Tollywood Updates: టాలీవుడ్ షూటింగ్స్తో కళ కళ.. హీరోలు అందరూ సెట్స్లోనే..
మండుటెండలు ఇప్పుడిప్పుడే స్టార్ట్ అవుతున్నాయి. అయినా హీరోలు ఏమాత్రం గ్యాప్ లేకుండా షూటింగులు చేస్తూనే ఉన్నారు. వెకేషన్కి వెళ్లొచ్చిన మహేష్ మళ్లీ మేకప్ వేసుకుంటున్నారు. మిగిలిన హీరోల సంగతేంటి అంటారా? అందరూ బిజీనే..! ఆ సినిమాలు ఏంటి.? ఎవరు ఎక్కడ ఉన్నారు.? ఇప్పుడు పూర్తి వివరాలు తెలుసుకుందాం రండి..
మహేష్ బాబు, రాజమౌళి కాంబినేషన్లో తెరకెక్కుతున్న గ్లోబల్ మూవీ షూటింగ్ జన్వాడలో వేసిన సెట్లో జరుగుతోంది. ఈ షెడ్యూల్కి మహేష్ బాబుతో పాటు మరి కొందరు నటులు కూడా పాల్గొంటున్నారు.అక్కడికే అప్ అండ్ డౌన్ చేస్తున్నారు ఆర్టిస్టులు.
బాలకృష్ణ హీరోగా బోయపాటి దర్శకత్వంలో వచ్చిన బ్లాక్ బస్టర్ మూవీ అఖండకి సీక్వెల్గా తెరకెక్కుతున్న అఖండ తాండవం షూటింగ్ RFC సమీపంలోని పోచంపల్లి గుట్టల దగ్గర జరుగుతోంది . రవితేజ, శ్రీలీల హీరోహీరోయిన్లుగా భాను బొగ్గవరపు డైరెక్షన్లో రూపొందుతున్న యాక్షన్ ఎంటర్టైనర్ మాస్ జాతర సినిమా షూటింగ్ ముచ్చింతల్లో స్పీడందుకుంది.
అఖిల్ అక్కినేని కథానాయకుడిగా మురళి కిషోర్ డైరెక్షన్లో రూపొందుతున్న లెనిన్ మూవీ చిత్రీకరణ ముచ్చింతల్లో స్పీడందుకుంది. సాయిధరమ్ తేజ్ హీరోగా నిరంజన్ రెడ్డి నిర్మిస్తున్న సంబరాల ఏటిగట్టు సినిమా షూటింగ్ తుక్కుగూడ లో కంటిన్యూ అవుతోంది.
లాస్ట్ ఇయర్ సంక్రాంతికి హనుమాన్తో మెప్పించారు తేజ సజ్జా. ఈ ఏడాది ఆగస్టులో మిరాయ్తో జనాల ముందుకు రానున్నారు. ఈ సినిమా కోసమే ప్రస్తుతం శంషాబాద్లో షూటింగ్లో పాల్గొంటున్నారు తేజ సజ్జా. సిద్ధు జొన్నలగడ్డ హీరోగా నీరజ కోనా డైరెక్షన్లో రూపొందుతున్న తెలుసు కదా మూవీ షూటింగ్ బాచుపల్లిలో జరుగుతోంది.
నాగచైతన్య హీరోగా కార్తీక్ దండు డైరెక్ట్ చేస్తున్న సినిమా షూటింగ్ అన్నపూర్ణ సెవన్ ఏకర్స్ బ్యాక్ సైడ్ ఏరియాలో జరుగుతోంది. వరుణ్ తేజ్ హీరోగా మేర్లపాక గాంధీ దర్శకత్వంలో తెరకెక్కుతున్న సినిమా షూటింగ్ అల్యూమినియం ఫ్యాక్టరీలో జరుగుతోంది.