Telugu News Photo Gallery Destination Wedding Tips: five best and popular indian hotels for destination wedding
Destination Wedding: ఒకప్పుడు రాచరికాన్ని గుర్తు ఈ ప్యాలెస్‌లు.. నేడు డెస్టినేషన్ వెడ్డింగ్‌కు ప్రసిద్ధి
ప్రస్తుతం భారతదేశంలో డెస్టినేషన్ వెడ్డింగ్‌ క్రేజ్ నడుస్తోంది. చాలా మంది జంటలు ఈ ట్రెండ్‌ని ఫాలో అవుతున్నారు. సిమ్లా, గోవా లేదా ఇతర ప్రసిద్ధ పర్యాటక ప్రదేశాలను తమ వివాహ గమ్యస్థానంగా మార్చుకుంటున్నారు. అదే సమయంలో భారతదేశంలో చాలా పెద్ద హోటళ్ళు ఉన్నాయి. ఇవి వివాహాలు జరుపుకోవడానికి మంచి ఎంపిక అని చెప్పవచ్చు. ఈ హోటల్స్ లో పెళ్లి చేసుకోవడం అందరి కలగా భావిస్తారు.
ఉదయపూర్‌లోని లీలా ప్యాలెస్‌లో బాలీవుడ్ నటి పరిణీతి చోప్రా, రాజకీయ నాయకుడు రాఘవ్ చద్దా వివాహం చేసుకున్నారు. డెస్టినేషన్ వెడ్డింగ్‌లు నిర్వహిస్తున్న ఇలాంటి హోటళ్లు చాలానే ఉన్నాయి. ఒకప్పుడు రాజభవనాలుగా ఉన్న ఈ ప్రదేశాలను హోటళ్లుగా మార్చారు. కాబట్టి ఈ రోజు మనం భారతదేశంలోని అలాంటి ప్రఖ్యాత ఐదు హోటళ్ల గురించి తెలుసుకుందాం.. అవి నేడు అద్భుతమైన వివాహ గమ్యస్థానాలుగా మారాయి.
1 / 6
తాజ్ లేక్ ప్యాలెస్, ఉదయపూర్: ఉదయపూర్‌లోని పిచోలా సరస్సుపై ఉన్న తాజ్ లేక్ ప్యాలెస్ హోటల్ చాలా ప్రసిద్ధి చెందింది. చెరువు మధ్యలో ఉన్న ఈ హోటల్ అందాలు చూస్తే మతి పోతుంది. ఇంతకు ముందు ఇది చాలా అందమైన ప్యాలెస్‌గా ఉండేది. దీనిని హోటల్‌గా మార్చారు. ప్రస్తుతం ప్రజలు సెలవులు ఎంజాయ్ చేయడానికి.. లేదా డెస్టినేషన్ వెడ్డింగ్‌ల కోసం ఇక్కడికి రావడానికి ఇష్టపడుతున్నారు.
2 / 6
నీమ్రానా ఫోర్ట్, రాజస్థాన్: ఢిల్లీకి కేవలం 122 కిలోమీటర్ల దూరంలో ఉన్న రాజస్థాన్‌లోని నీమ్రానా కోట కూడా ఒకప్పుడు ప్యాలెస్. ఇప్పుడు దీనిని హోటల్‌గా ఉపయోగిస్తున్నారు. డెస్టినేషన్ వెడ్డింగ్‌లు, అనేక ఇతర రకాల పార్టీల కోసం ఈ హోటల్ బెస్ట్ ఎంపిక.
3 / 6
రాంబాగ్ ప్యాలెస్, జైపూర్: ఈ హోటల్ ఒకప్పుడు జైపూర్ మహారాజు నివాసం. ఈ రాజభవనం చూడ్డానికి చాలా అందంగా ఉంటుంది. ఈ ప్యాలెస్‌ను జైపూర్ ఆభరణంగా కూడా పిలుస్తారు. రాంబాగ్ ప్యాలెస్ ప్రపంచంలోనే నంబర్ 1 ప్యాలెస్‌గా ఖ్యాతిగాంచింది.
4 / 6
ఫలక్‌నుమా ప్యాలెస్, హైదరాబాద్: అందం, వైభవానికి ప్రపంచ ప్రసిద్ధి చెందిన ఫలక్‌నుమా ప్యాలెస్ హైదరాబాద్‌లో ఉంది. ఇది చార్మినార్ నుండి 5 కి.మీ దూరంలో నిర్మించబడిన ప్యాలెస్. ఫలక్‌నుమా అంటే స్వర్గం.. ఆకాశంలోని నక్షత్రం లాంటిది. ఎవరైనా కుటుంబంతో గడపడానికి సంవత్సరంలో ఏ సమయంలోనైనా ఇక్కడకు రావచ్చు. అంతేకాదు వైభవానికి ప్రసిద్ధి చెందిన ఈ ప్యాలెస్ రాయల్ డెస్టినేషన్ వెడ్డింగ్‌కు మంచి ఎంపిక.
5 / 6
ఉమైద్ ప్యాలెస్, రాజస్థాన్: ఉమైద్ భవన్ ప్యాలెస్ రాజస్థాన్‌లోని జోధ్‌పూర్‌లో ఉంది. ఇది చాలా అద్భుతమైన, అందమైన ప్యాలెస్. ఈ ప్యాలెస్ డెస్టినేషన్ వెడ్డింగ్‌కి కూడా చాలా ప్రసిద్ధి చెందింది.
