Dulquer Salmaan: వరసగా మూడోసారి అదే పని చేస్తున్న దుల్కర్ సల్మాన్..
హిట్ కొట్టాలంటే హిస్టారికల్ కథలు తప్ప మరో ఆప్షన్ లేదా..? బాక్సాఫీస్ బద్దలు కొట్టాలంటే.. చరిత్రను తవ్వడం తప్ప మరో మార్గమే లేదా..? ఈ డౌట్స్ ఇప్పుడెందుకు వచ్చాయబ్బా అనుకుంటున్నారా..? మరి రావా.. హీరో ఎవరున్నా.. సినిమా మాత్రం పీరియాడిక్ బ్యాక్‌డ్రాప్‌లోనే వస్తుంటే..? తాజాగా దుల్కర్ సల్మాన్ సైతం మరోసారి పీరియాడిక్ సినిమానే నమ్ముకుంటున్నారు. పీరియాడిక్ సినిమాలకు ఈ మధ్య మామూలు క్రేజ్ లేదు. కథ చెప్పాలంటే కనీసం 20-30 ఏళ్ళు.. కుదిర్తే 50 ఏళ్లు వెనక్కి వెళ్తున్నారు.
హిట్ కొట్టాలంటే హిస్టారికల్ కథలు తప్ప మరో ఆప్షన్ లేదా..? బాక్సాఫీస్ బద్దలు కొట్టాలంటే.. చరిత్రను తవ్వడం తప్ప మరో మార్గమే లేదా..? ఈ డౌట్స్ ఇప్పుడెందుకు వచ్చాయబ్బా అనుకుంటున్నారా..? మరి రావా.. హీరో ఎవరున్నా.. సినిమా మాత్రం పీరియాడిక్ బ్యాక్‌డ్రాప్‌లోనే వస్తుంటే..? తాజాగా దుల్కర్ సల్మాన్ సైతం మరోసారి పీరియాడిక్ సినిమానే నమ్ముకుంటున్నారు.
1 / 5
పీరియాడిక్ సినిమాలకు ఈ మధ్య మామూలు క్రేజ్ లేదు. కథ చెప్పాలంటే కనీసం 20-30 ఏళ్ళు.. కుదిర్తే 50 ఏళ్లు వెనక్కి వెళ్తున్నారు. ఏ హీరోను తీసుకున్నా ట్రేడ్‌లో నడుస్తున్న ట్రెండ్ ఇదే. పైగా హిస్టారికల్ సినిమాలకు సక్సెస్ పర్సెంటేజ్ బానే ఉంది. గత రెండు మూడేళ్లలో వచ్చిన సార్, ఉప్పెన, ట్రిపుల్ ఆర్, రంగస్థలం, పుష్ప లాంటివన్నీ 20 నుంచి 50 ఏళ్ల నాటి పీరియాడిక్ కథలే.
2 / 5
వరుణ్ తేజ్, కరుణ కుమార్ మట్కా సినిమా కూడా పీరియాడిక్కే. హాయ్ నాన్న ఫేమ్ వైరా ఎంటర్‌టైన్మెంట్స్ ఈ సినిమాను నిర్మిస్తున్నారు. దీని నేపథ్యం 1970స్. మట్కా టైటిల్‌లోనే చాలా హింట్స్ ఇచ్చారు కరుణ కుమార్. 1975 నాటి రూపాయి కాయిన్.. 5 రూపాయల నోట్లు.. పాత కారు.. వెనక నోట్ల కట్టలు.. ఇవన్నీ చూస్తుంటే ఇదేదో మాఫియా కథని అర్థమవుతుంది. వైజాగ్ నేపథ్యంలో ఈ కథ సాగుతుంది.
3 / 5
తాజాగా దుల్కర్ సల్మాన్, వెంకీ అట్లూరి లక్కీ భాస్కర్ సైతం పీరియాడిక్ నేపథ్యమే. సార్ తర్వాత వెంకీ మరోసారి ఇలాంటి కథనే నమ్ముకున్నారు. ఇక దుల్కర్ సైతం వరసగా అలాంటి సినిమాల్లోనే నటిస్తున్నారు. మహానటి నేపథ్యం 1940 నుంచి 1980ల మధ్య జరిగితే.. సీతా రామం సినిమా నేపథ్యం 1950స్ నుంచి మొదలై 1980ల్లో ముగుస్తుంది. ఈ రెండూ బ్లాక్‌బస్టరే. ఇప్పుడు లక్కీ భాస్కర్ అలాంటి నేపథ్యంలోనే వస్తుంది.
4 / 5
రామ్ చరణ్ సైతం వరసగా పీరియాడిక్ సినిమాల వైపు అడుగులేస్తున్నారు. ట్రిపుల్ ఆర్ 1920స్ బ్యాక్‌డ్రాప్‌లో రాగా.. శంకర్, బుచ్చిబాబు సినిమాల్లో 1940స్ నేపథ్యం ఉంది. అలాగే బాలయ్య, బాబీ సినిమాతో పాటు.. పవన్ కళ్యాణ్ OG కూడా 1980స్ నేపథ్యంలోనే వస్తున్నాయి. పుష్ప 2 గురించి చెప్పనక్కర్లేదు. మొత్తానికి ఇప్పుడంతా జయహో పీరియాడిక్ అంటున్నారు మన హీరోలు.
