Vanangaan: సూర్య తప్పుకున్న ప్రాజెక్ట్.. టీజర్‌కు రెస్పాన్స్ ఎలా ఉంది..?
తాజాగా కోలీవుడ్ మూవీ వనంగాన్‌ టీజర్ రిలీజ్ అయ్యింది. రా అండ్ రస్టిక్ సినిమాల దర్శకుడు బాల రూపొందించిన ఈ సినిమాను ముందు సూర్య హీరోగా ప్లాన్ చేశారు. కానీ సడన్‌ ఈ ప్రాజెక్ట్ మరో హీరో చేతికి వెళ్లింది. అసలు ఈ ప్రాజెక్ట్ ఎందుకు చేతుల మారింది.? లేటెస్ట్ టీజర్‌కు రెస్పాన్స్ ఎలా ఉంది..? హావ్ ఏ లుక్. నంద, శివపుత్రుడు సినిమాలతో సూపర్ హిట్స్ ఇచ్చిన సూర్య, బాలా కాంబోలో మరో మూవీ కోసం ఆడియన్స్ చాలా కాలంగా ఎదురుచూస్తున్నారు.
నంద, శివపుత్రుడు సినిమాలతో సూపర్ హిట్స్ ఇచ్చిన సూర్య, బాలా కాంబోలో మరో మూవీ కోసం ఆడియన్స్ చాలా కాలంగా ఎదురుచూస్తున్నారు. గత ఏడాది ఈ కాంబో రిపీట్ అవ్వబోతున్నట్టుగా ఎనౌన్స్‌మెంట్ వచ్చింది. స్వయంగా సూర్య నిర్మాతగా బాల దర్శకత్వంలో ఓ సినిమా ఎనౌన్స్‌ అయ్యింది.
ఈ ప్రాజెక్ట్‌కు వనంగాన్‌ అనే టైటిల్‌ కూడా ఫిక్స్ చేసిన మేకర్స్ కొంత షూటింగ్ కూడా చేశారు. సూర్య లుక్ రివీల్ చేస్తూ కొన్ని ఫోటోస్ కూడా వైరల్ అయ్యాయి. కానీ సడన్‌కు ఈ ప్రాజెక్ట్ నుంచి తప్పుకున్నారు సూర్య. దర్శకుడితో క్రియేటివ్ డిఫరెన్సెసే అందుకు కారణం అన్న టాక్ వినిపించింది.
నిర్మాతగా కూడా సూర్య ఈ సినిమా నుంచి తప్పుకోవటంతో పూర్తిగా కొత్త టీమ్‌తో ఈ సినిమాను రెడీ చేశారు దర్శకుడు బాలా. తాజాగా అరుణ్ విజయ్ లీడ్ రోల్‌లో తెరకెక్కిన వనంగాన్‌ సినిమా టీజర్ రిలీజ్ అయ్యింది.
మరోసారి శివ పుత్రుడు తరహాలో హీరో క్యారెక్టరైజేషన్‌ను డిజైన్ చేశారు బాలా. మేకోవర్‌ నుంచి పెర్ఫామెన్స్ వరకు తనకు వచ్చిన అవకాశాన్ని అరుణ్ విజయ్ పర్ఫెక్ట్‌గా వాడుకున్నారు. ఈ సినిమాతో హీరోగా, నటుడిగా అరుణ్ విజయ్ మరో మెట్టు ఎక్కటం ఖాయం అంటున్నారు క్రిటిక్స్‌.
మరోవైపు వనంగాన్‌ టీజర్ చూసిన సూర్య ఫ్యాన్స్ ఫీల్ అవుతున్నారు. ఇలాంటి సినిమా సూర్యకు పడితే మరో క్లాసిక్ అయ్యుండేది అంటున్నారు. అయితే వనంగాన్‌ మిస్ అయినా... ఎప్పటికైనా మరోసారి బాల డైరెక్షన్‌లో సూర్య సినిమా చేస్తే చూడాలని ఎదురుచూస్తున్నారు ఫ్యాన్స్.