్వుకోవాలి. ఇలా చేయడం వల్ల స్కాల్ప్ లో బ్లడ్ సర్క్యులేషన్ పెరిగి జుట్టు సమస్యలు తగ్గుతాయి. జుట్టు ఆరోగ్యంగా ఉండాలంటే, రోజువారి ఆహారంపై కూడా శ్రద్ధ తీసుకోవాలి. నీరు, కూరగాయలు, పండ్లు, గింజలు పుష్కలంగా తినాలి. ఒక్కోసారి శరీరంలో పోషకాలు లేకపోయినా జుట్టు సమస్యలు పెరుగుతాయి.