Pushpa 3: పుష్ప 3 ఆన్.. ర్యాంపేజ్ ముహూర్తం సెట్
అనుమానాలేం అక్కర్లేదు.. వస్తుందా రాదా.. ఉందా లేదా ఇలాంటి డౌట్స్ ఇకపై అవసరం లేదు.. కచ్చితంగా పుష్ప 3 ఉంటుంది. పార్ట్ 3 కోసమే చాలా ప్రశ్నలు వదిలేసారు లెక్కల మాస్టారు. వీటికి సమాధానం త్వరలోనే రానుంది. పుష్ప 3పై మరోసారి క్లారిటీ వచ్చేసింది.. ఎప్పుడు మొదలు కాబోతుందో కూడా కన్ఫర్మేషన్ వచ్చింది. మరి ఆ డీటైల్స్ చూద్దామా..?
పుష్ప 3 ర్యాంపేజ్ ఎప్పుడొస్తుందా అని చూస్తున్న వాళ్ళకు ఆన్సర్ వచ్చింది. 2027 సమ్మర్ తర్వాత ఈ చిత్రం సెట్స్పైకి వెళ్లే అవకాశం ఉంది. ఇంటా బయటా తేడాలేకుండా మోత మోగించాడు పుష్పరాజ్.
నార్త్లో అయితే 900 కోట్లు కొల్లగొట్టి నెంబర్ వన్ పీఠంపై కూర్చున్నారు బన్నీ. పుష్ప 2 విషయంలో ఫ్యాన్స్ ఫుల్ హ్యాపీస్.. ఇకిప్పుడు పార్ట్ 3 కోసం వెయిటింగ్. పుష్ప 2 అంతా బానే ఉన్నా.. కొన్ని ప్రశ్నలు మాత్రం ఫ్యాన్స్, ఆడియన్స్ను వేధిస్తున్నాయి.
పార్ట్ 3 కోసం వాటిని అలాగే దాచేసారు సుకుమార్. అప్పట్లో వచ్చిన Where Is Pushpa టీజర్లోని ఒక్క షాట్ కూడా పుష్ప2 రూల్లో కనబడలేదు. ఇవి మాత్రమే కాదు.. ఇంకా చాలా ప్రశ్నలు అలాగే వదిలేసారు సుక్కు.
పార్ట్ 3లో వీటన్నింటికీ ఆన్సర్ ఇస్తానంటున్నారు లెక్కల మాస్టారు.అల్లు అర్జున్ ప్రస్తుతం అట్లీ సినిమాతో బిజీగా ఉన్నారు.. దీని నెక్ట్స్ షెడ్యూల్ అబుదాబిలో జరగబోతుంది. ఈ చిత్ర షూట్ 2026 సెకండాఫ్లో పూర్తి కానుంది.
ఆ లోపు రామ్ చరణ్ సినిమా పూర్తి చేస్తానంటున్నారు సుకుమార్. ఈ రెండూ అయిపోయాక.. పుష్ప ర్యాంపేజ్ 2027 ఫస్టాఫ్లో ఉండబోతుంది. మరి అప్పుడెలాంటి రచ్చ చేయబోతుందో ఈ కాంబో..?