నందమూరి మోక్షజ్ఞ ఎంట్రీ కోసం ఎదురు చూసి చూసి అభిమానుల కళ్లు కాయలు కాస్తున్నాయి. ఇప్పుడు అప్పుడు అంటున్నాడే కానీ వచ్చేదెప్పుడో మాత్రం క్లారిటీ ఇవ్వట్లేదు మోక్షు. ఇన్నాళ్ల ఎదురు చూపులకి తెర దించేస్తూ వస్తున్నా అంటూ తీపికబురు చెప్పారు నందమూరి వారసుడు. మరి ఆయన్ని తీసుకొచ్చేదెవరు..? ఏ దర్శకుడికి మోక్షు బాధ్యతలు అప్పగించనున్నారు బాలయ్య..? వస్తున్నా.. నందమూరి అభిమానులు ఇప్పుడు ఈ పదాన్ని చూసి తెగ మురిసిపోతున్నారు. అంతగా ఏముంది ఈ వస్తున్నా అనే పదంలో అనుకోవచ్చు..
నందమూరి మోక్షజ్ఞ ఎంట్రీ కోసం ఎదురు చూసి చూసి అభిమానుల కళ్లు కాయలు కాస్తున్నాయి. ఇప్పుడు అప్పుడు అంటున్నాడే కానీ వచ్చేదెప్పుడో మాత్రం క్లారిటీ ఇవ్వట్లేదు మోక్షు. ఇన్నాళ్ల ఎదురు చూపులకి తెర దించేస్తూ వస్తున్నా అంటూ తీపికబురు చెప్పారు నందమూరి వారసుడు. మరి ఆయన్ని తీసుకొచ్చేదెవరు..? ఏ దర్శకుడికి మోక్షు బాధ్యతలు అప్పగించనున్నారు బాలయ్య..?
1 / 5
వస్తున్నా.. నందమూరి అభిమానులు ఇప్పుడు ఈ పదాన్ని చూసి తెగ మురిసిపోతున్నారు. అంతగా ఏముంది ఈ వస్తున్నా అనే పదంలో అనుకోవచ్చు.. కానీ వాళ్ల ఎదురుచూపులకు సమాధానమే ఈ పదం. కొన్నేళ్లుగా మోక్షజ్ఞ ఎంట్రీ కోసం చూస్తున్నారు ఫ్యాన్స్. ఇన్నాళ్లకు వారసుడి మేకోవర్ చూసి పండగ చేసుకున్నారు అభిమానులు.
2 / 5
రెండు మూడేళ్లుగా మోక్షజ్ఞ ఎంట్రీపై చర్చ నడుస్తూనే ఉంది. బాలయ్య ఎక్కడికి వచ్చినా.. ఆయన సినిమా కంటే ముందు వారసుడిని ఎప్పుడు పరిచయం చేస్తున్నారనే ప్రశ్నలే ఎక్కువగా వచ్చాయి. దానికి ఆయన కూడా చాలా ఓపిగ్గా టైమ్ వచ్చినపుడు అంటూ సమాధానం చెప్పారు. మొన్న విశ్వక్ సేన్ సినిమా వేడుకలోనూ మోక్షు ఎంట్రీపై క్లారిటీ ఇచ్చారు బాలయ్య.
3 / 5
రేపు మా వాడు కూడా వస్తున్నాడు అంటూ క్లియర్‌గా క్లారిటీ ఇచ్చారు బాలయ్య. అయినా ఎప్పట్నుంచో ఇదే చెప్తున్నాడులే అంటూ కాస్త లైట్ తీసుకున్నారు కానీ ఇప్పుడు మోక్షజ్ఞను చూస్తుంటే అన్నీ సిద్ధమయినట్లు అర్థం అయిపోతుంది. దానికి తోడు అదిరిపోయే మేకోవర్ అయ్యారు నందమూరి వారసుడు. సోషల్ మీడియాలో ఆయన ఫోటో బాగా ట్రెండ్ అవుతుందిప్పుడు.
4 / 5
అంతా బానే ఉంది గానీ వారసుడిని పరిచయం చేసే బాధ్యత బాలయ్య ఎవరికి ఇవ్వబోతున్నారు అనేది ఆసక్తికరంగా మారింది. దానికి ప్రశాంత్ వర్మ పేరు బలంగా వినిపిస్తుంది. గతంలో అన్‌స్టాపబుల్‌కు కూడా పనిచేసారు ప్రశాంత్. అప్పుడే ఈయనపై బాలయ్యకు గురి కుదిరింది. మరి నిజంగానే ప్రశాంత్ వర్మ, మోక్షు కాంబో సెట్ అవుతుందేమో చూడాలిక.
