కొత్త ఏడాది సరికొత్తగా రానున్న.. ది ఇయర్ ఆఫ్ క్రేజీ సీక్వెల్స్
కొత్త ఏడాది అన్నాక కాస్త కొత్తగా ఏమైనా చెప్పాలి కదా..! ఎప్పుడూ అవే పాత స్టోరీస్ ఎందుకు.. అందుకే 2025లో రాబోయే సీక్వెల్ సినిమాల గురించి మాట్లాడుకుందాం..! కేవలం తెలుగులో మాత్రమే కాదు.. అన్ని ఇండస్ట్రీలలో ఈ ఏడాది రాబోయే కొనసాగింపు కథల గురించి డీటైల్డ్‌గా డిస్కస్ చేసుకుందాం పదండి..
కొత్త ఏడాది అన్నాక కాస్త కొత్తగా ఏమైనా చెప్పాలి కదా..! ఎప్పుడూ అవే పాత స్టోరీస్ ఎందుకు.. అందుకే 2025లో రాబోయే సీక్వెల్ సినిమాల గురించి మాట్లాడుకుందాం..! కేవలం తెలుగులో మాత్రమే కాదు.. అన్ని ఇండస్ట్రీలలో ఈ ఏడాది రాబోయే కొనసాగింపు కథల గురించి డీటైల్డ్‌గా డిస్కస్ చేసుకుందాం పదండి..
గతేడాది తెలుగులో సీక్వెల్స్ బాగానే వచ్చాయి. టిల్లు 2, పుష్ప 2 అంటూ వచ్చి బాక్సాఫీస్‌ను కొల్లగొట్టారు మన హీరోలు. 2025లోనూ సేమ్ సీన్ రిపీట్ అయ్యేలా కనిపిస్తుంది. చాలా వరకు సీక్వెల్స్ ఈ ఏడాది రానున్నాయి. మరీ ముఖ్యంగా బాలయ్య అఖండ 2 ఈ ఏడాదే రాబోతుంది. ఇప్పటికే షూటింగ్ మొదలైంది.. సెప్టెంబర్ 25, 2025న రానున్నాడు అఖండ 2.
అడివి శేష్ మోస్ట్ అవైటెడ్ సీక్వెల్ గూఢచారి 2 కూడా ఇదే ఏడాది వస్తుంది. ఇప్పటికే ఈ చిత్ర షూటింగ్ చివరిదశకు వచ్చేసింది. ఈ సినిమాకు కథ, స్క్రీన్ ప్లే అందిస్తున్నది కూడా శేషే. పాన్ ఇండియన్ స్థాయిలో గూఢచారి 2 సిద్ధం చేస్తున్నారు అడివి శేష్.
టాలీవుడ్‌లో హిట్ ఫ్రాంచైజీకి ఉన్న క్రేజ్ గురించి చెప్పనక్కర్లేదు. ఇందులో మూడో భాగం 2025లో రాబోతుంది. నాని హీరోగా శైలేష్ కొలను తెరకెక్కిస్తున్న హిట్ 3 మే 1న విడుదల కానుంది. ఇందులో రూత్ లెస్ కాప్ అర్జున్ సర్కార్‌గా నటిస్తున్నారు నాని. శ్రీనిధి శెట్టి హీరోయిన్.
సెన్సేషనల్ టిల్లు భాయ్ కూడా 2025లో వచ్చే ఛాన్స్ లేకపోలేదు. డిజే టిల్లుతో పాటు గతేడాది విడుదలైన టిల్లు స్క్వేర్ కూడా బ్లాక్‌బస్టర్ అయింది. తాజాగా టిల్లు 3 వర్క్ మొదలైనట్లు తెలిపారు నిర్మాత నాగవంశీ. మరోవైపు మ్యాడ్ స్క్వేర్ కూడా త్వరలోనే విడుదల కానుంది.