Vishwambhara: ప్లాన్ మారుస్తున్న మెగాస్టార్.. విశ్వంభరకి బ్రేక్ ఇచ్చిన చిరంజీవి
చిరంజీవి స్టెప్స్ మరీ రొటీన్ అయిపోతున్నాయి.. ముందులా చిరుతో డాన్సులు చేయించలేకపోతున్నారు కొరియోగ్రఫర్లు.. ఇలాగే ఉంటే చిరు డాన్సులు కూడా బోర్ కొట్టేస్తాయేమో..? బయటికి చెప్పట్లేదు గానీ ఈ మధ్య చిరుపై ఫ్యాన్స్ నుంచి వస్తున్న మేజర్ కంప్లైంట్స్ అయితే ఇవే. దీనికోసమే విశ్వంభరలో ప్లాన్ మార్చేస్తున్నారు మెగాస్టార్. మరి ఆయనేం చేస్తున్నారు..? చిరంజీవి అంటే ముందుగా గుర్తుకొచ్చేది డాన్సులు.. ఆ తర్వాతే యాక్టింగ్, మాస్ ఇమేజ్ అన్నీ..!
చిరంజీవి స్టెప్స్ మరీ రొటీన్ అయిపోతున్నాయి.. ముందులా చిరుతో డాన్సులు చేయించలేకపోతున్నారు కొరియోగ్రఫర్లు.. ఇలాగే ఉంటే చిరు డాన్సులు కూడా బోర్ కొట్టేస్తాయేమో..? బయటికి చెప్పట్లేదు గానీ ఈ మధ్య చిరుపై ఫ్యాన్స్ నుంచి వస్తున్న మేజర్ కంప్లైంట్స్ అయితే ఇవే. దీనికోసమే విశ్వంభరలో ప్లాన్ మార్చేస్తున్నారు మెగాస్టార్. మరి ఆయనేం చేస్తున్నారు..?
చిరంజీవి అంటే ముందుగా గుర్తుకొచ్చేది డాన్సులు.. ఆ తర్వాతే యాక్టింగ్, మాస్ ఇమేజ్ అన్నీ..! చిరు అంటే కేరాఫ్ డాన్స్ అంతే. అలాగని 68 ఏళ్ల వయసులో ఆయన్నుంచి బ్రేక్ డాన్సులేం కోరుకోవట్లేదు అభిమానులు. కానీ బాస్ గ్రేస్ తెలుసు కాబట్టి.. కాస్త కొత్త మూవెంట్స్ కావాలంటున్నారు. కానీ ఖైదీ నెం 150 నుంచి సేమ్ స్టెప్స్ రిపీట్ అవుతుందనే విమర్శలు వస్తున్నాయి.
ఖైదీ నెం 150లో డాన్సులు కుమ్మేసారు బాస్. ముఖ్యంగా బాస్ ఈజ్ బ్యాక్, అమ్మడు కుమ్ముడు అయితే మాస్‌కు పిచ్చపిచ్చగా ఎక్కేసాయి. కానీ ఆ తర్వాత సైరా, ఆచార్య, గాడ్ ఫాదర్‌ సినిమాల్లో డాన్సులకు స్కోప్ లేదు. మళ్లీ వాల్తేరు వీరయ్య, భోళా శంకర్‌లో స్టెప్పులేసినా.. అభిమానులకు అంతగా రుచించలేదనే కంప్లైంట్స్ వచ్చాయి.
ఈ కంప్లైంట్స్ చిరంజీవి వరకు వెళ్లాయో లేదంటే ఆయనే ఫ్రెష్ కాంబినేషన్ కోసం చూస్తున్నారో తెలియదు కానీ విశ్వంభరలో చాలా మార్పులే కనిపించబోతున్నాయి. ముఖ్యంగా కొరియోగ్రఫీ కొత్తగా ఉండబోతుంది. ఇప్పటికే ఈ సినిమాలోని మొదటి పాట నా సామిరంగా డైరెక్టర్ విజయ్ బిన్ని కొరియోగ్రఫీ చేసారు.. మరో పాటను శోభి మాస్టర్ చేస్తున్నారు. త్రిష ఇందులో హీరోయిన్.
విశ్వంభరలో చిరు డాన్సుల్లో పూర్తిగా న్యూ ఫ్లేవర్ కనబడబోతుంది. శేఖర్ మాస్టర్‌కు కాస్త బ్రేక్ ఇచ్చి.. తనతో పనిచేయని వాళ్ల వైపు చూస్తున్నారు మెగాస్టార్. 90స్‌లో చిరంజీవిలోని గ్రేస్‌ను స్క్రీన్‌పై చూపించే ప్రయత్నం గట్టిగా చేస్తున్నారు దర్శకుడు వశిష్ట. ఇక ఇందులో చిరు చెల్లెల్లుగా ఇషా చావ్లా, రమ్య పసుపులేటి, సురభి, అశ్రిత వేముగంటి నటిస్తున్నారు. సంక్రాంతి 2025కి సినిమా రానుంది.