Sandeep reddy vanga – Animal: 3 గంటల 21 నిమిషాల రన్ టైమ్.. ఎలా సందీప్ వంగా ఎలా..?
ఈ రోజుల్లో సినిమాను రెండున్నర గంటలు చూడ్డానికే ఇబ్బందిగా ఫీల్ అవుతున్నారు ఆడియన్స్. బాగా ఆసక్తికరంగా ఉంటే తప్ప.. రెండు గంటల సినిమా చాల్లే అంటున్నారు. అందుకే దర్శకులు కూడా దాదాపుగా అంతా ఒకే రన్ టైమ్‌తో వచ్చేస్తున్నారు. 2.20 గంటల నుంచి మొదలు పెట్టి 2.35 గంటల మధ్య తమ సినిమా నిడివి ఉండేలా ప్లాన్ చేసుకుంటున్నారు. కానీ కొందరు దర్శకులు మాత్రం ఎవ్వరి మాటా వినరు.
ఈ రోజుల్లో సినిమాను రెండున్నర గంటలు చూడ్డానికే ఇబ్బందిగా ఫీల్ అవుతున్నారు ఆడియన్స్. బాగా ఆసక్తికరంగా ఉంటే తప్ప.. రెండు గంటల సినిమా చాల్లే అంటున్నారు. అందుకే దర్శకులు కూడా దాదాపుగా అంతా ఒకే రన్ టైమ్‌తో వచ్చేస్తున్నారు. 2.20 గంటల నుంచి మొదలు పెట్టి 2.35 గంటల మధ్య తమ సినిమా నిడివి ఉండేలా ప్లాన్ చేసుకుంటున్నారు. కానీ కొందరు దర్శకులు మాత్రం ఎవ్వరి మాటా వినరు.
ఒక్క ముక్కలో చెప్పాలంటే వాళ్లంతా సీతయ్యలు అంతే. అందులో అందరికంటే ముందు వచ్చే సీతయ్య పేరు సందీప్ రెడ్డి వంగా. తమ సినిమా కంటెంట్ బాగున్నపుడు ఎందుకు రెండున్నర గంటలు మాత్రమే చేయాలి.. మూడు గంటలు అయితే సమస్యేంటి అంటాడు ఈ దర్శకుడు. మొదటి సినిమా అర్జున్ రెడ్డిని కూడా మూడు గంటలతోనే తీసుకొచ్చి ఇండియన్ స్క్రీన్‌ను షేక్ చేసాడు ఈ దర్శకుడు. ఇప్పుడు కూడా ఇదే చేయాలని చూస్తున్నాడు.
తాజాగా ఈయన తెరకెక్కిస్తున్న యానిమల్ సినిమా రన్ టైమ్ ఏకంగా 3 గంటల 21 నిమిషాలు. నమ్మడానికి విచిత్రంగా అనిపించినా ఇదే నిజం. అయినా ఒక్క సినిమాతోనే ఇండియాను షేక్ చేయడం అంటే చిన్న విషయం కాదు.. కానీ చేసి చూపించారు సందీప్ రెడ్డి వంగా. అందుకే యానిమల్ సినిమాపై కూడా అంచనాలు అలాగే ఉన్నాయి. ఎలాంటి అంచనాలు లేకుండా ఈయన తెరకెక్కించిన అర్జున్ రెడ్డి పాత్ బ్రేకింగ్ మూవీగా నిలిచిపోయింది. హిందీలోనూ కబీర్ సింగ్‌గా వచ్చి 370 కోట్లకు పైగానే వసూలు చేసింది.
ఇన్నేళ్ల తర్వాత మరో కొత్త కథతో వస్తున్నారు సందీప్. యానిమల్ మొదలైనప్పటి నుంచి అంచనాలు పెంచేస్తూనే ఉన్నారు సందీప్. అసలు వయోలెన్స్ అంటే ఎలా ఉంటుందో ఇండియన్ సినిమాకు చూపిస్తానంటున్నారు. అన్నట్లుగానే ప్రీ టీజర్‌తోనే రక్తం చూపించిన ఈయన.. టీజర్‌లో ఆ డోస్ మరింత పెంచేసారు. యానిమల్ టీజర్ సినిమాపై అంచనాలు ఒక్కసారిగా అలా పెంచేసింది.. ఇక పాటల్లోనూ వైవిద్యం చూపించాడు ఈయన.
మొదటి పాటలో రొమాన్స్, తర్వాతి పాటలో రిలేషన్స్, మూడో పాటలో తండ్రీ కొడుకుల రిలేషన్.. ఇలా ఒక్కో పాటలో ఒక్కొక్క ఎమోషన్ హైలైట్ చేసాడు దర్శకుడు సందీప్. రణ్‌బీర్ కపూర్ ఇందులో హీరో. ఎన్ని ఎమోషన్స్ ఉన్నా.. తండ్రీ కొడుకుల ఎమోషన్ ఈ సినిమాకు ముఖ్యం. తాజాగా విడుదలైన ట్రైలర్ చూస్తుంటేనే సినిమాలో రక్తం ఏరులై పారుతుందని అర్థమవుతుంది. దాంతో పాటు సెంటిమెంట్ కూడా హెవీగానే ఉండబోతుంది.
అయితే సినిమా కూడా 3.21 గంటలు ఉంటుందని తెలిసాక ట్రోల్ కూడా చేస్తున్నారు. ఏంటి లంచ్ బాక్స్ తీసుకుని థియేటర్స్‌కు వెళ్లాలా అంటున్నారు. అయితే ఎవరెన్ని చెప్పినా తన కంటెంట్ ఆడియన్స్‌ను థియేటర్స్‌లో కూర్చోబెడుతుందని నమ్ముతున్నాడు సందీప్ వంగా. అందుకే రన్ టైమ్ విషయంలో అస్సలు కాంప్రమైజ్ కావట్లేదు.
ముందు 2 ఇంటర్వెల్స్‌లో 3.40 గంటలు అనుకున్నాడు కానీ అది ప్రాక్టికల్‌గా సాధ్యపడదు కాబట్టి కాంప్రమైజ్ అయిపోయి.. అతి కష్టమ్మీద తన సినిమా రన్ టైమ్‌ను 3.21 గంటలకు కుదిరించాడు ఈ దర్శకుడు. మరి ఈయన నమ్మకాన్ని సినిమా ఎంతవరకు నిలబెడుతుందో డిసెంబర్ 1న తేలనుంది.