Winter Hair Care: శీతాకాలంలో జుట్టు పట్టుకుచ్చులా మెరవాలంటే.. ఈ హెయిర్ జెల్ ట్రై చేసి చూడండి!
చలికాలంలో జుట్టుకు మరింత పోషణ అవసరం. పొడి వాతావరణం, కాలుష్యం కారణంగా ఈ సీజన్‌లో జుట్టు త్వరగా డల్‌గా మారుతుంది. జుట్టు తేమను కోల్పోతుంది. దీంతోపాటు చుండ్రు సమస్య వెంటాడుతుంది. ఇలాంటి స్థితిలో జుట్టు మృదువుగా ఉండాలంటే కొన్ని చిట్కాలు తప్పక ఫాలో అవ్వాలి. అవేంటంటే.. తల స్నానం చేసే ముందు తప్పనిసరిగా ఆయిల్ మసాజ్ లేదా షాంపూ-కండీషనర్ ఉపయోగించాలి. ఆ తర్వాత తలస్నానం చెయ్యాలి. ఇలా చేయడం వల్ల జుట్టు ..
చలికాలంలో జుట్టుకు మరింత పోషణ అవసరం. పొడి వాతావరణం, కాలుష్యం కారణంగా ఈ సీజన్‌లో జుట్టు త్వరగా డల్‌గా మారుతుంది. జుట్టు తేమను కోల్పోతుంది. దీంతోపాటు చుండ్రు సమస్య వెంటాడుతుంది. ఇలాంటి స్థితిలో జుట్టు మృదువుగా ఉండాలంటే కొన్ని చిట్కాలు తప్పక ఫాలో అవ్వాలి. అవేంటంటే..
తల స్నానం చేసే ముందు తప్పనిసరిగా ఆయిల్ మసాజ్ లేదా షాంపూ-కండీషనర్ ఉపయోగించాలి. ఆ తర్వాత తలస్నానం చెయ్యాలి. ఇలా చేయడం వల్ల జుట్టు మృదుత్వం కోల్పోకుండా ఉంటుంది. కోల్పోయిన తేమను పునరుద్ధరిస్తుంది.
Hair care tips
ఒక స్ప్రే బాటిల్‌లో 4-5 టీస్పూన్ల రోజ్ వాటర్, 1 టీస్పూన్ తాజా అలోవెరా జెల్ కలుపుకోవాలి. ఆ తరువాత దీనికి 1 స్పూన్‌ విటమిన్ ఇ నూనె లేదా బాదం నూనెను కూడా కలుపుకోవాలి. ఇప్పుడు దీనికి 1-2 స్పూన్ల నీళ్లు కలుపుకోవాలి. అంతే హెయిర్ జెల్ సిద్ధం అయినట్లే.
శీతాకాలంలో జుట్టుకు డీప్ కండిషనింగ్ అవసరం. డీప్ కండిషనింగ్ ద్వారా జుట్టుకు అదనపు తేమ అందుతుంది. అందుకు నెయ్యి వేడి చేసి జుట్టుకు రాసుకోవాలి. ఇది సహజ పద్ధతిలో జుట్టును కండిషన్ చేస్తుంది. అలాగే తలలో రక్త ప్రసరణను మెరుగుపరుస్తుంది. నెయ్యి తలకు పట్టించడం వల్ల జుట్టు పెరుగుతుంది. ఈ సహజ పదార్ధం మీ జుట్టును మందంగా, పొడవుగా పెరగడంలో సహాయపడుతుంది. నెయ్యిలో ఉండే ముఖ్యమైన పోషకాలు ఒక నెలలోనే జుట్టు అంగుళం పెరిగేలా చేస్తాయి.