Alia Bhatt: టాలీవుడ్‌ టార్గెట్ చేసిన ఆలియా.. ఈమె కోసం బరిలోకి దిగుతున్న బడా హీరోలు
ప్రేమించడం మొదలు పెడితే మన తెలుగు వాళ్ల కంటే బాగా ఎవరూ ప్రేమించలేరు. అందుకే ఒక్కసారి టాలీవుడ్‌లో మార్కెట్ వచ్చిందంటే అది పెంచుకోడానికే ప్రయత్నిస్తుంటారు స్టార్స్. తాజాగా అలియా భట్ ఇదే పనిలో బిజీగా ఉన్నారు. ఈమె కోసం బడా హీరోలతో పాటు హీరోయిన్లు కూడా రంగంలోకి దిగుతున్నారు. మరి అలియా కోసం వస్తున్న ఆ స్టార్స్ ఎవరు..?
ప్రేమించడం మొదలు పెడితే మన తెలుగు వాళ్ల కంటే బాగా ఎవరూ ప్రేమించలేరు. అందుకే ఒక్కసారి టాలీవుడ్‌లో మార్కెట్ వచ్చిందంటే అది పెంచుకోడానికే ప్రయత్నిస్తుంటారు స్టార్స్. తాజాగా అలియా భట్ ఇదే పనిలో బిజీగా ఉన్నారు. ఈమె కోసం బడా హీరోలతో పాటు హీరోయిన్లు కూడా రంగంలోకి దిగుతున్నారు. మరి అలియా కోసం వస్తున్న ఆ స్టార్స్ ఎవరు..?
ట్రిపుల్ ఆర్‌లో కనిపించింది కాసేపే అయినా మంచి ఇంపాక్ట్ ఉన్న పాత్రే చేసారు అలియా భట్. ఈ సినిమాతో టాలీవుడ్‌లోనూ అలియాకు మంచి గుర్తింపు వచ్చింది. ఇదే ఇమేజ్ వాడుకుంటూ తన సినిమాలను తెలుగులోనూ విడుదల చేస్తున్నారు ఈ బ్యూటీ.
తాజాగా జిగ్రా సినిమాను తెలుగులో భారీగానే ప్రమోట్ చేస్తున్నారు. పైగా మన బడా స్టార్స్ కూడా హెల్ప్ చేస్తున్నారు. అక్టోబర్ 11న విడుదల కానుంది జిగ్రా. వసన్ బాలా తెరకెక్కిస్తున్న ఈ చిత్రాన్ని తెలుగులో రానా దగ్గుబాటి విడుదల చేస్తున్నారు. ఆయన ఎంట్రీతో జిగ్రాపై ఆసక్తి పెరిగింది.
ఇక ఈ చిత్ర తెలుగు ట్రైలర్ రామ్ చరణ్ విడుదల చేసారు. అంతేకాదు.. దేవర రిలీజ్‌కు ముందు తారక్‌తో కలిసి అలియా భట్ చేసిన ఇంటర్వ్యూ కూడా బాగానే వైరల్ అయింది. తెలుగు నుంచి పూర్తి సహకారం లభిస్తుండటంతో గాల్లో తేలిపోతున్నారు అలియా.
తాజాగా జిగ్రా తెలుగు ప్రీ రిలీజ్ ఈవెంట్ ప్లాన్ చేస్తున్నారు. దీనికి సమంత వస్తున్నారని ప్రచారం జరుగుతుంది. ఈ మధ్య బయటికి రాని స్యామ్.. జిగ్రా కోసం వస్తే మాత్రం ఫుల్ ప్రమోషన్ ఖాయం. మరి ఇంతమంది సపోర్ట్‌తో అలియా తెలుగులో మాయ చేస్తుందేమో చూడాలి.