Mamitha Baiju : ఆ స్టార్ హీరో సినిమా అంటే చాలా ఇష్టం.. చాలా బాగుంటుంది.. డ్యూడ్ మూవీ హీరోయిన్ మమితా..
ప్రేమలు సినిమాతో తెలుగులోనూ మంచి ఫాలోయింగ్ సంపాదించుకుంది కేరళ బ్యూటీ మమితా బైజు. ఒక్క సినిమాతోనే తనకంటూ ఓ ఇమేజ్ క్రియేట్ చేసుకున్న ఈ బ్యూటీ. ఇప్పుడు డ్యూడ్ సినిమాతో మరోసారి తెలుగు అడియన్స్ ముందుకు వచ్చింది. కోలీవుడ్ హీరో ప్రదీప్ రంగనాథన్ నటించిన ఈ చిత్రాన్ని తమిళంతోపాటు తెలుగులోనూ రిలీజ్ చేసిన సంగతి తెలిసిందే.
ప్రస్తుతం బాక్సాఫీస్ వద్ద మంచి రెస్పాన్స్ అందుకుంటున్న సినిమాల్లో డ్యూడ్ ఒకటి. లవ్ టుడే, డ్రాగన్ చిత్రాలతో హిట్స్ అందుకున్న హీరో ప్రదీప్ రంగనాథన్ ఇప్పుడు డ్యూడ్ సినిమాతో మరోసారి తెలుగు అడియన్స్ ముందుకు వచ్చారు. అక్టోబర్ 17న విడుదలైన ఈ సినిమాకు మంచి రెస్పాన్స్ వస్తుంది.
ఇందులో ప్రదీప్ సరసన మమితా బైజు హీరోయిన్ గా నటించిన సంగతి తెలిసిందే. అంతకు ముందు ప్రేమలు సినిమాతో తెలుగులో మంచి ఫ్యాన్ ఫాలోయింగ్ సంపాదించుకుంది మమితా. మలయాళంలో చాలా కాలంగా క్యారెక్టర్ ఆర్టిస్టుగా, కథానాయికగా అనేక సినిమాల్లో నటించింది ఈ ముద్దుగుమ్మ.
కానీ ప్రేమలు సినిమాతో ఈ బ్యూటీ క్రేజ్ ఒక్కసారిగా మారిపోయింది. ప్రేమలు సినిమా తర్వాత ఆమెకు తెలుగులో సెపరేట్ ఫ్యాన్ బేస్ క్రియేట్ అయ్యింది. ఈ మూవీ తర్వాత ఇప్పుడు డ్యూడ్ సినిమాతో మరోసారి తెలుగు అడియన్స్ ముందుకు వచ్చిన ఈ బ్యూటీ.. ఇటీవల తనకు ఇష్టమైన హీరో గురించి చెప్పుకొచ్చింది.
ఇటీవల ఓ ఇంటర్వ్యూలో తెలుగు సినిమాలు చూసేవారా అని అడగ్గా మమితా బైజు మాట్లాడుతూ.. రామ్ చరణ్ మగధీర సినిమా అంటే చాలా ఇష్టమని.. మలయాళంలో ఈ మూవీ ధీర పేరుతో వచ్చిందని.. ఆ సినిమా చాలా బాగుంటుందని చెప్పుకొచ్చింది.
అలాగే తాను స్కూల్ టైంలో ఉన్నప్పుడు ఆర్య, ఆర్య 2 చిత్రాలు చూశానని.. ఆ రెండు సినిమాలు చాలా బాగుంటాయని చెప్పుకొచ్చింది. ఇక రీసెంట్ టైమ్స్ మూవీ గురించి చెప్పలేదు. దీంతో అల్లు అర్జున్, చరణ్ ఫ్యాన్స్ మమిత చేసిన కామెంట్స్ తెగ షేర్ చేస్తున్నారు.